Just In
- 4 hrs ago ഹിമാലയനും പെരുത്തിഷ്ടായി..! എന്ഫീല്ഡിന്റെ ദക്ഷിണാഫ്രിക്കക്കാരനായ 'സെലിബ്രിറ്റി' ഫാനിനെ മനസ്സിലായോ?
- 4 hrs ago കെടിഎം വാങ്ങുന്ന പണമുണ്ടേൽ ഈ കിടിലൻ ബൈക്കുകൾ സ്വന്തമാക്കാം, ബാക്കി കാശിന് പെട്രോളും അടിക്കാം
- 5 hrs ago ആക്സസ് വാങ്ങനല്ല, ഇനിയീ ബൈക്ക് വാങ്ങാനാവും സുസുക്കി ഷോറൂമിൽ തിരക്ക്, നാളെ വിലയും അറിയാം
- 5 hrs ago ഈ കാറുകളില് ഫുള്ടാങ്ക് അടിച്ചാല് 1200 കി.മീ പോകാം! ഇതൊക്കെ മാരുതിയെ കൊണ്ടേ സാധിക്കൂ...
Don't Miss
- Movies നിനക്ക് പോയത് ഗബ്രിയില്, അവനെ മാറ്റി നിര്ത്തണം എന്ന് റസ്മിന്; ഗെയിം കളഞ്ഞത് വീട്ടുകാരെന്ന് ജാസ്മിന്
- News 14 വര്ഷത്തെ ഇടവേളയ്ക്ക് അവസാനം, രാഷ്ട്രീയത്തിലേക്ക് തിരിച്ചെത്തി ഗോവിന്ദ; ശിവസേനയില് ചേര്ന്നു
- Lifestyle മുഖത്തെ കരുവാളിപ്പിന് അടുക്കളക്കൂട്ടില് പെട്ടെന്ന് പരിഹാരം
- Sports IPL 2024: റയാന് പരാഗ് 2.0; വിമര്ശകരുടെ വായടപ്പിച്ച വെടിക്കെട്ട്; രാജസ്ഥാന്റെ രക്ഷകനായി പരാഗ്
- Travel ബാംഗ്ലൂർ-ചെന്നൈ യാത്രയ്ക്ക് ഡബിൾ ഡെക്കർ ട്രെയിൻ; പുതിയ സമയക്രമം മേയ് 1 മുതല്, ഒരു മണിക്കൂർ നേരത്തേ എത്താം
- Technology സാംസങ് രചിച്ച പുതിയ ഇതിഹാസം! എം സീരീസിന് ആവേശം പകർന്ന് M55 5G ലോഞ്ച് ചെയ്തു
- Finance വർഷാവസാനത്തെ അവസാന വ്യാപാരം, പച്ചയിൽ തുടർന്ന് സൂചികകൾ, ഇടിവ് നേരിട്ട് ഐഡിഎഫ്സി ഫസ്റ്റ് ബാങ്ക്, കാരണം ഇതാണ്
ഫിനാന്സിംഗ് ഇനി വേഗത്തില്; HDFC, IDFC ഫസ്റ്റ് ബാങ്ക് എന്നിവരുമായി പങ്കാളിത്തം പ്രഖ്യാപിച്ച് Ather
HDFC, IDFC ഫസ്റ്റ് ബാങ്കുകളുമായുള്ള പങ്കാളിത്തം പ്രഖ്യാപിച്ച് ബെംഗളൂരു ആസ്ഥാനമായുള്ള ഇലക്ട്രിക് ഇരുചക്ര വാഹന നിര്മാതാക്കളായ ഏഥര് എനര്ജി. ഉപഭോക്താക്കള്ക്ക് എളുപ്പത്തില് ധനസഹായം നല്കുക എന്നതാണ് ഈ പങ്കാളിത്തത്തിലൂടെ ലക്ഷ്യമിടുന്നത്.
താല്പ്പര്യമുള്ള ഉപഭോക്താക്കള്ക്ക് HDFC, IDFC ഫസ്റ്റ് ബാങ്കുകളില് നിന്ന് കുറഞ്ഞ പലിശ നിരക്കിലും പരമാവധി LTV-യിലും (ലോണ്-ടു-വാല്യൂ) തല്ക്ഷണ വായ്പകള് ലഭിക്കും. കഴിഞ്ഞ രണ്ട് വര്ഷമായി ഏഥറിലെ സാമ്പത്തിക വളര്ച്ച ഗണ്യമായി ഉയര്ന്നുവെന്നാണ് ഈ പങ്കാളിത്തത്തെക്കുറിച്ച് സംസാരിച്ച ഏഥര് എനര്ജി ചീഫ് ബിസിനസ് ഓഫീസര് രവ്നീത് ഫൊകെല പറഞ്ഞത്.
HDFC, IDFC ഫസ്റ്റ് ബാങ്കുകളുമായുള്ള പങ്കാളിത്തം ഉപഭോക്താക്കള്ക്ക് വാങ്ങല് എളുപ്പം ഉറപ്പാക്കുമെന്ന് കമ്പനിക്ക് ഉറപ്പുണ്ട്. ഉപഭോക്താക്കള്ക്ക് ലാഭകരമായ ധനസഹായ ഓപ്ഷനുകള് നല്കുന്നതിന് മുന്നിര ബാങ്കുകള്, എന്ബിഎഫ്സികള്, ധനകാര്യ സ്ഥാപനങ്ങള് എന്നിവയുമായി കമ്പനി പങ്കാളിത്തം തുടരുമെന്നും ഫൊകെല കൂട്ടിച്ചേര്ത്തു.
ഏഥര് എനര്ജി ഉപഭോക്തൃ അടിത്തറയുടെ 75 ശതമാനവും IDFC-യാണെന്ന് ഏഥര് എനര്ജി അതിന്റെ ഔദ്യോഗിക പ്രസ്താവനയില് പറഞ്ഞു. IDFC, HDFC ബാങ്കുകള് പുതിയ-ടു-ക്രെഡിറ്റ് ഉപഭോക്താക്കള്ക്ക് (ക്രെഡിറ്റ് ഹിസ്റ്ററി ഇല്ലാത്തവര്ക്ക്) ലോണ് വാഗ്ദാനം ചെയ്യുന്നു, ഇത് മൊത്തത്തിലുള്ള ഏഥര് ഉപഭോക്തൃ അടിത്തറയുടെ ഏകദേശം 20 മുതല് 25 ശതമാനം വരെ വരുമെന്നും പറയുന്നു.
ഏഥര് എനര്ജി അതിന്റെ 450 സീരീസിനുള്ള ഡിമാന്ഡില് ഗണ്യമായ വര്ധനവിന് സാക്ഷ്യം വഹിച്ചു. പ്രതിമാസം 20 ശതമാനം വളര്ച്ചയാണ് കമ്പനി രേഖപ്പെടുത്തിയിരിക്കുന്നത്. കൂടാതെ, ഏഥര് എനര്ജി അതിന്റെ റീട്ടെയില് പ്രവര്ത്തനങ്ങളും വിപുലീകരിക്കുകയാണ് ഇപ്പോള്.
450X, 450 പ്ലസ് എന്നിങ്ങനെ രണ്ട് മോഡലുകളെയാണ് കമ്പനി പ്രധാനമായും വിപണിയില് അവതരിപ്പിക്കുന്നത്. ഇരുമോഡലുകള്ക്കും രാജ്യത്ത് ആവശ്യക്കാര് ഏറെയാണെന്നും കമ്പനി വെളിപ്പെടുത്തുന്നു.
ഇരുമോഡലുകളുടെയും വില വിവരങ്ങള് പരിശോധിച്ചാല്, ഏഥര് 450 പ്ലസിന് 1.27 ലക്ഷം രൂപ എക്സ്ഷോറൂം വില വരുമ്പോള്, ഏഥര് 450X-ന് 1.46 ലക്ഷം രൂപയോളമാണ് എക്സ്ഷോറൂം വില വരുന്നത്. എന്നാല് ചില സംസ്ഥാനങ്ങളിലെ സബ്സിഡിയും, FAME II പരിശോധിക്കുമ്പോള് വിലയില് മാറ്റം വരാമെന്നും കമ്പനി അറിയിച്ചിട്ടുണ്ട്.
രണ്ട് ഏഥര് സ്കൂട്ടറുകളും ഒരു മിനിമലിസ്റ്റിക്, എന്നാല് ഫ്യൂച്ചറിസ്റ്റിക് ഡിസൈന് അവതരിപ്പിക്കുന്നു. എന്നിരുന്നാലും ഇത് മിനുസമാര്ന്നതും സ്പോര്ട്ടിയുമാണ്. പ്രധാന ഹെഡ്ലാമ്പ് യൂണിറ്റ് സ്കൂട്ടറിന്റെ മുന് ഏപ്രണില് സ്ഥാപിച്ചിരിക്കുന്നു, കറുത്ത അലോയ് വീലുകള്, സ്റ്റൈലിഷ് ലുക്ക് റിയര് ഗ്രാബ് റെയില്, ഇലക്ട്രിക് സ്കൂട്ടറിന്റെ ബോഡിയില് വൃത്തിയായി നല്കിയിരിക്കുന്ന സ്മാര്ട്ടായി രൂപകല്പ്പന ചെയ്ത സൈഡ് സ്റ്റാന്ഡും സവിശേഷതയാണ്.
കാഴ്ചയില്, ഏഥര് 450X ഉം 450 ഉം കൂടുതലോ കുറവോ സമാനമാണ്. സ്കൂട്ടറുകള് നിലവില് മൂന്ന് വ്യത്യസ്ത കളര് സ്കീമുകളില് ലഭ്യമാണ്, അതായത് സ്പേസ് ഗ്രേ, മിന്റ് ഗ്രീന്, വൈറ്റ്.
നാവിഗേഷന് മുതല് ഇന്കമിംഗ് കോളുകള് വരെ അടുത്തുള്ള ചാര്ജിംഗ് പോയിന്റുകള് വരെ കാണിക്കുന്ന ബ്ലൂടൂത്ത് കണക്റ്റിവിറ്റിയുള്ള IP65 റേറ്റഡ് 7.0 ഇഞ്ച് ആന്ഡ്രോയിഡ് പവര് എല്സിഡി ടച്ച്സ്ക്രീന് ഡിസ്പ്ലേയാണ് ഏഥര് 450X, 450 പ്ലസ് എന്നിവയില് സജ്ജീകരിച്ചിരിക്കുന്നത്.
22 ലിറ്റര് അണ്ടര് സീറ്റ് സ്റ്റോറേജ്, റിവേഴ്സ് അസിസ്റ്റ്, സൈഡ് സാന്ഡ് സെന്സറുകള്, ഇന്കോഗ്നിറ്റോ മോഡ്, ഗൈഡ്-മീ-ഹോം ഹെഡ്ലൈറ്റുകള്, ഫ്രണ്ട് ആന്ഡ് റിയര് ഡിസ്ക് ബ്രേക്കുകള്, ഇക്കോ, റൈഡ്, സ്പോര്ട്സ്, വാര്പ്പ് എന്നിങ്ങനെ നാല് റൈഡ് മോഡുകളും ഇതിന് ലഭിക്കുന്നു. 450 പ്ലസ് വാര്പ്പ് മോഡും ബ്ലൂടൂത്ത് കണക്റ്റിവിറ്റിയും നഷ്ടപ്പെടുത്തുന്നു എന്ന് വേണം പറയാന്.
ഏഥര് 450X-ലെ ഇലക്ട്രിക് മോട്ടോര് 6 kW പരമാവധി ശക്തിയും 26 Nm പീക്ക് ടോര്ക്കും പുറപ്പെടുവിക്കുന്നു, കൂടാതെ വെറും 3.3 സെക്കന്ഡിനുള്ളില് 0 മുതല് 44 kmph വരെ വേഗത കൈവരിക്കാന് ഇത് സഹായിക്കുന്നു. 116 കിലോമീറ്ററാണ് സ്കൂട്ടറിന് അവകാശപ്പെടുന്ന റേഞ്ച്.
എന്നിരുന്നാലും, ഏഥറിന്റെ ശരിയായ റേഞ്ച് അനുസരിച്ച്, 450X ഇക്കോ മോഡില് 85 കിലോമീറ്ററും റൈഡ് മോഡില് 70 കിലോമീറ്ററും സ്പോര്ട്സ് മോഡില് 60 കിലോമീറ്ററും യഥാര്ത്ഥ ലോക ശ്രേണി നല്കും. 450 പ്ലസിലെ ഇലക്ട്രിക് മോട്ടോര് 5.4 kW പവറും 22 Nm torque ഉം ഉത്പാദിപ്പിക്കുന്നു. 3.9 സെക്കന്ഡില് പൂജ്യത്തില് നിന്ന് 40 കിലോമീറ്റര് വേഗത കൈവരിക്കാന് ഈ സ്കൂട്ടറിന് കഴിയും.
ഏഥര് ഡല്ഹിയില് 10 ഫാസ്റ്റ് ചാര്ജിംഗ് സ്റ്റേഷനുകള് സ്ഥാപിച്ചിട്ടുണ്ട്, കൂടാതെ, എന്സിആര് ഏരിയയില് 40-50 ചാര്ജറുകള് ഉടന് സ്ഥാപിക്കാന് ലക്ഷ്യമിടുന്നു. ഈ ചാര്ജിംഗ് പോയിന്റുകള് 'ഏഥര് ഗ്രിഡ്' എന്നറിയപ്പെടുന്നു, കൂടാതെ ഡല്ഹി, നോയിഡ, ഗുരുഗ്രാം, ഗാസിയാബാദ് എന്നിവിടങ്ങളിലെ പ്രധാന ഹോട്ട്സ്പോട്ടുകളിലും ഇവ സ്ഥാപിച്ചിരിക്കുന്നു.
നഗരത്തിലുടനീളം അതിവേഗ ചാര്ജിംഗ് പോയിന്റുകള് സ്ഥാപിക്കുന്നതിന് EESL പോലുള്ള ദേശീയ സ്ഥാപനങ്ങളുമായി കമ്പനി പങ്കാളിത്തം സ്ഥാപിച്ചിട്ടുണ്ട്. ഇതോടെ, കമ്പനിക്ക് ഇപ്പോള് 18 ലധികം നഗരങ്ങളിലായി 128 ചാര്ജിംഗ് സ്റ്റേഷനുകളുണ്ട്, കൂടാതെ എല്ലാ മാസവും 30-40 സ്റ്റേഷനുകള് കൂട്ടിച്ചേര്ക്കാന് പദ്ധതിയിടുകയും ചെയ്യുന്നു.
3 മണിക്കൂറും 35 മിനിറ്റും കൊണ്ട് 450X പതിപ്പില് 0 മുതല് 80 ശതമാനം വരെ ചാര്ജ് ചെയ്യാന് കഴിയും, കൂടാതെ നിങ്ങള്ക്ക് ഏകദേശം 15 കിലോമീറ്റര് റേഞ്ച് നല്കാന് 10 മിനിറ്റ് ചാര്ജ് ചെയ്താല് മതിയാകുമെന്നും കമ്പനി പറയുന്നു. നിലവില്, ഏഥര് 450 പ്ലസ്, 450X എന്നിവ ടിവിഎസ് ഐക്യൂബ്, ബജാജ് ചേതക്, ഓല S1, S1 പ്രോ എന്നിവയ്ക്കെതിരെയാണ് പ്രധാനമായും മത്സരിക്കുന്നത്. വരാനിരിക്കുന്ന സിമ്പിള് വണ്ണും ഏഥര് ഇലക്ട്രിക് സ്കൂട്ടറുകള്ക്ക് എതിരാളിയാകും.