Just In
- just now കറങ്ങുന്ന കസേരയ്ക്ക് മുടക്കിയ കാശ് ഖുദാ ഹവാ; നവകേരള ബസ് ഇനി റൂട്ടിലോടും
- 2 hrs ago പരസ്യം കൊടുക്കാൻ കിയ കഴിഞ്ഞേ ആളുള്ളൂ, സെൽറ്റോസിന്റെ പ്രചാരണത്തിന് ഇനി ബോബി ഡിയോളും
- 3 hrs ago കണ്ടാല് കണ്ണെടുക്കാന് തോന്നൂല! 'നാഷനല് ക്രഷ്' കാവ്യ മാരന്റെ ഗ്ലാമറസ് കാർ ശേഖരം കണ്ടാലും നോക്കിപ്പോകും
- 4 hrs ago എല്ലാവർക്കും 'പഞ്ചിനെ' മതി, ടാറ്റയുടെ കുഞ്ഞൻ പ്രിയപ്പെട്ടവനാകുന്നതിൻ്റെ കാരണം എന്ത്
Don't Miss
- News കാവേരി നദിയില് നിന്ന് വെള്ളമെത്തിക്കുമെന്ന് പ്രചാരണം; ഡികെ ശിവകുമാറിനെതിരെ കേസെടുത്തു
- Finance ബംബർ ഐപിഒ വീക്ക്, വിപണിയിലേക്കെത്തുന്നത് 4 കമ്പനികൾ, ഇഷ്യൂ സൈസ്, പ്രൈസ് ബാൻഡ് വിവരങ്ങളറിയാം
- Sports IPL 2024: ഇവനെയൊക്കെ ഞങ്ങളുടെ കയ്യില് കിട്ടണം...; ധോണി പുകഴ്ത്തി സിഎസ്കെയെ കളിയാക്കി ഐസ് ലാന്റ് ക്രിക്കറ്റ്
- Movies ശോഭനയുടെ പെരുമാറ്റം; ബാലചന്ദ്രമേനോൻ ദേഷ്യപ്പെട്ട് ബിസ്കറ്റ് വലിച്ചെറിഞ്ഞു; അനുഭവങ്ങൾ പങ്കുവെച്ച് വിജി തമ്പി
- Lifestyle 1000 കിലോ ഭാരം, 15 അടി നീളം; ലോകത്തിലെ ഏറ്റവും വലിയ പാമ്പ് വാസുകിയുടെ ഫോസില് കണ്ടെത്തി
- Travel വേനല് ചൂടോ.. ഇവിടെയോ? ഇത് സൈലന്റ് വാലിയാണ്.. വരൂ കാട്ടിൽ സഫാരി പോകാം
- Technology ചാർജിന്റെ കാര്യത്തിൽ ആശങ്ക വേണ്ട, ഇവിയിൽ ധൈര്യമായി ട്രിപ്പ് പോവാം; കൂട്ടിന് കിടിലൻ ഫീച്ചറുമായി ഗൂഗിൾ മാപ്പ്
300 സിസി എഞ്ചിനുമായി Vespa, പുത്തൻ പുതിയ GTS ശ്രേണി അവതരിപ്പിച്ച് Piaggo
ജനപ്രിയമായ ഐതിഹാസിക സ്കൂട്ടറായ വെസ്പയുടെ പുതിയ 2023 മോഡൽ ശ്രേണി പുറത്തിറക്കി പിയാജിയോ. സ്റ്റാൻഡേർഡ് GTS, GTS സൂപ്പർ, GTS സൂപ്പർസ്പോർട്ട്, GTS സൂപ്പർടെക് എന്നീ നാല് വേരിയന്റുകളിലാണ് വാഹനം ഇപ്പോൾ വിപണിയിലെത്തിയിരിക്കുന്നത്.
വെസ്പ GTS ശ്രേണിയുടെ പരിഷ്ക്കാരങ്ങളിൽ നേരിയ ഫെയ്സ്ലിഫ്റ്റ് മാറ്റം, പുതിയ ഫ്രണ്ട് സസ്പെൻഷൻ, പുതിയ 300 HPE എഞ്ചിൻ എന്നിവ ഉൾപ്പെടുന്നുവെന്നാണ് കമ്പനി പറയുന്നത്. നിലവിൽ അന്താരാഷ്ട്ര വിപണികളിൽ മാത്രമായാണ് സ്കൂട്ടറിനെ കമ്പനി അവതരിപ്പിച്ചിരിക്കുന്നത്.
അതായത് ഇന്ത്യയിൽ ഇത് അടുത്ത കാലത്തൊന്നും ലഭ്യമാവില്ലെന്ന് സാരം. പൂർണമായും മെറ്റലിൽ ഒരുക്കിയിരിക്കുന്ന ബോഡിയാണ് പുതിയ വെസ്പ GTS പതിപ്പിന്റെ ഹൈലൈറ്റ് എന്നു പറയാം. എങ്കിലും ഡിസൈനിന്റെ കാര്യത്തിൽ വെസ്പ സ്കൂട്ടറുകളുടെ അതേ ശൈലി തന്നെയാണ് പുത്തൻ പതിപ്പിലും പിന്തുടർന്നിരിക്കുന്നത്.
2023 മോഡൽ ലൈനപ്പിൽ കമ്പനി പുനർരൂപകൽപ്പന ചെയ്ത മിററുകൾ, മഡ്ഗാർഡ്, ഫ്രണ്ട് ആപ്രോൺ എന്നിവയുടെ രൂപത്തിൽ കുറച്ച് മാറ്റങ്ങൾ വരുത്തിയിട്ടുണ്ട്. കൂടാതെ കമ്പനി ഒന്നല്ല, രണ്ടല്ല, നാല് മോഡലുകളിലായി 14 കളർ ഓപ്ഷനുകളാണ് ഇത്തവണ അവതരിപ്പിക്കുന്നത്.
അലോയ് വീലുകളെപ്പോലെ തന്നെ വ്യത്യസ്തമായ കളർ ഘടകങ്ങളുള്ള ബോൾഡ് കളർവേകൾ കാഴ്ച്ചയിൽ സ്കൂട്ടറിനെ മനോഹരമാക്കുന്നുണ്ട്. വെസ്പ GTS 125 i-GET, 300 HPE എന്നിങ്ങനെ രണ്ട് എഞ്ചിൻ ഓപ്ഷനുകളിൽ ലഭ്യമാണ്.
രണ്ട് എഞ്ചിനുകളും ഫ്യുവൽ-ഇഞ്ചക്റ്റഡ്, ലിക്വിഡ്-കൂൾഡ്, സിംഗിൾ സിലിണ്ടർ യൂണിറ്റുകളാണെന്നതാണ് ശ്രദ്ധേയം. എന്നാൽ 300 HPE പതിപ്പിന്റെ പ്രധാന ഹൈലൈറ്റ് അതിന്റെ 23 bhp പവറാണ്. ഇത് വെസ്പയുടെ ഇതുവരെയുള്ളതിൽ ഏറ്റവും ശക്തമായ മോഡലായി മാറുന്നു.
പുതിയ സീറ്റും പുതിയ ഫ്രണ്ട് സസ്പെൻഷനും പോലെ മറ്റ് സുഖസൗകര്യങ്ങൾ വർധിപ്പിക്കുന്നതിനായി വെസ്പ GTS മോഡലിൽ കുറച്ച് പരിഷ്ക്കാരങ്ങൾ കമ്പനി വരുത്തിയിട്ടുണ്ട്. പരമ്പരാഗത വെസ്പ സിംഗിൾ ആം സിസ്റ്റം ഉള്ളപ്പോൾ, മികച്ച സൗകര്യവും ഉയർന്ന വേഗതയിൽ പോലും കിടിലൻ സ്റ്റെബിലിറ്റിയും പ്രദാനം ചെയ്യുന്നതിനായി സസ്പെൻഷൻ ട്യൂൺ ചെയ്തിട്ടുണ്ട്.
മറ്റ് ഫീച്ചറുകളുടെ കാര്യത്തിലേക്ക് നോക്കിയാൽ വെസ്പ GTS സൂപ്പർ, GTS സൂപ്പർസ്പോർട്ട്, GTS സൂപ്പർടെക് എന്നിവയിൽ കീലെസ് സ്റ്റാർട്ട്/സ്റ്റോപ്പ് കൂടാതെ റിമോട്ട് സീറ്റ് ഓപ്പണിംഗ് ഫംഗ്ഷനുകളും ബ്രാൻഡ് സജ്ജീകരിച്ചിരിച്ചിട്ടുണ്ട്. റിമോട്ട് കീ ഫോബ് ഉപയോഗിച്ച് തിരക്കേറിയ പാർക്കിംഗ് സ്ഥലത്ത് സ്കൂട്ടർ കണ്ടെത്താൻ സഹായിക്കുന്ന ബൈക്ക് ഫൈൻഡർ ഫീച്ചറും അവർക്ക് ലഭിക്കും.
GTS സൂപ്പർസ്പോർട്ട്, GTS സൂപ്പർടെക് മോഡലുകൾക്ക് വെസ്പ MIA ആപ്പ് വഴി സ്മാർട്ട്ഫോൺ കണക്റ്റിവിറ്റി ലഭിക്കും. സ്കൂട്ടറിന്റെ സൂപ്പർടെക് വേരിയന്റിന് 4.3-ഇഞ്ച് ഫുൾ-കളർ TFT ഡിസ്പ്ലേയുണ്ടെന്നതും ആകർഷകമായ ഫീച്ചറാണ്. ബാക്കി മോഡലുകൾക്ക് 3-ഇഞ്ച് അനലോഗ്-എൽസിഡി ഡിസ്പ്ലേയാണ് വെസ്പ സമ്മാനിച്ചിരിക്കുന്നത്.
പോയ വർഷവും വെസ്പയുടെ GTS ശ്രേണി പരിമിതമായ യൂണിറ്റുകളിൽ പിയാജിയോ പുറത്തിറക്കിയിരുന്നു. അന്ന് ഈ സ്പെഷ്യൽ വേരിയന്റുകളുടെ 300 യൂണിറ്റുകളോളമാണ് കമ്പനി അവതരിപ്പിച്ചത്. എന്നാൽ ഇത്തവണ ഇവയുടെ എത്ര യൂണിറ്റുകൾ വിപണിയിൽ എത്തിക്കുമെന്ന് ബ്രാൻഡ് വ്യക്തമാക്കിയിട്ടില്ല.