Just In
- 17 min ago കെടിഎം വാങ്ങുന്ന പണമുണ്ടേൽ ഈ കിടിലൻ ബൈക്കുകൾ സ്വന്തമാക്കാം, ബാക്കി കാശിന് പെട്രോളും അടിക്കാം
- 41 min ago ആക്സസ് വാങ്ങനല്ല, ഇനിയീ ബൈക്ക് വാങ്ങാനാവും സുസുക്കി ഷോറൂമിൽ തിരക്ക്, നാളെ വിലയും അറിയാം
- 1 hr ago ഈ കാറുകളില് ഫുള്ടാങ്ക് അടിച്ചാല് 1200 കി.മീ പോകാം! ഇതൊക്കെ മാരുതിയെ കൊണ്ടേ സാധിക്കൂ...
- 1 hr ago അടിച്ചു ഫിറ്റായി ആഡംബര വാഹനങ്ങൾ! പിടിച്ച് അകത്തിട്ട് ഒഡീഷ പൊലീസ്, വൈറൽ വീഡിയോ കാണാം
Don't Miss
- Travel ബാംഗ്ലൂർ-ചെന്നൈ യാത്രയ്ക്ക് ഡബിൾ ഡെക്കർ ട്രെയിൻ; പുതിയ സമയക്രമം മേയ് 1 മുതല്, ഒരു മണിക്കൂർ നേരത്തേ എത്താം
- Lifestyle ഗ്ലൂട്ടാതിയോണ് ഇഞ്ചക്ഷന് എടുത്താല് ചര്മ്മം തിളങ്ങും, കലകള് മാറും, പ്രായമാകലിനെ ചെറുക്കും; വാസ്തവമെന്താണ്
- Movies കുറച്ച് പെയിന്റ് എടുത്ത് ഒഴിക്കാന് പറ്റില്ല, കീറലും കറയും വരെ വിശ്വസനീയമാകണം; സ്റ്റെഫി
- Technology സാംസങ് രചിച്ച പുതിയ ഇതിഹാസം! എം സീരീസിന് ആവേശം പകർന്ന് M55 5G ലോഞ്ച് ചെയ്തു
- News 238 തിരഞ്ഞെടുപ്പിൽ തോറ്റുതൊപ്പിയിട്ടു; റെക്കോർഡും കിട്ടി; ഈ തിരഞ്ഞെടുപ്പിലും പത്മരാജൻ മത്സരിക്കും
- Finance വർഷാവസാനത്തെ അവസാന വ്യാപാരം, പച്ചയിൽ തുടർന്ന് സൂചികകൾ, ഇടിവ് നേരിട്ട് ഐഡിഎഫ്സി ഫസ്റ്റ് ബാങ്ക്, കാരണം ഇതാണ്
- Sports IPL 2024: ആരും തളരരുത്, ഡ്രസിങ് റൂമില് ഹാര്ദിക്കിന്റെ പ്രസംഗം; വീഡിയോ വൈറല്
ഉത്സവ സീസണ് ആഘോഷമാക്കാം; സ്കൂട്ടര് ശ്രേണിയില് കൈ നിറയെ ഓഫറുമായി Yamaha
ഉത്സവ സീസണ് എത്തിയതോടെ ഇന്ത്യയില് വില്ക്കുന്ന എല്ലാ സ്കൂട്ടര് മോഡലുകളിലും പ്രത്യേക ഓഫറുകള് പ്രഖ്യാപിച്ച് നിര്മാതാക്കളായ യമഹ.
ജനപ്രീയ മോഡലുകളായ ഫാസിനോ 125 Fi ഹൈബ്രിഡ്, റേ ZR 125 Fi ഹൈബ്രിഡ്, റേ ZR സ്ട്രീറ്റ് റാലി 125 Fi, ഫാസിനോ 125 Fi എന്നിവയില് നിലവില് ഓഫറുകള് സാധുവാണ്.
2021 സെപ്റ്റംബര് 30 വരെ പ്രത്യേക ഓഫറുകളും ഫിനാന്സ് പദ്ധതികളും ഇന്ത്യയിലുടനീളം സാധുവായിരിക്കുമെന്നും കമ്പനി അറിയിച്ചു. യമഹ അടുത്തിടെയാണ് ഫാസിനോ 125 Fi, റേ ZR 125 Fi എന്നിവയുടെ ഹൈബ്രിഡ് പതിപ്പുകള് പുറത്തിറക്കിയത്.
അതേസമയം വിവിധ സംസ്ഥാനങ്ങളിലും തമിഴ്നാട്ടിലും ഓഫറുകള് വ്യത്യസ്തമാണെന്നും കമ്പനി അറിയിച്ചിട്ടുണ്ട്. ഫാസിനോ 125 Fi (നോണ്-ഹൈബ്രിഡ്), റേ ZR Fi (നോണ്-ഹൈബ്രിഡ്) പതിപ്പുകള്ക്ക്, കമ്പനി 3,876 രൂപയുടെ ഇന്ഷുറന്സ് ആനുകൂല്യങ്ങളും അല്ലെങ്കില് 999 ഡൗണ്പെയ്മെന്റും പ്രഖ്യാപിച്ചു (തമിഴ്നാട് ഒഴികെ) കൂടാതെ 1,00,000 രൂപയുടെ ബമ്പര് സമ്മാനവും ലഭിക്കുമെന്നും കമ്പനി അറിയിച്ചു.
അതേസമയം തമിഴ്നാടിനായി, യമഹ 3,876 രൂപയുടെ ഇന്ഷുറന്സ് ആനുകൂല്യങ്ങള് വാഗ്ദാനം ചെയ്യുന്നു, അല്ലെങ്കില് 999 രൂപ വരെ കുറഞ്ഞ പേയ്മെന്റും 2,999 രൂപയുടെ ഉറപ്പുള്ള സമ്മാനവും വാഗ്ദാനം ചെയ്യുന്നുണ്ട്.
2021 ജൂലൈ മാസത്തില് അവതരിപ്പിച്ച യമഹ ഫാസിനോ 125 Fi ഹൈബ്രിഡ്, 5,000 രൂപയുടെ ക്യാഷ് ബാക്ക് ഓഫര് കമ്പനി വാഗ്ദാനം ചെയ്യുന്നു. അല്ലെങ്കില് 999 രൂപയുടെ ഡൗണ് പേയ്മെന്റ് അല്ലെങ്കില് 6,000 രൂപയുടെ എക്സ്ചേഞ്ച് ആനുകൂല്യങ്ങളും സ്ക്രാച്ച് ആന്ഡ് വിന് ഓഫര്, 2,999 രൂപ ഉറപ്പുള്ള സമ്മാനവും (തമിഴ്നാട് ഒഴികെ) 1,00,000 രൂപയുടെ ബമ്പര് സമ്മാനവും കമ്പനി പ്രഖ്യാപിച്ചു.
തമിഴ്നാടിനായി, യമഹ 5,000 രൂപ ക്യാഷ് ബാക്ക് അല്ലെങ്കില് 999 രൂപ ഡൗണ് പേയ്മെന്റ് അല്ലെങ്കില് 6,000 രൂപയുടെ എക്സ്ചേഞ്ച് ആനുകൂല്യങ്ങളും, 2,999 രൂപ ഉറപ്പുള്ള സമ്മാനവും വാഗ്ദാനം ചെയ്യുമെന്നും കമ്പനി അറിയിച്ചിട്ടുണ്ട്.
അതേസമയം ബ്രാന്ഡില് നിന്നുള്ള മറ്റ് വാര്ത്തകള് പരിശോധിച്ചാല്, അടുത്തിടെയാണ് ഹൈബ്രിഡ് എഞ്ചിന്, ബ്ലുടൂത്ത് കണക്ടിവിറ്റി എന്നിവയുടെ സവിശേഷതകളുമായി പുതിയ ഫാസിനോ 125, റേ ZR 125 മോഡലുകളെ കമ്പനി അവതരിപ്പിക്കുന്നത്.
ഇതില് ഫാസിനോ 125 പതിപ്പിന് 70,000 രൂപയോളം എക്സ്ഷോറൂം വില വരുമ്പോള്, റേ ZR 125 പതിപ്പിന് 76,830 രൂപയാണ് എക്സ്ഷോറൂം വില. 2015 മെയ് മാസത്തിലാണ് യമഹ ആദ്യമായി ഫാസിനോ അവതരിപ്പിക്കുന്നത്.
അന്ന്, 113 സിസി എഞ്ചിനാണ് മോഡലിന് ലഭിച്ചിരുന്നത്. ഈ യൂണിറ്റ് 7 bhp കരുത്തും 8.1 Nm torque ഉം സൃഷ്ടിച്ചിരുന്നു. എന്നാല് അടുത്ത തലമുറ ബിഎസ് VI മോഡല് പുറത്തിറക്കിയതോടെ 125 സിസി വിഭാഗത്തില് യമഹ അരങ്ങേറ്റം കുറിച്ചു.
അതിനെല്ലാം പിന്നാലെ ഇപ്പോള് മോഡലിന്റെ ഹൈബ്രിഡ് പതിപ്പിനെയും കമ്പനി വില്പ്പനയ്ക്ക് എത്തിച്ചിരിക്കുകയാണ്. മൈല്ഡ്-ഹൈബ്രിഡ് സാങ്കേതികവിദ്യയില് സ്റ്റാര്ട്ടര് മോട്ടോര് ജനറേറ്റര് (SMG) സവിശേഷതയുണ്ട്, ആവശ്യമുള്ളപ്പോഴെല്ലാം എഞ്ചിന് പവര് അസിസ്റ്റ് നല്കുന്നതില് സുപ്രധാന പങ്കാണ് ഇത് വഹിക്കുന്നത്.
SMG കൂട്ടിച്ചേര്ത്തതിനു പുറമേ, മൊത്തത്തിലുള്ള എഞ്ചിന് അതേപടി നിലനില്ക്കുന്നു. നിലവിലെ യമഹ ഫാസിനോയുടെ 125 സിസി ഫ്യുവല് ഇഞ്ചക്ടഡ് എഞ്ചിന് നിലനിര്ത്തിയിരിക്കുന്നത് കാണാം. ഈ യൂണിറ്റ് 8.2 bhp കരുത്തും 10.3 Nm torque ഉം ഉത്പാദിപ്പിക്കുന്നു. ഇതേ എഞ്ചിനും, മാറ്റമില്ലാത്ത് പ്ലാറ്റ്ഫോമും തന്നെയാണ് റേ ZR 125 Fi പതിപ്പിനും ലഭിക്കുക.
എഞ്ചിന് നവീകരണത്തിന് പുറമേ രണ്ട് മോഡലുകള്ക്കും ലഭിക്കുന്ന മറ്റൊരു പ്രധാന സവിശേഷതയാണ്, സ്മാര്ട്ട്ഫോണ് കണക്റ്റിവിറ്റി. ഇതോടെ യമഹ ഫാസിനോയും, റെ ZR ഉം അതിന്റെ ക്ലാസിലെ ഏറ്റവും സാങ്കേതികമായി മുന്നേറിയ സ്കൂട്ടറായി മാറും.
ഒരു ആപ്പിലൂടെ, ഉപയോക്താക്കള്ക്ക് സ്കൂട്ടര്, റെക്കോര്ഡ് റൈഡിംഗ്, പാര്ക്കിംഗ് ഹിസ്റ്ററി എന്നിവ കണ്ടെത്താനാകും. യാത്ര എത്രത്തോളം കാര്യക്ഷമമായിരുന്നുവെന്നും അത് എങ്ങനെ കൂടുതല് കാര്യക്ഷമമാകുമെന്നും ആപ്പ് വഴി ഉപയോക്താവിന് മനസ്സിലാക്കാനും സാധിക്കും.
യമഹ ഫാസിനോ ഹൈബ്രിഡ് മൊത്തം നാല് കളര് ഓപ്ഷനുകളില് ലഭ്യമാകും. ഡ്രം ബ്രേക്ക് വേരിയന്റില് യെല്ലോ കോക്ടെയ്ല്, വിവിഡ് റെഡ് സ്പെഷ്യല്, മാറ്റ് ബ്ലാക്ക് സ്പെഷ്യല്, കൂള് ബ്ലൂ മെറ്റാലിക് കളര് ഓപ്ഷനുകള് ലഭിക്കുമ്പോള്, ഡിസ്ക് ബ്രേക്ക് വേരിയന്റില് വിവിഡ് റെഡ് സ്പെഷ്യല്, മാറ്റ് ബ്ലാക്ക് സ്പെഷ്യല്, കൂള് ബ്ലൂ മെറ്റാലിക് കളര് ഓപ്ഷനും ലഭിക്കും.
റേ ZR പതിപ്പിന് റേസിംഗ് ബ്ലൂ, റെഡ്ഡിഷ് യെല്ലോ കോക്ക്ടെയില്, മാറ്റ് റെഡ് മെറ്റാലിക്, സിയാന് ബ്ലൂ, മെറ്റാലിക് ബ്ലാക്ക് എന്നിവ ലഭിക്കുമ്പോള്, സ്ട്രീറ്റ് റാലി പതിപ്പില് മാറ്റ് ഗ്രീന്, മാറ്റ് ഓറഞ്ച് കളര് ഓപ്ഷനുകളാണ് കമ്പനി ലഭ്യമാക്കിയിരിക്കുന്നത്.