Just In
- 8 min ago ഏഥറിന് പണികൊടുക്കാൻ ബജാജ്, കുറഞ്ഞ വിലയും 113 കി.മീ. റേഞ്ചുമായി പുതിയ ഇലക്ട്രിക് സ്കൂട്ടർ
- 1 hr ago ഐപിഎല് ശമ്പളം 16 കോടി, ബിസിസിഐ നല്കുന്നത് 7 കോടി; എന്നിട്ടും രോഹിത് ശര്മ കറങ്ങുന്നത് മാരുതി കാറില്
- 2 hrs ago സമ്പാദിക്കുന്ന കാശ് പെട്രോളടിച്ച് കളയണോ? 516 കി.മീ. റേഞ്ചുള്ള പുത്തൻ ഇലക്ട്രിക് കാറുമായി ജർമൻ കമ്പനി
- 2 hrs ago ബജറ്റ് ഇവി പ്ലാനുകൾക്ക് തുടക്കം കുറിച്ച് ഹ്യുണ്ടായി; മെയ്ഡ് ഇൻ ഇന്ത്യ ക്രെറ്റ ഇവി ഉടൻ
Don't Miss
- Movies ഇങ്ങനൊക്കെ മനുഷ്യന് മാറാന് പറ്റുമോ? അന്ന് റിമി വലിയ ചേച്ചിയായിരുന്നു, മേക്കോവറിൽ ഞെട്ടിച്ച് വീണ്ടും റിമി ടോമി
- News ഡബിള് രാജയോഗം പോക്കറ്റ് നിറയ്ക്കും, അടിപൊളി നേട്ടങ്ങള് ലഭിക്കും; ഭാഗ്യം ഈ രാശിക്കാര്ക്കൊപ്പം
- Lifestyle നിങ്ങളുടെ അമ്മ ഇങ്ങനെയാണോ, രാശിപ്രകാരം അമ്മമാരറിയേണ്ട കാര്യങ്ങള്
- Sports IPL 2024: ആര്സിബിക്കു ഡു ഓര് ഡൈ, തോറ്റാല് പുറത്ത്; ടോസ് ഏഴു മണിക്ക്
- Technology ട്രെൻഡ് ഉണ്ടാക്കാൻ ഇൻഫിനിക്സ്! പുതിയ ഫോണിന്റെ വിലയടക്കം വലിച്ച് പുറത്തിട്ട് ടിപ്സ്റ്റർമാർ
- Finance 1 കോടി രൂപ സമ്പാദ്യം എന്നത് യാഥാർത്ഥ്യമാക്കാം, ഇതാണ് നിക്ഷേപ പദ്ധതി, ഇന്ന് തന്നെ തുടങ്ങൂ...
- Travel മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
RSA സേവനം ഇനി മൊബൈല് ആപ്പ് വഴി; പുതിയ പദ്ധതിക്ക് തുടക്കമിട്ട് Royal Enfield
ആധുനിക റെട്രോ ക്ലാസിക് മോട്ടോര്സൈക്കിളുകളില്, ഏറ്റവും ശക്തമായ ബ്രാന്ഡുകളില് ഒന്നാണ് റോയല് എന്ഫീല്ഡ്. ബജാജും യെസ്ഡിയും ജാവയും ഹോണ്ടയും തങ്ങളുടേതായ രീതിയില് വിജയിച്ചിട്ടുണ്ടെങ്കിലും, റോയല് എന്ഫീല്ഡ് ഈ വിഭാഗത്തില് ഒരുപടി മുന്നിലാണെന്ന് വേണം പറയാന്.
റോയല് എന്ഫീല്ഡ് അതിന്റെ ആധിപത്യം വിജയകരമായി നിലനിറുത്തുകയും വിഭാഗത്തില് ശക്തമായി മത്സരം കാഴ്ചവെയ്ക്കുകയും ചെയ്യുന്നു. റോയല് എന്ഫീല്ഡ് എന്ന പേര് ലോകമെമ്പാടുമുള്ള മോട്ടോര്സൈക്കിള് ആരാധകരില് ഒരു പ്രത്യേക ഗൃഹാതുരത്വം ഉണര്ത്തുകയും ചെയ്യുന്നു.
ഇപ്പോഴിതാ തങ്ങളുടെ ഉപഭോക്താക്കള്ക്കായി പുതിയ പദ്ധതികള് അവതരിപ്പിച്ചിരിക്കുകയാണ് കമ്പനി. പുതിയ ഡിജിറ്റല് റോഡ്സൈഡ് അസിസ്റ്റ് സമാരംഭിച്ചതോടെ, റോയല് എന്ഫീല്ഡ് മോഡലുകള് പരിപാലിക്കുന്നതും പിന്തുണ നേടുന്നതും മുമ്പത്തേക്കാള് എളുപ്പമാണെന്ന് വേണം പറയാന്.
താരതമ്യേന വിശാലമായ ഡീലര് ശൃംഖലയില് നിന്ന് ഉപഭോക്താക്കള്ക്ക് കൂടുതല് മൂല്യം വാഗ്ദാനം ചെയ്യുന്നതിനായി, റോയല് എന്ഫീല്ഡ് ഇന്ത്യയിലും വിദേശ വിപണികളിലും 24X7 RSA (റോഡ്സൈഡ് അസിസ്റ്റന്സ്) സേവനങ്ങള് ആരംഭിച്ചിരുന്നു.
ഇതുവരെ, RSA ലഭിക്കുന്നതിന്, നിങ്ങള് അവരുടെ കസ്റ്റമര് കെയറിനെ വിളിക്കേണ്ടതുണ്ടായിരുന്നു. എന്നാല് ഇപ്പോള്, ഡിജിറ്റല് RSA ഉപയോഗിച്ച് പ്രക്രിയ വളരെ ലളിതമാക്കിയിരിക്കുകയാണ് റോയല് എന്ഫീല്ഡ്.
സാധുതയുള്ള RSA ഉള്ള റോയല് എന്ഫീല്ഡ് മോട്ടോര്സൈക്കിളുകളുടെ (ബുള്ളറ്റ്, മീറ്റിയോര്, ക്ലാസിക്, ഇലക്ട്ര, 650 ട്വിന്സ്, ഹിമാലയന്) ഉടമകള്ക്ക് ഇപ്പോള് ഒരു ബട്ടണ് അമര്ത്തിയാല് സഹായം ലഭിക്കും.
അവര് ചെയ്യേണ്ടത് അവരുടെ റോയല് എന്ഫീല്ഡ് ആപ്പ് തുറന്ന് RSA അഭ്യര്ത്ഥിക്കുക മാത്രമാണ്. ചെറിയ പിഴവുകള്ക്കും ഉടനടി റിപ്പയര് ആവശ്യങ്ങള്ക്കും ഉപഭോക്താവിന്റെ ബ്രേക്ക്ഡൗണ് ലൊക്കേഷനിലേക്ക് ഒരു ടെക്നീഷ്യനെ നല്കുമെന്ന് RSA ഉറപ്പ് നല്കുന്നു.
ഈ കൈമാറ്റവും തൊഴില് ചെലവും റോയല് എന്ഫീല്ഡ് വഹിക്കുന്നുണ്ടെന്നും വാറന്റി അല്ലെങ്കില് കമ്പനിയുടെ AMC (വാര്ഷിക പരിപാലന കരാര്) എന്നിവയ്ക്ക് വിധേയമല്ലാത്ത ഭാഗങ്ങള്ക്ക് മാത്രമേ ഉപഭോക്താവ് പണം നല്കേണ്ടതുള്ളൂവെന്നും RSA ഉറപ്പുനല്കുന്നു.
RSA അനുസരിച്ച്, ദേശീയ പാതകളിലോ സംസ്ഥാന പാതകളിലോ ഇന്ത്യയുടെ പ്രധാന ഭൂപ്രദേശത്തിനകത്തുള്ള മോട്ടോര് വാഹന റോഡുകളിലോ എവിടെയും സംഭവിക്കുന്ന മെക്കാനിക്കല്, ഇലക്ട്രിക്കല്, ക്രാഷ് സംഭവങ്ങള് സ്ഥലത്തുതന്നെ കൈകാര്യം ചെയ്യുകയോ ആവശ്യമെങ്കില് അടുത്തുള്ള സര്വീസ് സ്റ്റേഷനിലേക്ക് കൊണ്ടുപോകുകയോ ചെയ്യും.
ഒരു ഉപഭോക്താവിന് ഈ സേവനം വേണമെങ്കില്, ഒരു കരാറിന് 2 ഇടപെടലുകളായി RSA സേവനങ്ങള് പരിമിതപ്പെടുത്തിയിരിക്കുന്നു. മെക്കാനിക്കല്, ഇലക്ട്രിക്കല്, ക്രാഷുകള് എന്നിവയുമായി ബന്ധപ്പെട്ട കേവലം തകരാറുകള് കൂടാതെ, റോയല് എന്ഫീല്ഡ് RSA ഫ്ലാറ്റ് ടയര് അസിസ്റ്റന്സ് (പണമടയ്ക്കാവുന്നത്), ബാറ്ററി ഡ്രെയിനേജ് (ബാറ്ററി നല്കാവുന്നത്), ഇന്ധന വിതരണം (5 ലിറ്റര് വരെ നല്കണം), കീ ലോക്കൗട്ട് (പണമടയ്ക്കാവുന്നവ) എന്നിവയും കവര് ചെയ്യുന്നു. മെഡിക്കല് റഫറല് (വൈദ്യ പരിചരണത്തിന് നല്കണം). ഡിജിറ്റല് RSA നിലവില് ഇന്ത്യയില് മാത്രമേ ലഭ്യമാകൂ.
ഓസ്ട്രേലിയ, യൂറോപ്പ്, വടക്കേ അമേരിക്ക തുടങ്ങിയ ആഗോള വിപണികളില്, വാറന്റി കാലയളവിലുടനീളം RSA സൗജന്യമാണ്. എന്നിരുന്നാലും, ഇന്ത്യയില്, ഇത് ആദ്യ വര്ഷത്തേക്ക് കോംപ്ലിമെന്ററി മാത്രമാണ്, തുടര്ന്ന് ഏകദേശം 1000 രൂപ നാമമാത്രമായ വിലയ്ക്ക് ഇത് വാര്ഷികാടിസ്ഥാനത്തില് പുതുക്കേണ്ടതുണ്ട്.
അതേസമയം ബ്രാന്ഡില് നിന്നുള്ള മറ്റ് വാര്ത്തകള് പരിശേധിച്ചാല്, 2022 ജൂണിലെ റോയല് എന്ഫീല്ഡ് വില്പ്പന കണക്കുകള് പരിശോധിച്ചാല്, ആഭ്യന്തര വില്പ്പനയിലും കയറ്റുമതിയിലും കമ്പനി മികച്ച പ്രകടനം കാഴ്ചവച്ചു.
2021 ജൂണില് വിറ്റ 43,048 യൂണിറ്റുകളേക്കാള് 42.65 ശതമാനം വര്ധിച്ച് 2022 ജൂണില് 61,407 യൂണിറ്റുകളാണ് വിറ്റഴിച്ചത്. എന്നിരുന്നാലും, 2021 മെയ് മാസത്തില് വിറ്റ 63,643 യൂണിറ്റുകളെ അപേക്ഷിച്ച് പ്രതിമാസ വില്പ്പന 3.51 ശതമാനം കുറഞ്ഞു.
ഇതിനൊപ്പം തന്നെ നിരവധി മോഡലുകള് ബ്രാന്ഡില് നിന്ന് അരങ്ങേറ്റത്തിന് ഒരുങ്ങുകയും ചെയ്യുന്നു. റോയല് എന്ഫീല്ഡ് മീറ്റിയോര് 350X വരും ദിവസങ്ങളില് ലോഞ്ച് ചെയ്യാന് ഒരുങ്ങുകയാണ്, അത് നിരവധി തവണ പരീക്ഷണയോ്ട്ടം നടത്തുന്നതും കണ്ടെത്തിയിരുന്നു.
ഈ പുതിയ വേരിയന്റിനൊപ്പം, മീറ്റിയര് 650, ഷോട്ട്ഗണ് 650, ഹിമാലയന് 450, 450 സ്ക്രാം, ഹണ്ടര് 350, പുതിയ ബുള്ളറ്റ് 350 എന്നിവയും കമ്പനി നിലവില് പരീക്ഷിച്ചുവരികയാണ്. ഈ മോഡലുകള് എത്തുന്നതോടെ ആഭ്യന്തര, ആഗോള വിപണികളിലെ വില്പ്പന വര്ധിപ്പിക്കാമെന്ന പ്രതീക്ഷയിലാണ് നിര്മാതാക്കള്.