Just In
- 11 min ago സംസ്ഥാന സർക്കാർ കൂടുതൽ ഇടപെടേണ്ടെന്ന് ഹൈകോടതി, ഭാരത് രജിസ്ട്രേഷനിൽ കോടതി വിധി
- 39 min ago പുത്തൻ ഇലക്ട്രിക് തമ്പ്രാക്കന്മാരുടെ ആപ്പീസ് പൂട്ടും; ആക്ടിവ ഇവിയുടെ വരവിന് കുറിമാനമിട്ട് ഹോണ്ട
- 1 hr ago പവറും ലുക്കും മൈലേജും അതാണ് ഫോക്സ്വാഗന്റെ ഓഫർ! 14.08 ലക്ഷത്തിന് ടൈഗൂണിന്റെ പുതിയ വേരിയന്റ് വാങ്ങാം
- 2 hrs ago സിട്രണിൻ്റെ ബ്രാൻഡ് അംബാസിഡറായി 'തല', ഇനി ഹെലികോപ്ടർ ഷോട്ടടിക്കാൻ സിട്രൺ
Don't Miss
- Technology തലച്ചോറുള്ളവർ ഇത് വാങ്ങും, അല്ലാത്തവർ പുച്ഛിക്കും! ഹോണറിന്റെ ഈ 5ജി ഫോണിന് ഞെട്ടിക്കുന്ന വിലക്കുറവ്
- Movies 'കാതൽ സിനിമപോലെ ആണുങ്ങൾ അങ്ങോട്ടും ഇങ്ങോട്ടും ഉമ്മ കൊടുക്കുന്നു'; ലാലിന് ഇച്ചാക്കയുടെ ഉമ്മ, ഒപ്പം കൗണ്ടറും!
- Sports IPL 2024: സന്ദീപിന്റെ ഫൈഫറോ, ജയ്സ്വാളിന്റെ സെഞ്ച്വറിയോ അല്ല; ടേണിങ് പോയിന്റ് മറ്റൊന്ന്!
- Lifestyle നിങ്ങളുടെ ദാമ്പത്യബന്ധം ശക്തമാണോ? പങ്കാളിയുടെ സ്നേഹം മനസിലാക്കിത്തരും ഈ 8 ലക്ഷണങ്ങള്
- Finance തങ്കപ്പനല്ല, പൊന്നപ്പൻ..! റെക്കോർഡ് വിലയിൽ നിന്നും താഴോട്ടിറങ്ങി സ്വർണം, 5 ദിവസം കൊണ്ട് കുറഞ്ഞത് 1,600 രൂപ
- News സ്വര്ണവില ഇടിഞ്ഞുവീണു; ജ്വല്ലറിയിലേക്ക് വിട്ടോ... ഇത്രയും കുറവ് ആദ്യം, പവന് വില അറിയാം
- Travel വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
14 ദിവസത്തെ ഗ്യാരന്റി ഡെലിവറി ക്യാമ്പെയിനുമായി Ola
രാജ്യത്ത് 14 ദിവസത്തെ ഗ്യാരന്റി ഡെലിവറി ക്യാമ്പെയിന് തുടക്കം കുറിച്ച് നിര്മാതാക്കളായ ഓല ഇലക്ട്രിക്. കഴിഞ്ഞ മാസം രാജ്യത്ത് 12,000-ലധികം ഇലക്ട്രിക് സ്കൂട്ടറുകളാണ് കമ്പനി വിറ്റഴിച്ചത്. ഓല ഇലക്ട്രിക് രാജ്യത്ത് ഡെലിവറി പ്രക്രിയ ക്രമാനുഗതമായി മെച്ചപ്പെടുത്തിക്കൊണ്ടിരിക്കുകയാണെന്നും ഇത് കാണിക്കുന്നു.
എന്നിരുന്നാലും, ഡെലിവറി ക്യാമ്പെയിന് സംബന്ധിച്ച് വിശദാംശങ്ങളൊന്നും തന്നെ കമ്പനി ഇതുവരെ വ്യക്തമാക്കിയിട്ടില്ല. ഓരോ മാസം കഴിയും തോറും ഇലക്ട്രിക് സ്കൂട്ടറിന് വിപണിയില് വലിയ സ്വീകാര്യതയാണ് ലഭിക്കുന്നതെന്നും കമ്പനി തന്നെ വ്യക്തമാക്കുന്നു.
അടുത്തിടെ, ഓല S1 ഇലക്ട്രിക് സ്കൂട്ടറിന്റെ ഒരു ഉടമ ഫുള് ചാര്ജില് 202km ഓടിച്ചത് വാര്ത്തകളില് ഇടംപിടിച്ചിരുന്നു. ഒറ്റ ചാര്ജില് 200km തടസ്സം ഇല്ലാതെ ഓടിക്കുന്ന ആദ്യത്തെ ഓല S1 ഉടമയാണ് അദ്ദേഹം. ഈ നേട്ടം കൈവരിക്കാന്, ഉടമ തന്റെ ഓല S1 ഇലക്ട്രിക് സ്കൂട്ടര് 'ECO' മോഡില് ഓടിക്കുകയും ശരാശരി 48km/h വേഗത മെയിന്റെന് ചെയ്ത് പോവുകയും ചെയ്തിരുന്നു.
ഇതിനെത്തുടര്ന്ന്, അഗര്വാള് ഒരു ട്വീറ്റിലൂടെ തങ്ങളുടെ എല്ലാ ഉപഭോക്താക്കള്ക്കും 200 കിലോമീറ്റര് ചലഞ്ച് പ്രഖ്യാപിച്ച് പിന്നീട് രംഗത്തെത്തുകയും ചെയ്തിരുന്നു.
ഓലയുടെ രണ്ട് ഉപഭോക്താക്കള് ഇതിനകം 200 കിലോമീറ്റര് ചലഞ്ച് പൂര്ത്തിയാക്കിയിട്ടുണ്ടെന്നും ഈ ചലഞ്ചിലെ വിജയികളെ ജൂണില് ഓലയുടെ നിര്മ്മാണ കേന്ദ്രത്തില് വെച്ച് ഗെറുവ ഓല S1 പ്രോ ഡെലിവറി ചെയ്യുമെന്നും അഗര്വാള് തന്റെ ട്വീറ്റില് സൂചിപ്പിച്ചു.
കാര്യങ്ങള് ഇങ്ങനെയൊക്കെയാണെങ്കിലും, ഓല S1 Pro ഇലക്ട്രിക് സ്കൂട്ടറിന്റെ നിരവധി നെഗറ്റീവ് വാര്ത്തകളും പുറത്തുവരുന്നത് നിത്യസംഭവമായിരിക്കുകയാണ്. യാത്രക്കിടെ ഫ്രണ്ട് സസ്പെന്ഷന്റെ ഒടിഞ്ഞ ഒരു മോഡലിന്റെ ചിത്രം ഇതിനോടകം തന്നെ വാര്ത്തകളില് നിറയുകയും ചെയ്തിരുന്നു.
ഉപയോക്താവ് തന്റെ ഓല S1 പ്രോയുടെ കുറച്ച് ചിത്രങ്ങള് പോസ്റ്റ് ചെയ്തതിനാല് ഫ്രണ്ട് സസ്പെന്ഷന്റെ ദൈര്ഘ്യത്തെക്കുറിച്ച് കുറച്ച് റിപ്പോര്ട്ടുകള് ഉയര്ന്നു തുടങ്ങുകയും ചെയ്തു. അതില് ആ സ്കൂട്ടറിന്റെ മുന് സസ്പെന്ഷന്റെ ഒരു ഭാഗം പൂര്ണ്ണമായും വേര്പ്പെട്ടിരിക്കുന്നതായും കാണാവുന്നതാണ്.
ഓണ്ലൈന് പോസ്റ്റില്, ഓല S1 പ്രോ ഇലക്ട്രിക് സ്കൂട്ടറിന്റെ മുന്വശത്തെ ഫോര്ക്ക് ദുര്ബലമാണെന്ന് ഇലക്ട്രിക് സ്കൂട്ടര് ഉപഭോക്താവ് അവകാശപ്പെടുന്നു, കൂടാതെ ഒരു മാറ്റിസ്ഥാപിക്കാനും ഭാഗികമായി ഡിസൈന് മാറ്റാനും കമ്പനിയോട് അഭ്യര്ത്ഥിക്കുകയും ചെയ്തിട്ടുണ്ട്. സസ്പെന്ഷനില് ഉപയോഗിച്ച മെറ്റീരിയലിന്റെ ഗുണനിലവാരമില്ലാത്തതാണ് സംഭവത്തിന് കാരണമെന്നും അദ്ദേഹം കുറ്റപ്പെടുത്തി.
ഓല ഇലക്ട്രിക്കിനെക്കുറിച്ച് പറയുമ്പോള്, പ്രീ-ബുക്കിംഗ് പോര്ട്ടല് തുറന്ന് ആദ്യ 24 മണിക്കൂറിനുള്ളില് 1 ലക്ഷത്തിലധികം പ്രീ-ബുക്കിംഗുമായി ഇന്ത്യയിലെ അതിവേഗം വളരുന്ന ഇവി നിര്മ്മാതാക്കളില് ഒന്നായി മാറിയ സ്റ്റാര്ട്ടപ്പ് കമ്പനിയാണ് ഓല.
ഓല ഇലക്ട്രിക്കിന്റെ അവകാശവാദങ്ങള് അനുസരിച്ച്, S1 ഇലക്ട്രിക് സ്കൂട്ടറിന് ഒറ്റ ചാര്ജില് 121 കിലോമീറ്റര് വരെ സഞ്ചരിക്കാന് കഴിയും, അതേസമയം S1 പ്രോ ഇലക്ട്രിക് സ്കൂട്ടറിന് 181 കിലോമീറ്റര് ഫുള് ചാര്ജില് സഞ്ചരിക്കാനാകും. എന്നിരുന്നാലും, ഈ കണക്കുകള് യഥാര്ത്ഥ ലോക സാഹചര്യങ്ങളില് കുറയാനും സാധ്യതയുണ്ട്.
ശ്രേണിയിലെ വ്യത്യാസം ബാറ്ററി പാക്കിന്റെ വലുപ്പത്തിലേക്ക് ചുരുങ്ങുകയും ചെയ്യുന്നു. ഓല S1 ഒരു ചെറിയ 2.98kWh ബാറ്ററി പാക്ക് ഉപയോഗിക്കുന്നു, അതേസമയം ഓല S1 പ്രോ ഒരു വലിയ 3.97kWh ബാറ്ററി പാക്കിലാണ് വരുന്നത്. വലിയ ബാറ്ററി പായ്ക്കുകള് ഉണ്ടായിരുന്നിട്ടും, ഓല ഇലക്ട്രിക് സ്കൂട്ടര് വളരെ പ്രായോഗികമായ ഒരു ഇലക്ട്രിക് സ്കൂട്ടറാണ്, മോഡലിന് വലിയ 50-ലിറ്ററിന്റെ അണ്ടര് സീറ്റ് സ്റ്റോറേജും ലഭിക്കുന്നുണ്ട്.