Just In
- 2 hrs ago ഓഫ്റോഡ് പ്രേമികളേ ഇതിലെ, പുത്തൻ റാങ്ലർ ഫെയ്സ്ലിഫ്റ്റിലെ ഹൈലൈറ്റുകൾ ഇവയൊക്കെ
- 3 hrs ago പുതിയ എസ്യുവിക്ക് 20 കി.മീ മൈലേജ്! ആളുകള് ഇനി ക്യൂ നില്ക്കാന് പോകുന്നത് മഹീന്ദ്ര ഷോറൂമിന് മുന്നില്
- 3 hrs ago മോഡലിംഗും ഡാൻസുമാണ് പാഷൻ, 23-ാം വയസിൽ ഡ്രീം കാർ സ്വന്തമാക്കിയ സുന്ദരിയെ അറിയുമോ?
- 4 hrs ago വെറും 2.99 ലക്ഷം മാത്രം! വർക്കിലും ലുക്കിലും നിഞ്ചയെ തൂക്കും മാക് 2 പതിപ്പുമായി അൾട്രാവയലറ്റ്
Don't Miss
- Movies 'സിബിന്റെ അച്ഛൻ നെഞ്ച് വേദന മൂലം ആശുപത്രിയിൽ, സ്നേഹമുള്ള പയ്യനാണ്, ജാസ്മിന് വേണ്ടി ലാലേട്ടൻ സംസാരിച്ചില്ല'
- Sports IPL 2024: പന്ത് നിലത്ത് തട്ടി? എന്നിട്ടും ഔട്ട് വിളിച്ചു! പൃഥ്വിയുടെ പുറത്താകല് വിവാദത്തില്
- News നിമിഷപ്രിയയെ യെമനിലെ ജയിലിലെത്തി കണ്ട് അമ്മ; കൂടിക്കാഴ്ച്ച 12 വര്ഷങ്ങള്ക്ക് ശേഷം
- Technology DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ
- Lifestyle അരക്കപ്പ് വെണ്ടക്കയില് കിടിലന് പക്കവട: റെസിപ്പി വളരെ എളുപ്പം
- Finance ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി
- Travel ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
പൂര്ണ ചാര്ജില് 120 കിലോമീറ്റര് സഞ്ചരിക്കാം; Believe ഇലക്ട്രിക് സ്കൂട്ടര് അവതരിപ്പിച്ച് Benling
പുതിയ ഇലക്ട്രിക് സ്കൂട്ടര് രാജ്യത്ത് അവതരിപ്പിച്ച് ഗുരുഗ്രാം ആസ്ഥാനമായുള്ള ഇലക്ട്രിക് വാഹന നിര്മ്മാതാക്കളായ ബെന്ലിംഗ്. ബിലീവ് എന്ന പേരില് ദീര്ഘദൂര ഇലക്ട്രിക് ഇരുചക്ര വാഹനമാണ് കമ്പനി പുറത്തിറക്കിയിരിക്കുന്നത്.
ഇന്ത്യന് റോഡുകള്ക്കായി രൂപകല്പ്പന ചെയ്ത അതിവേഗ ഇലക്ട്രിക് സ്കൂട്ടറാണിതെന്നും കമ്പനി വ്യക്തമാക്കുന്നു. 97,520 രൂപ എക്സ്ഷോറൂം വിലയുണ്ടെന്നും കമ്പനി അവകാശപ്പെടുന്നു. നിലവില്, ബെന്ലിംഗിന് രാജ്യത്തുടനീളം 350 ടച്ച് പോയിന്റുകള് ഉണ്ട്, 22 സംസ്ഥാനങ്ങളിലും 160 നഗരങ്ങളിലും ഇത് സ്ഥിതി ചെയ്യുന്നു.
പുതുതായി പുറത്തിറക്കിയ ബിലീവ് ഇലക്ട്രിക് സ്കൂട്ടര് കമ്പനിയുടെ എല്ലാ ഡീലര്ഷിപ്പുകളിലും ലഭ്യമാകും. പുതുതായി അവതരിപ്പിച്ച മോഡലിന് വേണ്ടി, ബെന്ലിംഗ് ഇന്ത്യ ഒരു പുതിയ തലമുറ ഇലക്ട്രിക് ബാറ്ററികളും പുറത്തിറക്കി - LFP (ലിഥിയം അയേണ് ഫോസ്ഫേറ്റ്).
2022 ഓഗസ്റ്റ് 25 മുതല് ഉല്പ്പന്നം അതിന്റെ ഷോറൂമുകളില് ഉടനീളം ലഭ്യമാകുമെന്നും അവതരണവേളയില് കമ്പനി പറഞ്ഞു. യെല്ലോ, ബ്ലൂ, ബ്ലാക്ക്, വൈറ്റ്, പര്പ്പിള്, മാജിക് ഗ്രേ എന്നിങ്ങനെ ആകര്ഷകമായ ആറ് കളര് ഓപ്ഷനുകളിലാണ് ഇ-സ്കൂട്ടര് വരുന്നത്.
ഉല്പ്പന്നത്തിന്റെ USP അതിന്റെ സ്മാര്ട്ട് ബ്രേക്ക്ഡൗണ് അസിസ്റ്റ് സവിശേഷതയാണ്, ഇത് റൈഡറുകള്ക്ക് തകരാര് സംഭവിക്കുമ്പോള് ഒരു നോബ് പിടിച്ച് 25 കിലോമീറ്റര് സുഗമമായി സഞ്ചരിക്കുന്നത് ഉറപ്പാക്കുന്നുവെന്നും കമ്പനി വ്യക്തമാക്കി.
3.2 kw വാട്ടര്പ്രൂഫ് BLDC മോട്ടോറാണ് ഇലക്ട്രിക് സ്കൂട്ടറിന്റെ കരുത്ത്. ഇത് സ്വാപ്പ് സവിശേഷതയോടെയാണ് വരുന്നത്. കമ്പനി പറയുന്നതനുസരിച്ച്, ഒറ്റ ചാര്ജില് 120 കിലോമീറ്റര് വരെ ഇതില് സഞ്ചരിക്കാം. 75 കിലോമീറ്ററാണ് ഇതിന്റെ ടോപ് സ്പീഡ്, മൊത്തം 248 കിലോഗ്രാം ഭാരമുണ്ട്.
LFP ബാറ്ററി പാക്കിനൊപ്പം മൈക്രോ ചാര്ജറും ഓട്ടോ ഷട്ട്ഓഫ് ഫീച്ചറും ഉള്പ്പെടുത്തിയിട്ടുണ്ട്, ഇത് ഏകദേശം നാല് മണിക്കൂറിനുള്ളില് ഫുള് ചാര്ജ് ചെയ്യാന് ഇലക്ട്രിക് സ്കൂട്ടറിനെ അനുവദിക്കുന്നു.
കീലെസ് സ്റ്റാര്ട്ട്, മള്ട്ടിപ്പിള് സ്പീഡ് മോഡുകള്, ആന്റി-തെഫ്റ്റ് അലാറം ഫീച്ചര്, റീജനറേറ്റീവ് ബ്രേക്കിംഗ്, മൊബൈല്-ആപ്പ് കണക്റ്റിവിറ്റി, പാര്ക്ക്-അസിസ്റ്റ് ഫംഗ്ഷന്, മൊബൈല്-ചാര്ജിംഗ്, തത്സമയ ട്രാക്കിംഗ് തുടങ്ങിയ നിരവധി ഫീച്ചറുകളാണ് പുതിയ 'ബിലീവി'ന് ഉള്ളത്.
250 കിലോഗ്രാം ലോഡ് കപ്പാസിറ്റി ഉള്ളതിനാല്, മികച്ച ഇന്-ക്ലാസ് പെര്ഫോമന്സ് നല്കാനുള്ള ശേഷിയുണ്ടെന്ന് ഇലക്ട്രിക് സ്കൂട്ടര് നിര്മ്മാതാവ് അവകാശപ്പെടുന്നു.
ഇന്ത്യന് ഇലക്ട്രിക് ഇരുചക്ര വാഹന വിപണിയില് 'ബിലീവ്' അവതരിപ്പിക്കുന്നതില് തങ്ങള് സന്തുഷ്ടരാണെന്ന് ബെന്ലിംഗ് ഇന്ത്യ സിഇഒയും ഇഡിയുമായ അമിത് കുമാര് പറഞ്ഞു.
ഉപഭോക്താക്കള്ക്ക് ഇപ്പോള് അവര്ക്ക് അനുയോജ്യമായ ഇ-സ്കൂട്ടര് തിരഞ്ഞെടുക്കാനുള്ള സ്വാതന്ത്ര്യമുണ്ട്, ധാരാളം ആധുനിക സവിശേഷതകളും അത്യാധുനിക സാങ്കേതികവിദ്യയും ഇതില് വാഗ്ദാനം ചെയ്യുന്നു. വിപണിയില് അതിന്റെ സ്ഥാനം ഉറപ്പിക്കുന്നതില് ബെന്ലിംഗ് ധാരാളം മോഡലുകള് ഇനിയും വിപണിയില് എത്തിക്കുമെന്നും അദ്ദേഹം വ്യക്തമാക്കി.
'ബിലീവ്' ഇ-സ്കൂട്ടറിന്റെ ബ്രേക്കിംഗിനായി, മുന്നിലും പിന്നിലും ഡിസ്ക് ബ്രേക്കുകളാണ് നല്കിയിരിക്കുന്നത്. അതേസമയം മോഡല് ARAI/ ICAT സര്ട്ടിഫൈഡ് ആണ്. ഏതാനും മാസങ്ങള്ക്കുള്ളില് ബിലീവിന്റെ 3,000 യൂണിറ്റുകള് ഇന്ത്യന് വിപണിയില് പുറത്തിറക്കാന് തയ്യാറാണെന്നും നവംബറോടെ 9,000 യൂണിറ്റുകള് കൂടി സജ്ജമാകുമെന്നും കമ്പനി അറിയിച്ചു.
2023 സാമ്പത്തിക വര്ഷത്തില് 1,20,000 ഡെലിവറികളാണ് കമ്പനി ഇതിനകം ഷെഡ്യൂള് ചെയ്തിരിക്കുന്നത്. കമ്പനി നിലവില് ഹൈ, സ്ലോ സ്പീഡ് വിഭാഗങ്ങളിലായി 3 E2W മോഡലുകള് നിര്മ്മിക്കുന്നുവെന്നും റിപ്പോര്ട്ടില് പറയുന്നു.