Just In
- 40 min ago ഓഫ്റോഡ് പ്രേമികളേ ഇതിലെ, പുത്തൻ റാങ്ലർ ഫെയ്സ്ലിഫ്റ്റിലെ ഹൈലൈറ്റുകൾ ഇവയൊക്കെ
- 1 hr ago പുതിയ എസ്യുവിക്ക് 20 കി.മീ മൈലേജ്! ആളുകള് ഇനി ക്യൂ നില്ക്കാന് പോകുന്നത് മഹീന്ദ്ര ഷോറൂമിന് മുന്നില്
- 2 hrs ago മോഡലിംഗും ഡാൻസുമാണ് പാഷൻ, 23-ാം വയസിൽ ഡ്രീം കാർ സ്വന്തമാക്കിയ സുന്ദരിയെ അറിയുമോ?
- 2 hrs ago വെറും 2.99 ലക്ഷം മാത്രം! വർക്കിലും ലുക്കിലും നിഞ്ചയെ തൂക്കും മാക് 2 പതിപ്പുമായി അൾട്രാവയലറ്റ്
Don't Miss
- Movies ദിലീപിന്റെ വളര്ച്ച ഇങ്ങനെയായിരുന്നു! സൂപ്പര്താര പദവി ദിലീപിന് കാലം നല്കിയ സമ്മാനമായിരുന്നു
- News കലാശക്കൊട്ടിനിടെ സംഘര്ഷം; കരുനാഗപ്പള്ളിയില് സിഐയ്ക്കും എംഎല്എയ്ക്കും പരുക്ക്
- Finance ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി
- Sports IPL 2024: മുംബൈയും ചെന്നൈയുമല്ല; വസീം അക്രമിന്റെ ഇഷ്ട ഐപിഎല് ടീം മറ്റൊന്ന്
- Lifestyle ദാമ്പത്യത്തിന്റെ ഒന്നാമത്തെ നിയമം: വിവാഹജീവിതത്തിലേക്ക് കുടുംബക്കാരെ പ്രവേശിപ്പിക്കാതിരിക്കുക
- Travel ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
- Technology തീ തുപ്പും തുപ്പാക്കി പോലെ ഉശിരന്മാർ! റിയൽമി നാർസോ 70x 5ജിയും നാർസോ 70 5ജിയും എത്തി
അഡ്വഞ്ചർ മോട്ടോർസൈക്കിളുകളുടെ അവസന വാക്ക്, പുത്തൻ Tiger 1200 ഇന്ത്യയിലെത്തിച്ച് Triumph
നീണ്ട കാത്തിരിപ്പുകൾക്കൊടുവിൽ 2022 മോഡൽ ടൈഗർ 1200 മോഡലിനെ ഇന്ത്യയിൽ അവതരിപ്പിച്ചിരിക്കുകയാണ് ബ്രിട്ടീഷ് പ്രീമിയം മോട്ടോർസൈക്കിൾ നിർമാതാക്കളായ ട്രയംഫ്. രണ്ട് വേരിയന്റുകളിലും നാല് വകഭേദങ്ങളിലുമായി വിൽപ്പനയ്ക്ക് എത്തിച്ചിരിക്കുന്ന അഡ്വഞ്ചർ ബൈക്കിന് 19.19 ലക്ഷം ലക്ഷം രൂപയാണ് പ്രാരംഭ വില.
കൃത്യമായി പറഞ്ഞാൽ പുതിയ ടൈഗർ 1200 പതിപ്പിന്റെ വില ആരംഭിക്കുന്നത് ജിടി പ്രോയ്ക്ക് 19.19 ലക്ഷം രൂപയും ജിടി എക്സ്പ്ലോററിന് 20.69 ലക്ഷം രൂപയും, റാലി പ്രോയ്ക്ക് 20.19 ലക്ഷം രൂപയും, ടോപ്പ് എൻഡ് റാലി എക്സ്പ്ലോറർ വേരിയന്റിന് 21.69 ലക്ഷം രൂപയുമാണ് ഇന്ത്യയിലെ എക്സ്ഷോറൂം വില.
പുതിയ ട്രയംഫ് ടൈഗർ 1200 ബ്രാൻഡിന്റെ ഫ്ലാഗ്ഷിപ്പ് അഡ്വഞ്ചർ മോട്ടോർസൈക്കിളാണ്. ഇത് ബിഎംഡബ്ല്യു R 1250 GS, ഡ്യുക്കാട്ടി മൾട്ടിസ്ട്രാഡ V4 എന്നിവയ്ക്കെതിരെയാണ് ഇന്ത്യയിൽ മത്സരിക്കാനെത്തുന്നത്. ഇപ്പോൾ അവതരിപ്പിച്ചിരിക്കുന്ന ടൈഗർ 1200 മോഡലിന്റെ ബുക്കിംഗ് 2021 ഡിസംബറിൽ കമ്പനി ആരംഭിച്ചിരുന്നു. അടുത്ത മാസം ആദ്യം ബൈക്കിന്റെ ഡെലിവറികൾ ആരംഭിക്കാനാണ് സാധ്യത.
MOST READ: പുത്തൻ RC 390 മോഡലിനെ ഇന്ത്യയിൽ അവതരിപ്പിച്ച് KTM, വില 3.14 ലക്ഷം രൂപ
പുതിയ 1,160 സിസി ഇൻലൈൻ ത്രീ-സിലിണ്ടർ എഞ്ചിനാണ് പുത്തൻ ടൈഗർ 1200 അഡ്വഞ്ചറിന് തുടിപ്പേകുന്നത്. അത് 9,000 rpm-ൽ പരമാവധി 147 bhp പവറും 7,000-ൽ 130 Nm torque ഉം വരെ വികസിപ്പിക്കാൻ ശേഷിയുള്ളതാണ്. ട്രയംഫ് സ്പീഡ് ട്രിപ്പിളിൽ കാണുന്ന അതേ എഞ്ചിന്റെ മറ്റൊരു വകഭേദമാണിത്.
സ്ലിപ്പർ അസിസ്റ്റ് ക്ലച്ചുള്ള ഒരു ഷാഫ്റ്റ് ഡ്രൈവ് സിസ്റ്റം ഉപയോഗിക്കുന്ന 6 സ്പീഡ് ഗിയർബോക്സുമായാണ് എഞ്ചിൻ ജോടിയാക്കിയിരിക്കുന്നത്. പുതിയ 2022 മോഡൽ ടൈഗറിന്റെ സസ്പെൻഷൻ സജ്ജീകരണത്തിൽ മുൻവശത്ത് 49 mm ഷോവ അപ്സൈഡ് ഡൗൺ ഫോർക്കുകളും പിന്നിൽ ഷോവയിൽ നിന്നുള്ള സെമി ആക്ടീവ് മോണോഷോക്ക് യൂണിറ്റുമാണ് അണിനിരത്തിയിരിക്കുന്നത്.
MOST READ: KTM 390 Duke വാങ്ങാന് പദ്ധതിയുണ്ടോ?; അറിഞ്ഞിരിക്കണം ഈ കാര്യങ്ങള്
ടൈഗർ 1200 ജിടി പ്രോ, ജിടി എക്സ്പ്ലോറർ പതിപ്പുകൾക്ക് 200 mm സസ്പെൻഷൻ ട്രാവൽ ലഭിക്കുമ്പോൾ റാലി, റാലി എക്സ്പ്ലോറർ വേരിയന്റുകൾക്ക് 220 mm നീളമുള്ള സസ്പെൻഷൻ ട്രാവലാണ് ലഭിക്കുന്നത്. ബ്രെംബോയിൽ നിന്നുള്ള ഇരട്ട 320 mm ഫ്ലോട്ടിംഗ് ഡിസ്ക്കുകളാണ് ബ്രേക്കിംഗിനായി സജ്ജീകരിച്ചിരിക്കുന്നത്.
വേരിയന്റുകൾ
പുതിയ ട്രയംഫ് ടൈഗർ 1200 ജിടി, റാലി എന്നിങ്ങനെ രണ്ട് വകഭേദങ്ങളിൽ എത്തും. പേരുകൾ സൂചിപ്പിക്കുന്നതു പോലെ റാലി ഓഫ്-റോഡ് അധിഷ്ഠിത വേരിയന്റാണ്. അതേസമയം ജിടി പതിപ്പ് റോഡ് അധിഷ്ഠിതമാക്കിയാണ് പൂർത്തിയാക്കിയിരിക്കുന്നത്. ട്രയംഫ് ഓരോ വകഭേദത്തിനും വേരിയന്റുകളാണ് പരിചയപ്പെടുത്തുന്നത്.
MOST READ: KTM Duke 390 -ക്ക് വെല്ലുവിളിയായി 2022 K Rider 400 മോട്ടോർസൈക്കിൾ അവതിപ്പിച്ച് Kymco
ടൈഗർ 1200 ജിടി പ്രോയും റാലി പ്രോയും 400 കിലോമീറ്റർ പരിധിയുള്ള 20 ലിറ്റർ ഫ്യുവൽ ടാങ്കുകളാണ് അവതരിപ്പിക്കുന്നത്. റാലി എക്സ്പ്ലോററിനും ജിടി എക്സ്പ്ലോററിനും 600 കിലോമീറ്റർ വരെ റേഞ്ച് ഉള്ള വലിയ 30 ലിറ്റർ ഫ്യുവൽ ടാങ്കുകളും ലഭിക്കും.
ജിടി ശ്രേണി 19 ഇഞ്ച് ഫ്രണ്ട്, 18 ഇഞ്ച് പിൻ അലോയ് വീലുകളിലാണ് നിരത്തിലെത്തുക. റാലി ശ്രേണിയിൽ 21 ഇഞ്ച് ഫ്രണ്ട്, 18 ഇഞ്ച് പിന്നിൽ സ്പോക്ക്ഡ് വീലുകളും ദൈർഘ്യമേറിയ ട്രാവൽ സസ്പെൻഷനും ഉണ്ട്. മുൻഗാമിയുമായി താരതമ്യപ്പെടുത്തുമ്പോൾ പുതിയ ടൈഗർ 1200 വേരിയന്റിന് ഏകദേശം 25 കിലോ ഭാരം കുറവാണെന്നതും ഏറെ സ്വീകാര്യമായ കാര്യമാണ്.
MOST READ: TVS iQube ഇലക്ട്രിക് പുത്തനും പഴയതും തമ്മിൽ മാറ്റുരയ്ക്കാം
ഇനി ഡിസൈനിലേക്ക് നോക്കിയാൽ ടൈഗർ 1200 മുമ്പത്തേക്കാൾ ഷാർപ്പും ഒതുക്കുമുള്ളതുമായാണ് ട്രയംഫ് നിർമിച്ചിരിക്കുന്നത്. പുതിയ ഹെഡ്ലാമ്പ് യൂണിറ്റ് തന്നെയാണ് മുൻവശത്തെ ഹൈലൈറ്റ്. ഒപ്പം ഒരു സംയോജിത എൽഇഡി ഡിആർഎല്ലും കൂടി എത്തുന്നതോടെ കാഴ്ച്ചയിൽ മനോഹരമാവുന്നുണ്ട്.
അതേസമയം സെമി-ഫെയറിംഗ്, സ്പ്ലിറ്റ് സാഡിൽ, ടോൾ-സെറ്റ് എക്സ്ഹോസ്റ്റ് സ്ക്രീം അഡ്വഞ്ചർ. ഉയരമുള്ള വിൻഡ്സ്ക്രീൻ എന്നിവ മോട്ടോർസൈക്കിളിൽ പ്രവർത്തനക്ഷമമാണ്.
മൊത്തത്തിലുള്ള രൂപം മുമ്പത്തേതിനേക്കാൾ ശ്രദ്ധേയമായിട്ടുണ്ട്. പുതിയ ടൈഗർ 1200 ഇലക്ട്രോണിക് എയ്ഡുകൾ, പൂർണ എൽഇഡി ലൈറ്റിംഗ്, ബ്ലൂടൂത്ത് പ്രാപ്തമാക്കിയ കളർ-ടിഎഫ്ടി ഡിസ്പ്ലേ, കോർണറിംഗ് എബിഎസ്, കോർണറിംഗ് ട്രാക്ഷൻ കൺട്രോൾ, ക്രൂയിസ് കൺട്രോൾ, ബ്ലൈൻഡ്-സ്പോട്ട് റഡാർ സിസ്റ്റം, ലെയ്ൻ ചേഞ്ച് അസിസ്റ്റ് ഫീച്ചർ എന്നിവയും ക്രമീകരിക്കാവുന്ന സീറ്റും ലഭിക്കുന്നു.