Just In
- 6 hrs ago ഹിമാലയനും പെരുത്തിഷ്ടായി..! എന്ഫീല്ഡിന്റെ ദക്ഷിണാഫ്രിക്കക്കാരനായ 'സെലിബ്രിറ്റി' ഫാനിനെ മനസ്സിലായോ?
- 7 hrs ago കെടിഎം വാങ്ങുന്ന പണമുണ്ടേൽ ഈ കിടിലൻ ബൈക്കുകൾ സ്വന്തമാക്കാം, ബാക്കി കാശിന് പെട്രോളും അടിക്കാം
- 7 hrs ago ആക്സസ് വാങ്ങനല്ല, ഇനിയീ ബൈക്ക് വാങ്ങാനാവും സുസുക്കി ഷോറൂമിൽ തിരക്ക്, നാളെ വിലയും അറിയാം
- 8 hrs ago ഈ കാറുകളില് ഫുള്ടാങ്ക് അടിച്ചാല് 1200 കി.മീ പോകാം! ഇതൊക്കെ മാരുതിയെ കൊണ്ടേ സാധിക്കൂ...
Don't Miss
- News മുക്താര് അന്സാരി അന്തരിച്ചു, ജയിലില് വെച്ച് ഹൃദയാഘാതം; യുപിയില് വന് ജാഗ്രത
- Sports IPL 2024: സഞ്ജുവിന്റെ ധൈര്യം അപാരം, ആ സാഹസം കളി ജയിപ്പിച്ചു! കിടു ക്യാപ്റ്റന്സി
- Lifestyle ഓവുലേഷന് തിരിച്ചറിഞ്ഞ് മുന്നോട്ട് പോയാല് ഗര്ഭധാരണം ആദ്യദിനം അറിയാം
- Movies നിനക്ക് പോയത് ഗബ്രിയില്, അവനെ മാറ്റി നിര്ത്തണം എന്ന് റസ്മിന്; ഗെയിം കളഞ്ഞത് വീട്ടുകാരെന്ന് ജാസ്മിന്
- Travel ബാംഗ്ലൂർ-ചെന്നൈ യാത്രയ്ക്ക് ഡബിൾ ഡെക്കർ ട്രെയിൻ; പുതിയ സമയക്രമം മേയ് 1 മുതല്, ഒരു മണിക്കൂർ നേരത്തേ എത്താം
- Technology സാംസങ് രചിച്ച പുതിയ ഇതിഹാസം! എം സീരീസിന് ആവേശം പകർന്ന് M55 5G ലോഞ്ച് ചെയ്തു
- Finance വർഷാവസാനത്തെ അവസാന വ്യാപാരം, പച്ചയിൽ തുടർന്ന് സൂചികകൾ, ഇടിവ് നേരിട്ട് ഐഡിഎഫ്സി ഫസ്റ്റ് ബാങ്ക്, കാരണം ഇതാണ്
ഇലക്ട്രിക് ബൈക്ക് നിരയെ ഇളക്കിമറിച്ച് ഒബെൻ റോറിന്റെ ഗർജനം; ഇതുവരെ നേടിയത് 15,000 ബുക്കിംഗുകൾ
സ്റ്റാർട്ടപ്പ് കമ്പനികളുടെ വരവോടെ ഇലക്ട്രിക് ഇരുചക്ര വാഹന വിപണി ഉണർന്നപ്പോൾ സ്കൂട്ടർ മോഡലുകളാണ് കൂടുതൽ ജനപ്രിയമായതും വേറിട്ടുനിന്നതും. എന്നാൽ അടുത്തകാലത്ത് വൈദ്യുത വാഹന വിഭാഗത്തിലേക്ക് ഇലക്ട്രിക് മോട്ടോർസൈക്കിളുകളുടെ ട്രെൻഡും കടന്നുവരികയാണ്.
റിവോൾട്ട് RV400, ടോർക്ക് ക്രാറ്റോസ് തുടങ്ങിയ ഇലക്ട്രിക് ബൈക്കുകൾക്കെല്ലാം ഇന്ത്യയിൽ നിന്നും മികച്ച സ്വീകാര്യതയാണ് ലഭിക്കുന്നതും. ഈ ശ്രേണിയിലേക്ക് ബെംഗളൂരു ആസ്ഥാനമായുള്ള ഇലക്ട്രിക് മൊബിലിറ്റി സ്റ്റാർട്ടപ്പായ ഒബെൻ ഇവി ഈ വർഷം മാർച്ചിൽ തങ്ങളുടെ ആദ്യ ഉൽപ്പന്നമായ റോർ അവതരിപ്പിക്കുകയും ചെയ്തിരുന്നു.
നിലവിൽ വിൽപ്പനയ്ക്ക് എത്തിയിട്ടില്ലെങ്കിലും ഉടൻ ഈ നടപടി ക്രമങ്ങൾ കമ്പനി ആരംഭിക്കും. പുതിയ ഒബെൻ റോർ ഇലക്ട്രിക് മോട്ടോർസൈക്കിൾ 99,999 രൂപ പ്രാരംഭ വിലയിലാണ് വിപണിയിൽ അവതരിപ്പിച്ചിരിക്കുന്നത്. FAME II ഇൻസെന്റീവുകളും സംസ്ഥാന സർക്കാർ സബ്സിഡിയും ഉൾപ്പെടെയുള്ള എക്സ്ഷോറൂം വിലയാണിത്.
ഇപ്പോൾ, ഔദ്യോഗികമായി ആരംഭിച്ച് അഞ്ച് മാസത്തിനുള്ളിൽ കമ്പനിക്ക് 15,000-ത്തിലധികം പ്രീ-ബുക്കിംഗുകളാണ് ഇലക്ട്രിക് ബൈക്കിനായി ലഭിച്ചിരിക്കുന്നത്. ഒബെൻ റോർ ഇലക്ട്രിക് മോട്ടോർസൈക്കിളിനായുള്ള പ്രീ-ബുക്കിംഗ് 2022 മാർച്ച് 18-നാണ് കമ്പനി ആരംഭിക്കുന്നത്.
ഒമ്പത് നഗരങ്ങളിലായി ആദ്യ ഘട്ടത്തിലെത്തുന്ന റോറിനായി 15,000-ത്തിലധികം ബുക്കിംഗുകൾ നേടാനായതിൽ വളരെ സന്തോഷമുണ്ടെന്ന് ഒബെൻ ഇലക്ട്രിക്, സഹസ്ഥാപകയും സിഇഒയുമായ മധുമിത അഗർവാൾ പറഞ്ഞു. ബംഗളൂരു, ഹൈദരാബാദ്, ചെന്നൈ, പൂനെ, മുംബൈ, ഡൽഹി, സൂറത്ത്, അഹമ്മദാബാദ്, ജയ്പൂർ എന്നിവിടങ്ങളിലാണ് ഒബെൻ തുടക്കത്തിൽ റോർ ഇവി വാഗ്ദാനം ചെയ്യുന്നത്.
ഒബെൻ റോറിനായുള്ള പ്രീ-ബുക്കിംഗ് തുക വെറും 999 രൂപയായാണ് നിശ്ചയിച്ചിരിക്കുന്നത്. വാഹനം വാങ്ങാൻ താത്പര്യമുള്ള ഉപഭോക്താക്കൾക്ക് കമ്പനിയുടെ ഔദ്യോഗിക വെബ്സൈറ്റ് വഴിയായിരുന്നു ഇലക്ട്രിക് മോട്ടോർസൈക്കിളിനായുള്ള ബുക്കിംഗ് നടന്നിരുന്നത്. എന്നാൽ ഇപ്പോൾ റോറിനായുള്ള ബുക്കിംഗ് ബ്രാൻഡ് താത്ക്കാലികമായി നിർത്തിവെച്ചിരിക്കുകയാണ്.
ആദ്യം ഇലക്ട്രിക് മോട്ടോർസൈക്കിളിന്റെ മുൻകൂട്ടി ബുക്ക് ചെയ്ത ബാച്ച് ഉപഭോക്താക്കൾക്ക് കൈമാറുകയും തുടർന്ന് പുതിയ ഓർഡറുകൾ സ്വീകരിക്കുകയും ചെയ്യുമെന്നുമാണ് കമ്പനി പറയുന്നത്. ഒബെൻ റോറിന്റെ ഡെലിവറി ഈ വർഷം മെയ് മാസത്തിൽ ആരംഭിക്കുമെന്ന് പ്രതീക്ഷിച്ചിരുന്നെങ്കിലും, സെമി കണ്ടക്ടർ ചിപ്പുകളുടെ ക്ഷാമവും മറ്റ് വിതരണ ശൃംഖലയിലെ പ്രശ്നങ്ങളും കാരണം ഇത് വൈകുകയായിരുന്നു.
എങ്കിലും ഇലക്ട്രിക് ബൈക്കിനായുള്ള ഉപഭോക്തൃ ഡെലിവറി 2022 ഒക്ടോബറിൽ ആരംഭിക്കുമെന്നാണ് ഒബെൻ ഇലക്ട്രിക് വ്യക്തമാക്കിയിരിക്കുന്നത്. റോർ ഇവിയുടെ വിലയെ കുറിച്ച് കൃത്യമായി പറയുകയാണെങ്കിൽ ഒബെൻ റോർ ഇലക്ട്രിക് മോട്ടോർസൈക്കിളിന്റെ വില മഹാരാഷ്ട്രയിൽ 99,999 രൂപ മുതലാണ് ആരംഭിക്കുന്നത്. FAME II സംസ്ഥാന സബ്സിഡിയും ഉൾപ്പെടെയാണ് ഈ വില.
അതേസമയം ഡൽഹിയിൽ 1.03 ലക്ഷം, ഗുജറാത്ത് 1.05 ലക്ഷം, രാജസ്ഥാൻ 1.15 ലക്ഷം, കർണാടക, തെലങ്കാന, തമിഴ്നാട് 1.25 ലക്ഷം എന്നിങ്ങനെയാണ് ഒബെൻ റോറിനായി മുടക്കേണ്ടി വരിക. കേരളത്തിൽ നിലവിൽ ലഭ്യമല്ലെങ്കിലും രണ്ടാം ഘട്ടത്തിൽ സംസ്ഥാനത്തെ പ്രധാന നഗരങ്ങളിലും ഒബെൻ റോർ ഇലക്ട്രിക് മോട്ടോർസൈക്കിൾ എത്തുമെന്നു വേണം കരുതാൻ.
പുതിയ ഇലക്ട്രിക് പെർഫോമൻസ് ബൈക്ക് പൂർണമായും രൂപകൽപ്പന ചെയ്ത് വികസിപ്പിച്ചത് ഇന്ത്യയിൽ തന്നെയാണെന്നും കമ്പനി പറയുന്നു. പുതിയ ഒബെൻ റോറിന് 4.4kWh LFP ബാറ്ററി പായ്ക്കാണ് തുടിപ്പേകുന്നത്. അത് 10 kW ഇലക്ട്രിക് മോട്ടോറുമായി ബന്ധിപ്പിച്ചിരിക്കുന്നതും. 130 കിലോഗ്രാം ഭാരമുള്ള ഇലക്ട്രിക് മോട്ടോർസൈക്കിൾ പരമാവധി 62 Nm torque വരെ ഉത്പാദിപ്പിക്കാൻ പ്രാപ്തമാണ്.
മണിക്കൂറിൽ പരമാവധി 100 കിലോമീറ്റർ വേഗതയാണ് ഒബെൻ റോറിന് പുറത്തെടുക്കാൻ കഴിയുന്നത്. വെറും 3 സെക്കൻഡിനുള്ളിൽ 0-40 കിലോമീറ്റർ വേഗതയിൽ കൈവരിക്കാനും ഈ ഇലക്ട്രിക് മോട്ടോർസൈക്കിളിന് സാധിക്കും എന്നും കമ്പനി പറയുന്നു. HAVOC, സിറ്റി, ഇക്കോ എന്നീ രണ്ട് റൈഡിംഗ് മോഡുകളുമായാണ് ഈ പെർഫോമൻസ് മോട്ടോർസൈക്കിൾ വരുന്നത്.
റോറിന്റെ HAVOC മോഡിൽ 100 കിലോമീറ്റർ വരെ റേഞ്ച് ലഭിക്കുമ്പോൾ സിറ്റി മോഡിൽ നിങ്ങൾക്ക് 120 കിലോമീറ്ററും ഇക്കോ മോഡിൽ 150 കിലോമീറ്റർ റേഞ്ചുമായിരിക്കും ലഭിക്കുകയെന്നാണ് ഒബെൻ വിശദമാക്കുന്നത്. ഇനി ഡിസൈൻ വശങ്ങളിലേക്ക് നോക്കിയാൽ കുറഞ്ഞ ബോഡി പാനലുകളുള്ള ഒരു ഫ്യൂച്ചറിസ്റ്റിക് സ്റ്റൈലിംഗാണ് റോർ ഇവിയുടെ പ്രത്യേകത.
റൗണ്ട് എൽഇഡി ഹെഡ്ലാമ്പ്, വൃത്താകൃതിയിലുള്ള സംയോജിത എൽഇഡി ഡിആർഎൽ, സ്പ്ലിറ്റ്-സ്റ്റൈൽ സീറ്റുകൾ, ഉയർത്തിയ ടെയിൽ സെക്ഷൻ, സ്പ്ലിറ്റ് ഗ്രാബ് റെയിലുകൾ, കറുപ്പിൽ പൂർത്തിയാക്കിയ മൾട്ടി-സ്പോക്ക്അലോയ് വീലുകൾ എന്നിവയുള്ള ഒരു തുടങ്ങിയ സവിശേഷതകളാണ് ഒബെൻ റോറിനെ വ്യത്യസ്തമാക്കുന്നത്.