Just In
- 6 hrs ago തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച
- 9 hrs ago ഓഫ്റോഡ് പ്രേമികളേ ഇതിലെ, പുത്തൻ റാങ്ലർ ഫെയ്സ്ലിഫ്റ്റിലെ ഹൈലൈറ്റുകൾ ഇവയൊക്കെ
- 10 hrs ago പുതിയ എസ്യുവിക്ക് 20 കി.മീ മൈലേജ്! ആളുകള് ഇനി ക്യൂ നില്ക്കാന് പോകുന്നത് മഹീന്ദ്ര ഷോറൂമിന് മുന്നില്
- 10 hrs ago മോഡലിംഗും ഡാൻസുമാണ് പാഷൻ, 23-ാം വയസിൽ ഡ്രീം കാർ സ്വന്തമാക്കിയ സുന്ദരിയെ അറിയുമോ?
Don't Miss
- News യുപിയില് വന് ട്വിസ്റ്റ്; അഖിലേഷ് യാദവ് ലോക്സഭാ തിരഞ്ഞെടുപ്പില് മത്സരിക്കും, കനോജില് തീപ്പാറും
- Movies നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്'
- Sports IPL 2024: ഗില് ലോക മണ്ടന്, ഇങ്ങനെയൊരു ദുരന്തം ക്യാപ്റ്റന്സിയില്ല! ജിടിയെ തോല്പ്പിച്ച പിഴവിതാ
- Lifestyle ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം
- Technology DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ
- Finance ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി
- Travel ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
നാളെയാണ്...നാളെയാണ്... ഓല S1 ഇലക്ട്രിക് സ്കൂട്ടറിന്റെ ഡെലിവറി നാളെ മുതല്
ഓല ഇലക്ട്രിക് അവരുടെ പുതിയ S1 ഇലക്ട്രിക് സ്കൂട്ടറുകള്ക്കായുള്ള പര്ച്ചേസ് വിന്ഡോ സെപ്റ്റംബര് ഒന്നിന് തുറന്നിരുന്നു. ആദ്യം റിസര്വ് ചെയ്തവര്ക്കുള്ള ഡെലിവറികള് ബുധനാഴ്ച (സെപ്റ്റംബര്) മുതല് ആരംഭിക്കും. ഇന്ത്യയുടെ 75-ാമത് സ്വാതന്ത്ര്യ ദിനത്തിലാണ് ഓല ഇലക്ട്രിക് തങ്ങളുടെ ചെറിയ വിലയിലുള്ള S1 ഇലക്ട്രിക് മോഡല് അവതരിപ്പിച്ചത്. S1 ഇലക്ട്രിക് സ്കൂട്ടര് 99,999 രൂപയ്ക്കാണ് രാജ്യത്ത് അവതരിപ്പിക്കുന്നത്.
ഈ വില പ്രാരംഭമാണെന്നും ഭാവിയില് മാറിയേക്കാമെന്നും ശ്രദ്ധിക്കേണ്ടതാണ്. ഓല ഇലക്ട്രിക് ഏതാനും മാസങ്ങള്ക്കുള്ളില് വില വര്ദ്ധിപ്പിക്കാന് സാധ്യതയുണ്ടെന്നാണ് സൂചന. ഓല ഇലക്ട്രിക്ക് കീഴിലുള്ള രണ്ടാമത്തെ ഉല്പ്പന്നമാണ് S1. കഴിഞ്ഞ വര്ഷം പുറത്തിറക്കിയ S1 പ്രോയ്ക്ക് താഴെയാണ് ഇത്.
ഓല ഇലക്ട്രിക് ഇതിനകം 70,0000 യൂണിറ്റ് S1 പ്രോ വിറ്റഴിക്കുകയും S1 ന്റെ 10,000 ബുക്കിംഗുകള് സ്വീകരിക്കുകയും ചെയ്തു. ബുക്കിങ് ആരംഭിച്ചതിന് പിന്നാലെ S1 പ്രോ മോഡലിന് ലഭിച്ച അതേ സ്വീകാര്യത തന്നെയാണ് പുതിയ ഈ മോഡലിനും ലഭിച്ചത്. ബുക്കിംഗ് ആരംഭിച്ച് ഒരു ദിവസത്തിനുള്ളില് തന്നെ 10,000 ഇലക്ട്രിക് സ്കൂട്ടറുകള്ക്കുള്ള ബുക്കിംഗ് നേടാന് ഓല ഇലക്ട്രിക്കിന് സാധിച്ചു.
പുതിയ ബാറ്ററിയും ഇലക്ട്രിക് കാറും ഉള്പ്പെടുന്ന കൂടുതല് ഭാവി ഉല്പ്പന്നങ്ങളുടെ പണിപ്പുരയിലാണ് ഓല ഇലക്ട്രിക് ഇപ്പോള് പ്രവര്ത്തിക്കുന്നത്.
ബാറ്ററി സെല്ലുകള് നിര്മ്മിക്കാന് അവര് ഒരു പുതിയ ജിഗാഫാക്ടറി സ്ഥാപിക്കാന് ഒരുങ്ങുകയാണ്. എക്സ്ട്രീം ഫാസ്റ്റ് ചാര്ജിംഗിന് തുടക്കമിട്ട ഇസ്രായേല് ആസ്ഥാനമായുള്ള കമ്പനിയായ സ്റ്റോര് ഡോട്ടുമായി ഒല ഇലക്ട്രിക്ക് പങ്കാളിത്തവും ഉണ്ട്. അവരുടെ സെല്ലുകള് വെറും അഞ്ച് മിനിറ്റിനുള്ളില് 0 മുതല് 100 ശതമാനം ചാര്ജാകും.
ഓല S1 ഇലക്ട്രിക് സ്കൂട്ടര് കഴിഞ്ഞ വര്ഷം ഓഗസ്റ്റ് 15-ന് ആദ്യമായി അവതരിപ്പിച്ചിരുന്നു. എന്നിരുന്നാലും, കമ്പനി ഉയര്ന്ന-സ്പെക്ക് S1 പ്രോ മോഡലിന്റെ വില്പന തുടരാന് അത് പിന്നീട് നീക്കം ചെയ്യുകയായിരുന്നു.
3 kWh ബാറ്ററി പാക്കിലാണ് ഓല S1 വരുന്നത്. മൂന്ന് റൈഡിംഗ് മോഡുകളാണ് ഈ ഇലക്ട്രിക് സ്കൂട്ടറിലുള്ളത്. ഇക്കോ, നോര്മല്, സ്പോര്ട്സ് മോഡുകള് ആണിവ. ഓലയുടെ കണക്കനുസരിച്ച് ARAI സാക്ഷ്യപ്പെടുത്തിയ സ്കൂട്ടറിന്റെ റേഞ്ച് 141 കിലോമീറ്ററാണ്. ഇക്കോ മോഡില് റൈഡിംഗ് റേഞ്ച് 128 കിലോമീറ്ററാണ്. നോര്മലില് റൈഡിംഗ് റേഞ്ച് 101 കിലോമീറ്ററും സ്പോര്ട്ട് മോഡില് 90 കിലോമീറ്ററും സഞ്ചരിക്കാനാകും. 95 കിലോമീറ്ററാണ് ഓല S1 ന്റെ ഉയര്ന്ന വേഗത.
സൗന്ദര്യപരമായി ഓല എസ് 1 ഓല എസ് 1 പ്രോയ്ക്ക് സമാനമാണ്. ബാഡ്ജിംഗിലും ചില ഫീച്ചറുകളിലും മാത്രമാണ് വ്യത്യാസം. നിയോ മിന്റ്, ജെറ്റ് ബ്ലാക്ക്, പോര്സലൈന് വൈറ്റ്, ലിക്വിഡ് സില്വര്, കോറല് ഗ്ലാം എന്നിങ്ങനെ അഞ്ച് പെയിന്റ് സ്കീമുകളിലാണ് ഓല S1 വാഗ്ദാനം ചെയ്യുന്നത്.
ക്രൂയിസ് കണ്ട്രോളും ഹൈപ്പര് മോഡും ഓല S1 ന് നഷ്ടമായി. ഇത് ഇപ്പോഴും Move OS 2-ല് പ്രവര്ത്തിക്കുന്നു.
സ്കൂട്ടറിന്റെ ചില പ്രധാന ഹൈലൈറ്റുകളില് മ്യൂസിക് പ്ലേബാക്ക്, നാവിഗേഷന്, കമ്പാനിയന് ആപ്പ്, റിവേഴ്സ് മോഡ് എന്നിവ പോലുള്ള MoveOS സവിശേഷതകള് ഉള്പ്പെടുന്നു. കൂടാതെ നിങ്ങള്ക്ക് സ്കൂട്ടര് നിയന്ത്രിക്കാന് കഴിയുന്ന 7-ഇഞ്ച് ടച്ച്സ്ക്രീന് പോലുള്ള സവിശേഷതകളുമുണ്ട്.
താരതമ്യപ്പെടുത്തുമ്പോള് S1 പ്രോ 4kWh ബാറ്ററി പാക്കിലാണ് വരുന്നത്. ഓല S1 പ്രോക്ക് 170 കിലോമീറ്റര് ഓല ട്രൂ റേഞ്ച് ഉണ്ട്, എന്നാല് ഓല S1 ന് 128 കിലോമീറ്ററാണ് ഓല ട്രൂ റേഞ്ച്. S1-ന്റെ ചാര്ജ്ജിംഗ് സമയം 5 മണിക്കൂറാണ്, എന്നാല് S1 പ്രോ പൂര്ണ്ണമായി ചാര്ജ് ചെയ്യാന് 6 മണിക്കൂറും 30 മിനിറ്റും എടുക്കും. S1 പ്രോയുടെ ഉയര്ന്ന വേഗത മണിക്കൂറില് 116 കിലോമീറ്ററാണ്, ഇതിന് വേഗത്തിലുള്ള ആക്സിലറേഷന് സമയവുമുണ്ട്.
നിലവില് 99,999 രൂപ (എക്സ്ഷോറൂം) വിലയുള്ള ഓല S1 ലോണ് പ്രോസസ്സിംഗ് ഫീ ഇളവിനൊപ്പം 2,999 രൂപയില് നിന്ന് ആരംഭിക്കുന്ന EMI-കളില് ലഭ്യമാണ്. ഓല S1നൊപ്പം S1 പ്രോ സ്കൂട്ടറിന്റെ കാക്കി പരിമിത പതിപ്പിന്റെ ഡെലിവറിയും നാളെ മുതല് ആരംഭിക്കും.
ഈ ദീപാവലിക്ക് തങ്ങളുടെ സ്കൂട്ടറുകളില് ഒരു സോഫ്റ്റ്വെയര് അപ്ഡേറ്റ് പുറത്തിറക്കുമെന്ന് ഓല സ്ഥിരീകരിച്ചിരുന്നു. Move OS3 പുറത്തിറക്കിക്കൊണ്ടായിരിക്കും അത്. മൂഡ്സ്, ഡിജിറ്റല് കീ ഷെയറിങ്, പ്രോക്സിമിറ്റി അണ്ലോക്ക്, മെച്ചപ്പെടുത്തിയ റീജന്, സ്കൂട്ടറിലെ ഡോക്യുമെന്റുകള് എന്നിവയും അതിലേറെയും പോലെയുള്ള പുതിയതും ആവേശകരവുമായ ഫീച്ചറുകള് പുതിയ MoveOS 3-ന്റെ ഭാഗമാകും.
ഓല ഇലക്ട്രിക്കിന് കനത്ത തിരിച്ചടിയേകി നിര്മ്മാണ പ്രവര്ത്തനങ്ങള് കൈകാര്യം ചെയ്തിരുന്ന നാഗി റെഡ്ഡി സതിഗരി കഴിഞ്ഞ ദിവസം കമ്പനി വിട്ടിരുന്നു. പ്രതിവര്ഷം 10 ദശലക്ഷം യൂണിറ്റ് സ്കൂട്ടറുകള് നിര്മ്മിക്കാന് ശേഷിയുള്ള ലോകത്തിലെ ഏറ്റവും വലിയ ഇരുചക്രവാഹന ഉല്പ്പാദന കേന്ദ്രമായി അവകാശപ്പെടുന്ന ഓല ഇലക്ട്രിക്കിന്റെ ഫ്യൂച്ചര് ഫാക്ടറി തമിഴ്നാട്ടില് സ്ഥാപിക്കുന്നതിനു പിന്നില് പ്രവര്ത്തിച്ചിരുന്ന വ്യക്തി നാഗി റെഡ്ഡി സതിഗരിയായിരുന്നു.
ഓല ഇലക്ട്രിക്കില് നിന്ന് നാഗി റെഡ്ഡി സതിഗരി രാജി വെക്കാനുണ്ടായ കാരണങ്ങള് ഇതുവരെ വ്യക്തമല്ല. ഫേസഡ് ഫാബ്രിക്കേഷന് കമ്പനിയായ ആലുഫിറ്റ് ഇന്റര്നാഷണലിന്റെ ചീഫ് ഓപ്പറേറ്റിംഗ് ഓഫീസറായാണ് നാഗി റെഡ്ഡി സതിഗരി ചുമതലയേല്ക്കാന് പോകുന്നത്. രണ്ട് പതിറ്റാണ്ടിലേറെ അനുഭവസമ്പത്തുള്ള നാഗി റെഡ്ഡി സതിഗരിയുടെ മികവിലാണ് ഫ്യൂച്ചര് ഫാക്ടറി റെക്കോഡ് വേഗത്തില് 10 മാസത്തിനുള്ളില് പൂര്ത്തിയാക്കാന് ഒല ഇലക്ട്രിക്കിനായത്.
കഴിഞ്ഞ ആറ് മാസത്തിനിടെ ഒല ഇലക്ട്രിക്കില് നിന്ന് രാജിവെച്ച ഏഴാമത്തെ മുതിര്ന്ന എക്സിക്യൂട്ടീവാണ് നാഗി റെഡ്ഡി സതിഗരി. ഹിന്ദുസ്ഥാന് കണ്സ്ട്രക്ഷന് കമ്പനി മുന് പ്രസിഡന്റും ചീഫ് എക്സിക്യൂട്ടീവ് ഓഫീസറുമായിരുന്ന യു വെങ്കട്ട ഫണി കുമാര് ആണ് റെഡ്ഡിയുടെ പകരക്കാരന്.