2021 റോയൽ എൻഫീൽഡ് ഹിമാലയൻ; ഒരുങ്ങുന്നത് പുതിയ മൂന്ന് കളർ ഓപ്ഷനുകളിൽ

ഇന്ത്യയിൽ എന്നപോലെ ആഗോള വിപണികളിലും മികച്ച ഡിമാൻഡാണ് ഹിമാലയന് ലഭിക്കുന്നത്. നിലവിൽ ഏറ്റവും കൂടുതൽ കയറ്റുമതി ചെയ്യുന്ന രണ്ടാമത്തെ റോയൽ എൻഫീൽഡ് മോട്ടോർസൈക്കിളാണ് ഇത്. 2021 മോഡൽ ഇയർ പരിഷ്ക്കരണം ലഭിക്കുന്നതോടെ വിൽപ്പന കൂടുതൽ വർധിപ്പിക്കും.

രൂപകൽപ്പനയുടെ കാര്യത്തിൽ 2021 ഹിമാലയൻ മുമ്പത്തേതിന് സമാനമായിരിക്കും. എങ്കിലും കാഴ്ച്ചയിൽ കുറച്ച് മാറ്റങ്ങൾ ഉൾപ്പെടുത്താം. ഉദാഹരണത്തിന് ഫ്യുവൽ ടാങ്കിന് സമീപം സ്ഥാപിച്ചിരിക്കുന്ന മെറ്റൽ ഫ്രെയിമിന്റെ പുനർരൂപകൽപ്പന.

MOST READ: 100 ​​ദശലക്ഷം യൂണിറ്റ് പ്രൊഡക്ഷൻ നാഴികക്കല്ല് പിന്നിട്ട് ഹീറോ

നിലവിലെ മോഡലിൽ ഫ്രെയിം കാൽമുട്ടുകളിൽ സ്പർശിക്കുന്നതിനാൽ ഉയരമുള്ള ചില റൈഡർമാർക്ക് ഇത് അസൗകര്യമുണ്ടാക്കുന്ന കാര്യമായിരുന്നു. അതോടൊപ്പം അപ്‌ഡേറ്റുചെയ്‌ത വേരിയന്റിൽ ഫ്രെയിം ചെറുതും കൂടുതൽ ഫോർവേഡ് സെറ്റുമായാണ് നൽകിയിരിക്കുന്നത്.

ഉപഭോക്താക്കൾക്കായി കസ്റ്റമൈസേഷൻ ഓപ്ഷനുകൾ വർധിപ്പിക്കുന്നതിനുള്ള കമ്പനിയുടെ തന്ത്രത്തിന് അനുസൃതമായി 2021 ഹിമാലയന് പുതിയ കളർ ഓപ്ഷനുകളും ലഭിക്കും. അതിൽ സിൽവർ, മാറ്റ് ബ്ലാക്ക്, പൈൻ ഗ്രീൻ എന്നിവയാണ് ഉൾപ്പെടുന്നത്.

MOST READ: പുതുക്കിയ 2021 മോഡൽ ലൈനപ്പ് അവതരിപ്പിച്ച് ഹാർലി ഡേവിഡ്സൺ

അതോടൊപ്പം സോളിഡ് വൈറ്റ് പോലുള്ള നിലവിലുള്ള ചില കളർ ഓപ്ഷനുകൾ കമ്പനി നിർത്താൻ സാധ്യതയുണ്ട്. നിലവിലെ മോഡലിൽ ഗ്രേവൽ ഗ്രേ, സ്ലീറ്റ് ഗ്രേ, സ്നോ വൈറ്റ്, ഗ്രാനൈറ്റ് ബ്ലാക്ക്, റോക്ക് റെഡ്, ലേക് ബ്ലൂ എന്നീ നിറങ്ങളിലാണ് റോയൽ എൻഫീൽഡ് ഹിമാലയൻ വാഗ്ദാനം ചെയ്യുന്നത്.

2021 ഹിമാലയന്റെ ഏറ്റവും പ്രധാനപ്പെട്ട അപ്‌ഡേറ്റുകളിലൊകും ട്രിപ്പർ നാവിഗേഷന്റെ സാന്നിധ്യം. ഇത് ആദ്യമായി റോയൽ എൻഫീൽഡ് മീറ്റിയോർ 350 പതിപ്പിലാണ് അവതരിപ്പിച്ചത്. ഒരു സെഗ്‌മെന്റിന്റെ ആദ്യ സവിശേഷതയായ ട്രിപ്പർ നാവിഗേഷൻ ഉപഭോക്താക്കൾക്ക് വളരെ പ്രയോജനകരമായ ഒന്നാണ്.

MOST READ: മന്ത്രി വാഹനങ്ങളും നിയമപരിധിയിൽ തന്നെ; സൺ ഫിലിമുകളും കർട്ടനുകളും നീക്കം ചെയ്യാൻ നിർദ്ദേശം നൽകി MVD

എഞ്ചിനും നിലവിലെ മോഡലിന് സമാനമായിരിക്കും. 411 സിസി ബിഎസ്-VI എയർ കൂൾഡ്, ഫ്യുവൽ ഇഞ്ചക്ഷൻ യൂണിറ്റാണിത്. പരമാവധി 24.3 bhp കരുത്തും 32 Nm torque ഉം ഉത്പാദിപ്പിക്കാൻ ഈ യൂണിറ്റ് പ്രാപ്‌തമാണ്. 5-സ്പീഡ് കോൺസ്റ്റെന്റ് മെഷ് ഗിയർബോക്സുമായാണ് എഞ്ചിൻ ജോടിയാക്കിയിരിക്കുന്നത്.

നിലവിലെ മോഡലിന് 1.91 ലക്ഷം മുതൽ 1.96 ലക്ഷം രൂപ വരെയാണ് എക്‌സ്‌ഷോറൂം വില. എന്നാൽ അപ്‌ഡേറ്റുകൾക്കൊപ്പം പുതിയ ഹിമാലയന് അൽപ്പം ഉയർന്ന വിലയാകും മുടക്കേണ്ടി വരിക.

Source: Motorbeam