Just In
- 16 min ago ഹിമാലയനും പെരുത്തിഷ്ടായി..! എന്ഫീല്ഡിന്റെ ദക്ഷിണാഫ്രിക്കക്കാരനായ 'സെലിബ്രിറ്റി' ഫാനിനെ മനസ്സിലായോ?
- 42 min ago കെടിഎം വാങ്ങുന്ന പണമുണ്ടേൽ ഈ കിടിലൻ ബൈക്കുകൾ സ്വന്തമാക്കാം, ബാക്കി കാശിന് പെട്രോളും അടിക്കാം
- 1 hr ago ആക്സസ് വാങ്ങനല്ല, ഇനിയീ ബൈക്ക് വാങ്ങാനാവും സുസുക്കി ഷോറൂമിൽ തിരക്ക്, നാളെ വിലയും അറിയാം
- 1 hr ago ഈ കാറുകളില് ഫുള്ടാങ്ക് അടിച്ചാല് 1200 കി.മീ പോകാം! ഇതൊക്കെ മാരുതിയെ കൊണ്ടേ സാധിക്കൂ...
Don't Miss
- Lifestyle ശരീരഭാരം കുറയും, ഹൃദയാരോഗ്യം മെച്ചപ്പെടും; ദിനവും വെളിച്ചെണ്ണ ഉപയോഗിച്ചാലുള്ള ഗുണങ്ങള്
- News നെല്ല് സംഭരണത്തിൽ കേന്ദ്രത്തിന്റെ തട്ടിപ്പുകൾ പുറത്തുവന്നു; മന്ത്രി എംബി രാജേഷ്
- Movies 'സുധിച്ചേട്ടന്റെ മൃതദേഹത്തിൽ നിന്നും കൂർക്കം വലി കേട്ടു, കല്യാണം കഴിക്കരുതെന്ന് പറഞ്ഞു, അപകടം സ്വപ്നം കണ്ടു'
- Travel ബാംഗ്ലൂർ-ചെന്നൈ യാത്രയ്ക്ക് ഡബിൾ ഡെക്കർ ട്രെയിൻ; പുതിയ സമയക്രമം മേയ് 1 മുതല്, ഒരു മണിക്കൂർ നേരത്തേ എത്താം
- Technology സാംസങ് രചിച്ച പുതിയ ഇതിഹാസം! എം സീരീസിന് ആവേശം പകർന്ന് M55 5G ലോഞ്ച് ചെയ്തു
- Finance വർഷാവസാനത്തെ അവസാന വ്യാപാരം, പച്ചയിൽ തുടർന്ന് സൂചികകൾ, ഇടിവ് നേരിട്ട് ഐഡിഎഫ്സി ഫസ്റ്റ് ബാങ്ക്, കാരണം ഇതാണ്
- Sports IPL 2024: ആരും തളരരുത്, ഡ്രസിങ് റൂമില് ഹാര്ദിക്കിന്റെ പ്രസംഗം; വീഡിയോ വൈറല്
പുലിമടയിലെ പുതിയ പുലിക്കുട്ടി, മിഡിൽവെയ്റ്റ് സൂപ്പർബൈക്കായി രൂപമെടുത്ത് Honda Hornet
നീണ്ടകാലമായി ഇന്ത്യയിലെ മോട്ടോർസൈക്കിൾ വിഭാഗത്തിലെ അംഗമായതിനാൽ ഹോർനെറ്റ് എന്ന മോഡലിനെ ഏവർക്കും സുപരിചിതമാണ്. ആദ്യം 160 സിസി എഞ്ചിനുമായി ഹൃദയം കവർന്ന മോഡൽ ഇപ്പോൾ 180 സിസി സെഗ്മെന്റിലാണ് മത്സരിക്കുന്നത്.
എന്നാൽ ഹോർനെറ്റിന്റെ മിഡിൽവെയ്റ്റ് പതിപ്പുമായി രംഗത്തെത്തിയിരിക്കുകയാണ് ജാപ്പനീസ് ഇരുചക്ര വാഹന നിർമാതാക്കളായ ഹോണ്ട. CB750 ഹോർനെറ്റ് എന്ന് വിളിപ്പേരുള്ള മോഡൽ പുതിയ ലിക്വിഡ് കൂൾഡ്, 755 സിസി പാരലൽ-ട്വിൻ എഞ്ചിനുമായാണ് കളത്തിലെത്തിയിരിക്കുന്നത്.
നാല് റൈഡർ മോഡുകൾ, ട്രാക്ഷൻ കൺട്രോൾ, വീലി കൺട്രോൾ, എഞ്ചിൻ ബ്രേക്ക് കൺട്രോൾ, ഓപ്ഷണൽ ബൈ-ഡയറക്ഷണൽ ക്വിക്ക്ഷിഫ്റ്റർ എന്നിങ്ങനെയുള്ള ഇലക്ട്രോണിക് റൈഡർ എയ്ഡുകളുടെ ഒരു സമഗ്രമായ പായ്ക്കേജോടെയാണ് ഹോർനെറ്റ് മിഡിൽവെയ്റ്റ് സെഗ്മെന്റിലേക്ക് കടന്നുവന്നിരിക്കുന്നത്.
പുതിയ 755 സിസി പാരലൽ-ട്വിൻ എഞ്ചിൻ ഇന്ന് വിപണിയിലുള്ള മിക്ക ആധുനിക പാരലൽ ട്വിൻ ബൈക്കുകളേയും പോലെ തന്നെ വി-ട്വിൻ എഞ്ചിന്റെ ശബ്ദം അനുകരിക്കാൻ 270-ഡിഗ്രി ഫയറിംഗ് ഓർഡർ ഉപയോഗിക്കുന്നുണ്ട്. സ്ലിപ്പ്/അസിസ്റ്റ് ക്ലച്ച് ഉള്ള 6 സ്പീഡ് ഗിയർബോക്സാണ് ഈ എഞ്ചിനുമായി ജോടിയാക്കിയിരിക്കുന്നത്.
ഇത് ഒരു ഓപ്ഷണൽ ബൈ-ഡയറക്ഷണൽ ക്വിക്ക്ഷിഫ്റ്റർ ഉപയോഗിച്ച് സജ്ജീകരിക്കാനും കഴിയുമെന്നും ഹോണ്ട പറയുന്നു. 41 mm ഷോവ SFF-BP (പ്രത്യേക ഫംഗ്ഷൻ ഫോർക്ക്-ബിഗ് പിസ്റ്റൺ), പ്രോ-ലിങ്ക് മോണോഷോക്ക് എന്നിവയാൽ സസ്പെൻഷൻ ക്രമീകരിച്ചിരിക്കുന്ന സ്റ്റീൽ ഡയമണ്ട് ഫ്രെയിമിലാണ് ഈ പുതിയ മോട്ടോർസൈക്കിളിനെ കമ്പനി നിർമിച്ചെടുത്തിരിക്കുന്നതും.
15.2 ലിറ്റർ ഫ്യുവൽ ടാങ്ക് ശേഷിയും 190 കിലോഗ്രാം ഭാരവും 795 mm സീറ്റ് ഹൈറ്റുമാണ് CB750 ഹോർനെറ്റിന് ബൈക്കിനുള്ളത്. ഇനി ഇലക്ട്രോണിക് സജ്ജീകരണങ്ങളിലേക്ക് നോക്കിയാൽ ഹോണ്ട സാധാരണയായി അവരുടെ ഇൻലൈൻ-ഫോർ 650 മോഡലുകൾക്കൊപ്പം ഇലക്ട്രോണിക് റൈഡർ അസിസ്റ്റുകൾ ഒരു മിനിമമായി നിലനിർത്തിയിട്ടുണ്ട്.
എന്നാൽ ഇവയിൽ നിന്നും പുതിയ CB750 ഹോർനെറ്റ് അൽപം വ്യത്യസ്തമാണ്. 5 ഇഞ്ച് ഫുൾ-കളർ TFT ഡിസ്പ്ലേയാണ് അതിലെ ഏറ്റവും ഹൈലൈറ്റായ കാര്യം. ഇലക്ട്രോണിക് റൈഡ്-ബൈ-വയർ ത്രോട്ടിൽ സജ്ജീകരിച്ചിരിക്കുന്ന മിഡിൽവെയ്റ്റ് മോഡലിന് സ്പോർട്ട്, സ്റ്റാൻഡേർഡ്, റെയിൻ, യൂസർ (പൂർണമായി കസ്റ്റമൈസ് ചെയ്യാവുന്നത്) എന്നിങ്ങനെ നാല് റൈഡിംഗ് മോഡുകൾ ഉണ്ട്.
ട്രാക്ഷൻ കൺട്രോൾ, വീലി കൺട്രോൾ എന്നിവയുടെ മൂന്ന് ലെവലുകളും ഓഫറിലുണ്ട്. എന്നാൽ ഇവ കസ്റ്റമൈസ് ചെയ്യാൻ കഴിയില്ല.ക്രമീകരിക്കാവുന്ന എഞ്ചിൻ ബ്രേക്കിംഗും എഞ്ചിൻ പവർ മോഡുകളും കൂടാതെ ഒരു ഓപ്ഷണൽ ബൈ-ഡയറക്ഷണൽ ക്വിക്ക്ഷിഫ്റ്ററും പുതിയ ഹോണ്ട CB750 ഹോർനെറ്റിനെ തികച്ചും വ്യത്യസ്തമാക്കുന്നുവെന്ന് പറയാം.
TFT ഡിസ്പ്ലേയ്ക്കായി ബ്ലൂടൂത്ത് കണക്റ്റിവിറ്റിയും CB750 ഹോർനെറ്റിൽ ഹോണ്ട സജ്ജീകരിച്ചിട്ടുണ്ട്. കൂടാതെ മുമ്പ് കണ്ടിട്ടില്ലാത്ത ഹോണ്ട സ്മാർട്ട്ഫോൺ വോയ്സ് കൺട്രോൾ പോലും ഇതിലേക്ക് കൂട്ടിച്ചേർക്കാൻ ഹോണ്ട പ്രത്യേകം ശ്രദ്ധിച്ചുവെന്നതും ഏറെ സ്വീകാര്യമായ കാര്യമാണ്. അന്താരാഷ്ട്ര വിപണിയിൽ, Honda CB750 ഹോർനെറ്റിന് 6,999 പൗണ്ടാണ് വില. ഇത് ഏകദേശം 6.50 ലക്ഷം രൂപയോളം വരും.
അന്താരാഷ്ട്ര വിപണിയിൽ പ്രധാനമായും യമഹ MT 07 മോഡലിന്റെ വിപണിയാണ് ഹോണ്ട പുത്തൻ ഹോർനെറ്റ് CB750 പതിപ്പിലൂടെ ഉന്നംവെക്കുന്നത്. ഹോണ്ടയുടെ തന്നെ CB650R, ട്രയംഫ് ട്രൈഡന്റ് 660 എന്നിവയേക്കാൾ താങ്ങാനാവുന്ന വിലയും ഈ മിഡിൽവെയ്റ്റ് മോട്ടോർസൈക്കിളിന്റെ സവിശേഷതയായതിനാൽ ചലനങ്ങൾ ഉണ്ടാക്കാനാവുമെന്നാണ് കമ്പനി പ്രതീക്ഷിക്കുന്നത്.