Just In
- 45 min ago ADAS ദുരുപയോഗം ചെയ്യുന്നവര് ദേ കാണ്... മഹീന്ദ്ര XUV700 യാത്രക്കാരുടെ ജീവന് രക്ഷിച്ച് സേഫ്റ്റി ഫീച്ചര്
- 1 hr ago ചൈനീസ് വാഹനങ്ങൾ അപകടകാരികളെന്ന് അമേരിക്ക, നിരോധനം ഉടനെ കാണുമോ എന്തോ
- 2 hrs ago തള്ളല്ല, എക്സ്റ്ററിന് കിട്ടുന്നത് 33 കി.മീ. മൈലേജ്; തെളിവ് സഹിതം പുറത്തുവിട്ട് ഉടമകൾ
- 3 hrs ago മെയ് മാസം നിങ്ങളുടെ പോക്കറ്റിന് ലാഭവുമായി ചേതക്, ഇവി ലാഭകരം തന്നെ കേട്ടോ
Don't Miss
- Movies മുക്ത എട്ടാം ക്ലാസില് പഠിക്കുമ്പോള് കള്ളം പറഞ്ഞാണ് സിനിമയില് അഭിനയിച്ചത്; സലിം കുമാര്
- Finance സന്തോഷത്തിന്റെ വെള്ളിയാഴ്ച, ഓഹരി വിലയിൽ കുതിപ്പുമായി മോത്തിലാൽ ഓസ്വാൾ, കുതിപ്പിന്റെ കാരണം ഇതാണ്
- Sports IPL 2024: ലോകം മുഴുവന് കണ്ടു, കണ്ണടച്ച് അംപയര്! മുംബൈക്കു മാത്രമല്ല ചെന്നൈയ്ക്കും പിന്തുണ
- News 'രാഹുല് ഗാന്ധി ലീഗ് പതാക പിടിച്ചു': ഹിന്ദു വിരുദ്ധ വികാരം പടർത്തുന്നുവെന്ന് കേന്ദ്ര മന്ത്രി
- Technology മോനേ... ജാഡ കാണിക്കാൻ ഇത്രേം പറ്റിയ ഐറ്റം വേറെയില്ല! ഐഫോൺ 15 പ്രോയ്ക്ക് ഡിസ്കൗണ്ട്
- Travel ഇടുക്കി ഡാം സന്ദർശനം; പ്രവേശന നിയന്ത്രണം മുതൽ യാത്രയ്ക്കു മുൻപ് അറിയേണ്ട ആറു കാര്യങ്ങൾ
- Lifestyle രണ്ട് ശിവലിംഗങ്ങള്, രാവണനെ വധിച്ച പാപം തീര്ക്കാന് ശ്രീരാമന് ആരാധന നടത്തിയ ക്ഷേത്രം
75-ന്റെ നിറവില് വെസ്പ; വാര്ഷിക പതിപ്പിനെ ഇന്ത്യയിലും അവതരിപ്പിക്കും
വിപണിയില് എത്തിയതിന്റെ 75-ാം വാര്ഷികം ആഘോഷിക്കുകയാണ് ഇറ്റാലിയന് സ്കൂട്ടര് നിര്മാതാക്കളായ വെസ്പ. ഇതിന്റെ ഭാഗമായി ഈ വര്ഷത്തിന്റെ തുടക്കത്തില് വാര്ഷിക പതിപ്പായി ഒരു മോഡലിനെ ഈ വര്ഷത്തിന്റെ തുടക്കത്തില് അവതരിപ്പിച്ചിരുന്നു.
വിവിധ അന്താരാഷ്ട്ര വിപണികളില് ഈ മോഡലിനെ കമ്പനി വില്പ്പനയ്ക്ക് എത്തിക്കുകയും ചെയ്തിരുന്നു. ഇപ്പോഴിതാ ഈ മോഡലിനെ ഇന്ത്യന് വിപണിയിലും എത്തിക്കാനൊരുങ്ങുകയാണ് കമ്പനി.
ഓഗസ്റ്റ് 19-ന് ഈ മോഡലിനെ വില്പ്പനയ്ക്ക് എത്തിക്കുമെന്നാണ് കമ്പനി അറിയിച്ചിരിക്കുന്നത്. അതേസമയം മോഡല് സംബന്ധിച്ച മറ്റ് വിവരങ്ങള് ഒന്നും തന്നെ കമ്പനി വെളിപ്പെടുത്തിയിട്ടില്ല.
വെസ്പ 75 -ാമത് കൂടാതെ, തെരഞ്ഞെടുത്ത അന്താരാഷ്ട്ര വിപണികളില് വെസ്പ പ്രൈമവേറ 150 പോലുള്ള മറ്റ് എക്സ്ക്ലൂസീവ് ഓഫറുകളും കമ്പനി വാഗ്ദാനം ചെയ്യുന്നുണ്ട്. കമ്പനി അടുത്തിടെ പുതിയ 2021 വെസ്പ പ്രൈമവേര 75 -ാം വാര്ഷിക പതിപ്പും 2021 വെസ്പ GTS 75-ാം വാര്ഷിക പതിപ്പും മലേഷ്യയില് വില്പ്പനയ്ക്ക് എത്തിച്ചിരുന്നു.
മറ്റ് മോഡലുകളില് നിന്ന് വ്യത്യസ്തമാക്കുന്നതിന്റെ ഭാഗമായി പുറത്ത്, സ്കൂട്ടര് നിര്മ്മാതാവിന്റെ 75 -ാമത് വാര്ഷികത്തോടനുബന്ധിച്ച് ബോഡി പാനലുകളില് '75' എന്ന സംഖ്യ വെസ്പ 75 -ല് പ്രദര്ശിപ്പിക്കുമെന്നാണ് പ്രതീക്ഷിക്കുന്നത്.
സ്കൂട്ടറിന്റെ മലേഷ്യന്-സ്പെക്ക് യൂണിറ്റില് കാണുന്നതുപോലെ ടെയില് ഭാഗത്ത് ഘടിപ്പിച്ചിരിക്കുന്ന ഒരു വലിയ വൃത്താകൃതിയിലുള്ള തുകല് ബാഗും ഈ മോഡലിന് കമ്പനി നല്കിയേക്കും.
സ്കൂട്ടറിന്റെ മലേഷ്യന്-സ്പെക്ക് യൂണിറ്റില് കാണുന്നതുപോലെ ടെയില് ഭാഗത്ത് ഘടിപ്പിച്ചിരിക്കുന്ന ഒരു വലിയ വൃത്താകൃതിയിലുള്ള തുകല് ബാഗും ഈ മോഡലിന് കമ്പനി നല്കിയേക്കും.
ഈ ബാഗ് വെല്വെറ്റ്-സോഫ്റ്റ് ന്യൂബക്ക് ലെതറിനെ അടിസ്ഥാനമാക്കിയുള്ളതാണ്, അത് സാഡിലിന്റെ അതേ പെയിന്റ് തീം അവതരിപ്പിക്കുന്നു. ബാഗ് ഒരു ഷോള്ഡര് സ്ട്രാപ്പും ലഗേജ് റാക്കിലെ ക്ലിപ്പുകളും സ്പോര്ട്സ് ചെയ്യുന്നു.
യഥാര്ത്ഥ മോഡലിന്റെ കളര് തീമില് നിന്ന് പ്രചോദനം ഉള്ക്കൊള്ളുന്ന ഒരു പ്രത്യേക 'ജിയാലോ 75-ാമത്' കളര് സ്കീം സ്കൂട്ടറില് അവതരിപ്പിക്കുമെന്നാണ് പ്രതീക്ഷിക്കുന്നത്. ബാഡ്ജ്, ഇന്സ്ട്രുമെന്റ് ക്ലസ്റ്റര്, ഫ്രണ്ട് മഡ്ഗാര്ഡ്, മഫ്ലര്, റിയര് എന്നിവയില് ക്രോം ഇന്സേര്ട്ടുകളും പ്രതീക്ഷിക്കാം.
വെസ്പ GTS, പ്രൈമവേര എന്നിവയിലാണ് വാര്ഷിക പതിപ്പ് ഒരിങ്ങുന്നത്. ഇരുമോഡലും 125 സിസി, 300 സിസി വേരിയന്റുകളിലും വില്പ്പനയ്ക്ക് എത്തുകയും ചെയ്യുന്നുണ്ട്. എന്നാല് ഇന്ത്യയിലേക്കുള്ള മോഡലില് ഏത് പതിപ്പാകും ലഭ്യമാകുകയെന്ന് നിലവില് സൂചനകളൊന്നും ലഭ്യമായിട്ടില്ല.
അതേസമയം മോഡലിന്റെ മറ്റ് വിവരങ്ങളൊന്നും നിലവില് ലഭ്യമല്ല. ആഗോള വിപണിയില് അവതരിപ്പിച്ചതിന് സമാനമായിരിക്കും ഇന്ത്യന് വിപണിയിലും എത്തിക്കുക. സ്പെഷ്യല് എഡിഷന് മോഡലുകളായതുകൊണ്ട് തന്നെ മോഡലിന്റെ പരിമിത യൂണിറ്റുകള് മാത്രമാകും വില്പ്പനയ്ക്ക് എത്തിക്കുക.
വൈകാതെ തന്നെ മോഡലിനായുള്ള ബുക്കിംഗ് കമ്പനി ആരംഭിച്ചേക്കും. വിലനിര്ണ്ണയം നടക്കുമ്പോള്, 75 -ാം പതിപ്പ് അടിസ്ഥാനമാക്കിയുള്ള സ്റ്റാന്ഡേര്ഡ് പതിപ്പിനേക്കാള് വില പ്രീമിയം ആയിരിക്കുമെന്ന് വേണം കരുതാന്.
കഴിഞ്ഞ 75 വര്ഷത്തിനിടെ 19 ദശലക്ഷം സ്കൂട്ടറുകള് നിര്മ്മിക്കാന് വെസ്പയ്ക്ക് കഴിഞ്ഞു. പോണ്ടെഡെറ പ്ലാന്റിലെ ഉല്പാദന ലൈനുകളില് നിന്ന് പുറത്തിറങ്ങിയ 19 -ാം മില്യണ് സ്കൂട്ടര് ഒരു GTS 300 മോഡലായിരുന്നു.
അതേസമയം രാജ്യത്ത് ഇലക്ട്രിക് മോഡലിനെ അവതരിപ്പിക്കാനും കമ്പനിക്ക് പദ്ധതികളുണ്ട്. പ്രത്യേകിച്ച് രാജ്യത്ത് ഇലക്ട്രിക് മോഡലുകള്ക്ക് ആവശ്യക്കാര് ഏറുന്ന അവസരത്തില്. ഇലക്ട്രിക് പതിപ്പ് ഇന്ത്യയില് അവതരിപ്പിക്കുമെന്ന് വെസ്പ നേരത്തെ തന്നെ സ്ഥിരീകരിച്ച് രംഗത്തെത്തിയിരുന്നു.
എലെട്രിക്കയെ അടിസ്ഥാനമാക്കിയായിരിക്കും സ്കൂട്ടര് നിര്മിക്കുകയെന്നും കമ്പനി വ്യക്തമാക്കിട്ടുണ്ട്. യൂറോപ്പ്യന് വിപണികളില് ഈ മോഡല് ലഭ്യമാണ്. ഒറ്റ ചാര്ജില് 100 കിലോമീറ്റര് വരെ ശ്രേണിയും ഇലക്ട്രിക് സ്കൂട്ടര് വാഗ്ദനം ചെയ്യുമെന്നാണ് റിപ്പോര്ട്ട്.
സവിശേഷതകളുടെ നീണ്ട നിര തന്നെ സ്കൂട്ടറില് ഉണ്ടായിരിക്കുമെന്നും നേരത്തെ പുറത്തുവന്ന റിപ്പോര്ട്ടുകള് വ്യക്തമാക്കുന്നു. 2020 ഓട്ടോ എക്സ്പോയില് എലെട്രിക്ക ഇലക്ട്രിക് മോഡലിനെ കമ്പനി പരിചയപ്പെടുത്തിയിരുന്നു.
ഉടന് വിപണിയില് എത്തുമെന്ന് പ്രതീക്ഷിച്ചിരുന്നെങ്കിലും പ്രാദേശിക ഘടകങ്ങളുടെ അഭാവവും കൊവിഡ്-19 വ്യാപനവും അവതരണം വൈകിപ്പിക്കുകയായിരുന്നുവെന്ന് വേണം പറയാന്.
4 kW ശേഷിയുള്ള ഇലക്ട്രിക് മോട്ടോറാകും സ്കൂട്ടറിന്റെ കരുത്ത്. പവര്, ഇക്കോ എന്നീ രണ്ടു റൈഡിംഗ് മോഡുകള് സ്കൂട്ടറിലുണ്ട്. നാലു മണിക്കൂര് വേണം ബാറ്ററി പൂര്ണമായും ചാര്ജ് ചെയ്യാന്.
അതോടൊപ്പം തന്നെ ചെലവ് കുറയ്ക്കുന്നതിനായി ഉയര്ന്ന തലത്തിലുള്ള പ്രാദേശികവല്ക്കരണത്തിനും കമ്പനി തയ്യാറായേക്കുമെന്നാണ് സൂചന. ബാറ്ററി പോലുള്ളവയുടെ വില ഇതുവഴി പിടിച്ച് നിര്ത്താനാകുമെന്നാണ് കമ്പനിയുടെ പ്രതീക്ഷ.