Just In
- 5 min ago വാഗ്ദാനങ്ങൾ പാലിച്ചില്ല, 'നവകേരള ബസ്' കറിവേപ്പിലയായി! കോടികൾ മുടക്കിയ ബസ് പൊടിപിടിച്ചു കിടക്കുന്നു
- 1 hr ago മോഹൻലാലിന്റെ വക്കീലായി സിനിമയിൽ തുടക്കം, ഇപ്പോൾ 40 ലക്ഷം രൂപയുടെ ഇന്നോവ മുതലാളിയായി നടി
- 3 hrs ago ഫോർഡ് മസ്താംഗിൻ്റെ 60 വർഷം, കിടിലൻ ആനിവേഴ്സറി എഡീഷൻ ഇറക്കിയത് കണ്ടോ
- 4 hrs ago ഇവനിങ്ങ് വന്നാൽ വിയർക്കുന്നത് ഹാരിയർ, ടെറിട്ടറി പിടിച്ചെടുക്കാൻ ഫോർഡിന്റെ ഈ എസ്യുവി
Don't Miss
- Sports IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം
- News രാഹുല് ഗാന്ധി തോല്ക്കും, വയനാട്ടില് താമര വിരിയുമെന്ന് ജെപി നദ്ദ: രാഹുലിന് ആത്മവിശ്വസമില്ല
- Lifestyle ശ്വാസകോശത്തിന്റെ ആയുസ്സിന് ഭീഷണി: ഈ അപകട സൂചന അവഗണിക്കരുത്
- Movies വളച്ചൊടിക്കാനും പ്രശ്നമുണ്ടാക്കാനും ചിലര് ശ്രമിക്കുന്നുണ്ട്! തനിക്കപ്പോൾ കരയാത്ത ദിവസങ്ങളില്ലെന്ന് ദിലീപ്
- Technology റെഡ്മിയുടെ 5 സ്മാർട്ട്ഫോണുകൾക്ക് വില കുറഞ്ഞു; 2 എണ്ണത്തിന് വില 10000 രൂപയിൽ താഴെ മാത്രം
- Finance സെല്ലോ വേൾഡ്, ജസ്റ്റ് ഡയൽ ഉൾപ്പെടെ 5 ഓഹരികൾ, ലാഭം വേണമെങ്കിൽ ഇപ്പോൾ വാങ്ങാം, നോക്കുന്നോ
- Travel പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച
കാണാനും അഴക്, 140 കിലോമീറ്റർ റേഞ്ചും; AM1 ഇലക്ട്രിക് സ്കൂട്ടറുമായി Mob-ion
ഇന്ത്യയിൽ ക്ലച്ചുപിടിക്കുന്നതിനു മുമ്പേ തന്നെ വിദേശ വിപണികളിൽ ട്രെൻഡായി മാറിയവരാണ് ഇലക്ട്രിക് ഇരുചക്ര വാഹനങ്ങൾ. നമ്മുടെ രാജ്യത്ത് പെട്രോൾ വില സെഞ്ചുറിയടിച്ച് മുന്നേറിയപ്പോഴാണ് പലരും ഇതര എഞ്ചിൻ ഓപ്ഷനുകളെ ശ്രദ്ധിക്കാൻ തന്നെ തുടങ്ങിയത്.
ഇന്നും പെട്രോൾ വില 100 രൂപയ്ക്ക് മുകളിൽ നിൽക്കുമ്പോൾ ആവശ്യക്കാർ കൂടുതലുള്ളത് ഇലക്ട്രിക് മോഡലുകൾക്കു തന്നെയാണ്. ഇലക്ട്രിക് സ്കൂട്ടറുകൾക്ക് ഇന്ത്യയിൽ മാത്രമല്ല ആഗോളതലത്തിലും ആവശ്യക്കാരുണ്ട്. അടുത്തിടെ പലപ്പോഴും വാർത്തകളിൽ ഇടം നേടിയ ഒരു ഫ്രഞ്ച് മൊബിലിറ്റി സ്റ്റാർട്ടപ്പാണ് മോബ്-അയോൺ.
ഇപ്പോഴിതാ തങ്ങളുടെ പുതിയ ഇലക്ട്രിക് സ്കൂട്ടർ AM1 അവതരിപ്പിച്ചിരിക്കുകയാണ് കമ്പനി. AM1 പൂർണമായും ഫ്രാൻസിൽ നിർമിച്ച ആദ്യത്തെ ഇലക്ട്രിക് ഇരുചക്ര വാഹനങ്ങളിൽ ഒന്നാണ്. കൂടാതെ AFNOR അക്രഡിറ്റേഷനും ഉണ്ട്. ഇത് വാഹന വ്യവസായത്തിലെ ഏറ്റവും കർശനമായ ഒന്നാണ്. ഇത് അസോസിയേഷൻ ഫ്രാങ്കെയ്സ് ഡി നോർമലൈസേഷനാണ്.
ഈ അക്രഡിറ്റേഷൻ ലഭിക്കുന്നതിന് അതിന്റെ ഉത്പാദനത്തിന്റെ 50 ശതമാനമെങ്കിലും ഫ്രാൻസിൽ നടക്കണം. ഈ നേട്ടമാണ് മോബ്-അയോൺ സ്വന്തമാക്കിയിരിക്കുന്നത്. മോബ്-അയോൺ AM1 ഇലക്ട്രിക് സ്കൂട്ടറിന്റെ 70 ശതമാനവും ഫ്രാൻസിലാണ് നിർമിക്കുന്നത്. കൂടുതൽ പ്രൊഡക്ഷൻ ലൈനുകൾ സ്ഥാപിക്കുന്നതോടെ ഭാവിയിൽ ഈ ശതമാനം വർധിക്കുമെന്നാണ് പ്രതീക്ഷിക്കുന്നത്.
AM1 പതിപ്പിന് L1e സർട്ടിഫൈഡ് ലഭിച്ചിട്ടുണ്ട്. അതിനർഥം അതിനെ മോപെഡ് വിഭാഗത്തിന് കീഴിൽ തരംതിരിച്ചിരിക്കുന്നു എന്നാണ്. പരമ്പരാഗത ലിഥിയം അയൺ ബാറ്ററികളേക്കാൾ 3kW മോട്ടോർ പവർ ചെയ്യുന്നതിന് ഹൈഡ്രജൻ കാട്രിഡ്ജുകൾ ഉപയോഗിക്കുന്ന സ്കൂട്ടറാണ് AM1. നഗരത്തിന് ശുദ്ധമായ ഗതാഗത മാർഗം വാഗ്ദാനം ചെയ്യുക എന്നതാണ് പദ്ധതിയുടെ ലക്ഷ്യമെന്നും ഇവി ബ്രാൻഡ് പറയുന്നു.
ഇലക്ട്രിക് മോട്ടോറിന് ശക്തി പകരുന്ന ഈ സിലിണ്ടർ ആകൃതിയിലുള്ള ഹൈഡ്രജൻ കാട്രിഡ്ജുകൾക്ക് രണ്ട് സോഡാ കുപ്പികളുടെ വലിപ്പം മാത്രമാണുള്ളത്. സെല്ലുകളുടെ ചെറിയ വലിപ്പം അർഥമാക്കുന്നത്. അവയ്ക്ക് ഇപ്പോൾ ഉപയോഗിക്കുന്ന ലിഥിയം-അയൺ ബാറ്ററികളേക്കാൾ കുറച്ച് സ്ഥലവും ഭാരം കുറവുമാണ് വേണ്ടിവരിക. തൽഫലമായി ധാരാളം സംഭരണ സ്ഥലത്തോടുകൂടിയ ഭാരം കുറഞ്ഞ സ്കൂട്ടർ ലഭിക്കും.
കാനിസ്റ്ററുകളിൽ സംഭരിച്ചിരിക്കുന്ന വാതകം സുരക്ഷിതമാണെന്നും മോബ്-അയോൺ ഉറപ്പുവരുത്തിയിട്ടുണ്ട്. വായുവിലെ ഓക്സിജനുമായി പ്രതിപ്രവർത്തിച്ചാണ് കരുത്ത് ഉത്പാദിപ്പിക്കുന്നത്. എന്നിരുന്നാലും ഇത് കാര്യക്ഷമമായി പ്രവർത്തിക്കുന്നുവെന്ന് ഉറപ്പാക്കാൻ സജ്ജീകരണത്തിന് ഒരു ബഫർ ബാറ്ററി ആവശ്യമാണ്.
ഇലക്ട്രിക് സ്കൂട്ടറിന്റെ വിശദാംശങ്ങളിലേക്ക് വരുമ്പോൾ 3 kW ന്റെ നാമമാത്രമായ ഔട്ട്പുട്ടുള്ള ബ്രഷ്ലെസ് ഇലക്ട്രിക് മോട്ടോറാണ് AM1 മോഡലിന് ഊർജ്ജം നൽകുന്നത്. ഒറ്റ ചാർജിൽ 140 കിലോമീറ്റർ റേഞ്ച് വാഗ്ദാനം ചെയ്യുന്ന സാഡിലിനടിയിൽ സ്ഥാപിച്ചിട്ടുള്ള നീക്കം ചെയ്യാവുന്ന രണ്ട് ബാറ്ററികളാണ് മോബ്-അയോൺ ഇവിയുടെ ഏറ്റവും വലിയ പ്രത്യേകതകളിൽ ഒന്നെന്ന് അവകാശപ്പെടുന്നു.
ഇലട്രിക് സ്കൂട്ടറിന്റെ രണ്ട് ബാറ്ററികളും പൂർണമായും ചാർജ് ചെയ്യാൻ രണ്ട് മണിക്കൂർ മുപ്പത് മിനിറ്റ് എടുക്കുമെന്ന് കമ്പനി അവകാശപ്പെടുന്നു. സ്കൂട്ടറിന് പരമാവധി 45 കിലോമീറ്റർ വേഗത കൈവരിക്കാൻ കഴിയുമെന്നും മോബ്-അയോൺ അവകാശപ്പെടുന്നു. ഫീച്ചറുകളുടെ കാര്യത്തിലേക്ക് നോക്കിയാൽ ബാറ്ററിയിൽ പ്രവർത്തിക്കുന്ന സ്കൂട്ടറിൽ പ്രതീക്ഷിക്കുന്ന എല്ലാ ആധുനിക സൗകര്യങ്ങളും AM1 വാഗ്ദാനം ചെയ്യുന്നുണ്ട്.
ഇതിൽ എൽഇഡി ഹെഡ്ലൈറ്റുകൾ, ജിപിഎസ് അധിഷ്ഠിത ലൊക്കേഷൻ സിസ്റ്റം, റിവേഴ്സ് ഗിയർ, കമ്പ്യൂട്ടർ അല്ലെങ്കിൽ സ്മാർട്ട്ഫോൺ വഴി റിമോട്ട് ഷട്ട്ഡൗൺ ഫീച്ചർ ചെയ്യുന്ന ആന്റി-തെഫ്റ്റ് സിസ്റ്റം എന്നിവയെല്ലൊം പൂർണമായും ഫ്രാൻസിൽ നിർമിച്ച ആദ്യത്തെ ഇലക്ട്രിക് സ്കൂട്ടറിന്റെ മോടികൂട്ടുന്നുണ്ട്. ബാറ്ററി ലെവൽ, റേഞ്ച് ഇടത് മുതലായ നിർണായക വിവരങ്ങൾ പ്രദർശിപ്പിക്കുന്ന ഒരു ഡിജിറ്റൽ ഇൻസ്ട്രുമെന്റ് കൺസോളും ഇതിന് ലഭിക്കുന്നു എന്നതും ശ്രദ്ധേയമാണ്.
പുതിയ മോബ്-അയോൺ AM1 ഇലക്ട്രിക് സ്കൂട്ടറിന് 92 കിലോഗ്രാം ഭാരമാണ് ഉള്ളത്. ഇത് ബാറ്ററിയിൽ പ്രവർത്തിക്കുന്ന ഇരുചക്ര വാഹനത്തിന് വളരെ വേഗതയുള്ളതും മൊത്തം 260 കിലോ ഭാരം വഹിക്കാനുള്ള ശേഷിയുമാണ് ആവാഹിക്കാനാവുക. ഒരു സിംഗിൾ സീറ്ററും ഒരു ഡബിൾ സീറ്റർ എന്നീ രണ്ട് ആവർത്തനങ്ങളിലാണ് AM1 വാഗ്ദാനം ചെയ്യുന്നത്.
ആദ്യത്തേത് മിക്കവാറും ലാസ്റ്റ് മൈൽ സേവനങ്ങൾ ഉപയോഗിക്കാനാണ് സാധ്യത. മോബ്-അയോൺ AM1 ഇവിക്ക് 3,582 യൂറോയാണ് വില നിശ്ചയിച്ചിരിക്കുന്നത്. അതായത് ഏകദേശം 3.04 ലക്ഷം രൂപ വരുമെന്ന് സാരം. ഇത് ഇന്ത്യയിൽ വിൽക്കുന്ന മിക്ക ഇലക്ട്രിക് സ്കൂട്ടറുകളേക്കാളും വളരെ ചെലവേറിയതാക്കുന്നു.
ഫ്രഞ്ച് ഇവി സ്റ്റാർട്ടപ്പ് പ്രതിമാസ സബ്സ്ക്രിപ്ഷൻ ഫീയായ 99 യൂറോയ്ക്കും ഇലക്ട്രിക് സ്കൂട്ടർ വിപണിയിൽ എത്തിക്കുമെന്നും കമ്പനി അറിയിച്ചിട്ടുണ്ട്.
ഈ ഉയർന്ന വില നിലവാരത്തിൽ സമീപഭാവിയിൽ മോബ്-അയോൺ ഇന്ത്യയിൽ എത്താൻ സാധ്യതയില്ല. എന്നാൽ നിങ്ങൾക്ക് ഏഥർ 450X, ഓല S1 പ്രോ എന്നിവ പോലുള്ള മൂല്യവത്തായ ബദലുകൾ തെരഞ്ഞെടുക്കാം.