Just In
- 1 hr ago ഇത് ശരിക്കും ഇവി വിപ്ലവം! റേഞ്ച് ആശങ്കയ്ക്ക് ബൈബൈ; വെറും 15 മിനിറ്റ് ചാർജിൽ 510 കിലോമീറ്റർ ഓടും ഷവോമിയുടെ കാർ
- 14 hrs ago ഹിമാലയനും പെരുത്തിഷ്ടായി..! എന്ഫീല്ഡിന്റെ ദക്ഷിണാഫ്രിക്കക്കാരനായ 'സെലിബ്രിറ്റി' ഫാനിനെ മനസ്സിലായോ?
- 15 hrs ago കെടിഎം വാങ്ങുന്ന പണമുണ്ടേൽ ഈ കിടിലൻ ബൈക്കുകൾ സ്വന്തമാക്കാം, ബാക്കി കാശിന് പെട്രോളും അടിക്കാം
- 15 hrs ago ആക്സസ് വാങ്ങനല്ല, ഇനിയീ ബൈക്ക് വാങ്ങാനാവും സുസുക്കി ഷോറൂമിൽ തിരക്ക്, നാളെ വിലയും അറിയാം
Don't Miss
- Sports IPL 2024: വേണ്ടത് 3 സിക്സര്, ചരിത്ര നേട്ടത്തിലേക്ക് റസല്; കോലിയെ കാത്ത് വമ്പന് റെക്കോഡ്
- Lifestyle Good Friday 2024: പള്ളികളിലെ മണിയൊച്ച നിലക്കും, മെഴുകുതിരി കത്തില്ല, കറുത്ത വസ്ത്രമണിയുന്ന ആ ദിനം
- Finance കീശ നിറയ്ക്കണോ, ടാറ്റാ ഗ്രൂപ്പ് ഓഹരികൾ വാങ്ങാൻ ബ്രോക്കറേജ് നിർദ്ദേശം, ടാർഗെറ്റ് വില അറിയാം
- Movies എനിക്ക് ഭ്രാന്താണെന്ന് പറയുമായിരുന്നു; മഹേഷിന്റെ പ്രതികാരം ഇറങ്ങുമ്പോഴും ഞാന് കടത്തില് !
- Technology ഓഫർ പെരുമഴയല്ല സുനാമിയാണ്; എസ് 23 അൾട്രയ്ക്ക് 35,000 രൂപയുടെ ഡിസ്കൗണ്ടുമായി ഫ്ലിപ്പ്കാർട്ട്
- News ജാഗ്രത വേണം, ചൂടിന് കുറവില്ല; ഇന്ന് 10 ജില്ലകളിൽ ഉയർന്ന താപനില മുന്നറിയിപ്പ്
- Travel തേക്കടിയുടെ പൂക്കാലത്തിന് തുടക്കം.. തേക്കടി ഫ്ലവർ ഷോ കാണേണ്ടെ?
ഓരോ മിനിറ്റിലും ഓരോ സ്കൂട്ടർ, നവരാത്രി സീസണിൽ നാലിരട്ടി വിൽപ്പനയുമായി Ola Electric
ഇലക്ട്രിക് ഇരുചക്ര വാഹന രംഗത്ത് വിപ്ലവം സൃഷ്ടിച്ച ഓല പുതിയ നാഴികക്കല്ലുകൾ താണ്ടി ഇവി രംഗത്ത് തങ്ങളുടേതായ സ്ഥാനം കണ്ടെത്തിക്കഴിഞ്ഞിരിക്കുകയാണ്. നിലവിൽ ഓല കഴിഞ്ഞ മാസം വരെ ഏകദേശം 20 എക്സ്പീരിയൻസ് സെന്ററുകൾ രാജ്യത്ത് തുറന്നിട്ടുണ്ട്.
കൂടാതെ 2023 മാർച്ചോടെ രാജ്യത്തുടനീളം 200 കേന്ദ്രങ്ങളിലേക്ക് എക്സ്പീരിയൻസ് സെന്ററുകൾ വ്യാപിപ്പിക്കാനും ബ്രാൻഡ് പദ്ധതിയിടുന്നുണ്ട്. ഉത്സവ സീസണിൽ S1, S1 പ്രോ ഇലക്ട്രിക് സ്കൂട്ടറുകളിൽ കമ്പനി നിരവധി ഓഫറുകൾ പുറത്തിറക്കിയിട്ടുണ്ട്.
ഉത്സവ സീസൺ അടുക്കുന്നതോടെ കൂടുതൽ ഉപഭോക്താക്കളെ കണ്ടെത്തുന്നതിനായി കിടിലൻ ഓഫറുകൾ പ്രഖ്യാപിച്ചിട്ടുമുണ്ട് ഓല ഇലക്ട്രിക്. 10,000 രൂപ ഡിസ്കൗണ്ട്, വിപുലീകൃത വാറണ്ടികൾ, ലോണുകൾക്ക് കുറഞ്ഞ പലിശ നിരക്കുകൾ, തെരഞ്ഞെടുത്ത എക്സ്പീരിയൻസ് സെന്ററുകളിലൂടെ ഏഴ് ദിവസത്തിനുള്ളിൽ ഉറപ്പ് ഡെലിവറി തുടങ്ങിയ വിവിധ ആനുകൂല്യങ്ങളാണ് ഇത്തവണ കമ്പനി ഒരുക്കിയിരിക്കുന്നത്.
ഓരോ മിനിറ്റിലും ഓരോ സ്കൂട്ടർ വിറ്റഴിച്ച് നവരാത്രി സമയത്ത് ഓല ഇലക്ട്രിക് 4 മടങ്ങ് വളർച്ച രേഖപ്പെടുത്തിയതായി പ്രഖ്യാപിച്ചിരിക്കുകയാണ്. രാജ്യത്തിന്റെ വിവിധ ഭാഗങ്ങളിൽ പുതിയ എക്സ്പീരിയൻസ് സെന്ററുകൾ ആരംഭിച്ചതാണ് ഈ ഉത്സവ കാലയളവിൽ വിൽപ്പന നാല് മടങ്ങ് വർധിക്കാൻ കാരണമായതെന്നും കമ്പനി പറയുന്നു.
എന്നാൽ നവരാത്രി കാലയളവിലെ വിൽപ്പന കണക്കുകൾ ബ്രാൻഡ് പങ്കുവെച്ചിട്ടില്ല. ഇന്ത്യയിൽ ഒരു ലക്ഷത്തിലധികം ഉപഭോക്തൃ ടെസ്റ്റ് റൈഡുകൾ സംഘടിപ്പിക്കാനും ഓല ഇലക്ട്രിക്കിന് കഴിഞ്ഞുവെന്ന് പ്രസ്താവനയിൽ പറയുന്നു. കഴിഞ്ഞ വർഷം പ്രവർത്തനം തുടങ്ങിയപ്പോൾ ഷോറൂമുകൾ എന്ന ആശയത്തെ കമ്പനി എതിർത്തതിനെ തുടർന്നാണ് ഓലയുടെ എക്സ്പീരിയൻസ് സെന്ററുകളുടെ വിപുലീകരണം.
ഇപ്പോഴും ബുക്കിംഗുകൾ ഓൺലൈനിൽ നടക്കുന്നുണ്ടെന്നും ഓല പറഞ്ഞു. നിലവിൽ S1, S1 പ്രോ എന്നിങ്ങനെ രണ്ട് മോഡലുകളാണ് ഇലക്ട്രിക് സ്കൂട്ടർ നിരയിൽ കമ്പനികൾക്കുള്ളത്. S1 ഇവിക്ക് 99,000 രൂപയും S1 പ്രോയ്ക്ക് 1.40 ലക്ഷം രൂപയുമാണ് നിലവിൽ ഇന്ത്യയിലെ എക്സ്ഷോറൂം വില.
ഒറ്റ ചാർജിൽ 141 കിലോമീറ്റർ റേഞ്ച് നൽകുന്ന 3kWh ഇലക്ട്രിക് മോട്ടോറാണ് ഓല S1 ഇലക്ട്രിക് സ്കൂട്ടറിൽ സജ്ജീകരിച്ചിരിക്കുന്നത്. ഇത് മൂന്ന് വ്യത്യസ്ത റൈഡിംഗ് മോഡുകളുമായാണ് വരുന്നത്. ഇക്കോ മോഡിൽ ഇത് 128 കിലോമീറ്റർ റേഞ്ച് വാഗ്ദാനം ചെയ്യുമ്പോൾ സ്റ്റാൻഡേർഡ് മോഡിൽ 101 കിലോമീറ്റർ റേഞ്ച് ലഭിക്കും.
സ്പോർട്സ് മോഡിൽ ഒറ്റ ചാർജിൽ 90 കിലോമീറ്റർ ഓടും. മണിക്കൂറിൽ 90 കിലോമീറ്റർ വേഗതയിൽ ഓടാൻ കഴിയുമെന്നാണ് അവകാശവാദം. അതേസമയം S1 പ്രോയിൽ 4 kWh ലിഥിയം-അയൺ ബാറ്ററി പായ്ക്കും ഉണ്ട്. ഇത് ARAI സാക്ഷ്യപ്പെടുത്തിയ 181 കിലോമീറ്റർ റൈഡിംഗ് റേഞ്ചാണ് നൽകുന്നത്.
രണ്ട് ഇ-സ്കൂട്ടറുകൾക്കും 11.3 bhp കരുത്തിൽ പരമാവധി 58 Nm torque വരെ വികസിപ്പിക്കുന്ന ഹൈപ്പർഡ്രൈവ് മോട്ടോറാണ് കമ്പനി വാഗ്ദാനം ചെയ്യുന്നത്. ഓല S1 മോഡലിന്റെ ഉയർന്ന വേഗത 95 കിലോമീറ്ററാണ്. അതേസമയം S1 പ്രോയ്ക്ക് 116 കിലോമീറ്റർ വേഗത പരമാവധി പുറത്തെടുക്കാനാവുമെന്നാണ് ഓല ഇലക്ട്രിക് വ്യക്തമാക്കുന്നത്.
കഴിഞ്ഞ വർഷം അവതരിപ്പിച്ച S1 പ്രോയുടെ അതേ പ്ലാറ്റ്ഫോമിലാണ് ഇലക്ട്രിക് സ്കൂട്ടറും നിർമിച്ചിരിക്കുന്നത്. അതിൽ കമ്പനി ഇതിനകം 70,000 യൂണിറ്റുകൾ വിറ്റഴിച്ചിട്ടുണ്ടെന്നാണ് കണക്കുകൾ. 2022 സെപ്റ്റംബറില് ഹീറോ ഇലക്ട്രിക്കിനേക്കാള് കൂടുതല് വാഹനങ്ങള് വിറ്റ കമ്പനിയായി ഓല മാറിയിരുന്നു. പോയ മാസം 9,634 യൂണിറ്റുകളാണ് ബ്രാൻഡ് നിരത്തിലെത്തിച്ചത്.