Just In
- 7 hrs ago പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര
- 9 hrs ago അപ്പോ സൈക്കിളിൽ പ്രത്യക്ഷപ്പെട്ടത് ഇതിനായിരുന്നല്ലേ, വണ്ടിക്കമ്പനി മുതലാളിയായി ധോണി
- 9 hrs ago അക്ഷരം തെറ്റാതെ വിളിക്കാം 'മനിതന്'! അംഗപരിമിതരായ 13 കലാകാരന്മാര്ക്ക് സ്കൂട്ടര് സമ്മാനിച്ച് ലോറന്സ്
- 10 hrs ago വ്ലോഗിംഗും തുണിക്കടയും ഹിറ്റ്, 48 ലക്ഷത്തിന്റെ പുത്തൻ ഇലക്ട്രിക് കാർ സ്വന്തമാക്കിയ ഈ നടിയെ അറിയുമോ?
Don't Miss
- News ലോക്സഭ തിരഞ്ഞെടുപ്പ് 2024 ഒന്നാം ഘട്ടം Live: 102 മണ്ഡലങ്ങള് ബൂത്തിലേക്ക്; ബിജെപിക്ക് നിര്ണായകം
- Sports IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ്
- Lifestyle സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി
- Movies അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല
- Technology വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ
- Finance തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ്
- Travel ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
നവീകരണങ്ങളോടെ 2022 R3 എത്തുന്നു; ലോഞ്ച് ദീപാവലിയോടെ, സ്ഥിരീകരിക്കാതെ Yamaha
രാജ്യത്തെ സ്പോര്ട്സ് ബൈക്കുകളുടെ മുന്നിര ദാതാവായി യമഹ സ്വയം നിലയുറപ്പിച്ച സമയത്താണ് 2015-ല് യമഹ YZF-R3 ഇന്ത്യയില് അവതരിപ്പിച്ചത്. എന്നിരുന്നാലും, 3.25 ലക്ഷം രൂപ എന്ന ഉയര്ന്ന വില കാരണം, യമഹ R3-ന് ശക്തമായ വില്പ്പന രജിസ്റ്റര് ചെയ്യാന് കഴിഞ്ഞില്ല.
കെടിഎം RC 390, ടിവിഎസ് അപ്പാച്ചെ RR310 തുടങ്ങിയ എതിരാളികളേക്കാള് കൂടുതലായിരുന്നു ബൈക്കിന്റെ വില. അതേസമയം അന്തരാഷ്ട്ര വിപണികളില് വന് ഹിറ്റായി ഓടുന്ന യമഹയുടെ ഒരു മോഡല് കൂടിയാണിത്.
ബ്രാന്ഡ് ലൈനപ്പിലെ R15-ന് മുകളിലാണ് R3 സ്ഥാനം പിടിച്ചിരിക്കുന്നത്. യമഹ R3-യുടെ ബിഎസ് VI പതിപ്പ് വളരെ നേരത്തെ തന്നെ പുറത്തിറക്കുമെന്ന് പ്രതീക്ഷിച്ചിരുന്നു, എന്നാല് കൊവിഡ് മഹാമാരി കാരണം പ്ലാനുകള് വൈകുകയായിരുന്നു.
2022 ദീപാവലിയോടെ R3 ഇന്ത്യയില് റീലോഞ്ച് ചെയ്യപ്പെടുമെന്നാണ് ഇപ്പോള് പുറത്തുവരുന്ന ചില റിപ്പോര്ട്ടുകള് വെളിപ്പെടുത്തുന്നത്. R3 ഒരു ബെസ്റ്റ് സെല്ലര് ആയി മാറണമെങ്കില്, അതിന്റെ വില പരിഷ്കരിക്കേണ്ടത് അത്യന്താപേക്ഷിതമാണ്.
അടുത്തിടെ പുറത്തിറക്കിയ ബിഎംഡബ്ല്യൂ G310RR പോലുള്ള പുതിയ എതിരാളികളുമായും ഇതിന് വിപണിയില് മത്സരിക്കേണ്ടതുണ്ട്. ബിഎംഡബ്ല്യുവിന്റെ എന്ട്രി ലെവല് ഫെയര്ഡ് ബൈക്കിന് 2.85 ലക്ഷം രൂപയാണ് വില, ഇത് ടിവിഎസ് അപ്പാച്ചെ RR310-നേക്കാള് 20,000 രൂപ കൂടുതലാണ്.
നിരവധി അന്താരാഷ്ട്ര വിപണികളില്, യമഹ ഈ വര്ഷം R3-യുടെ 2022 പതിപ്പ് പുറത്തിറക്കിയിരുന്നു. ഇന്ത്യയില് ബൈക്ക് നിര്ത്തലാക്കിയ സമയം മുതല് പുതിയ കളര് ഓപ്ഷനുകള് ഉള്പ്പെടെ നിരവധി അപ്ഡേറ്റുകള് അവതരിപ്പിച്ചു.
മോട്ടോജിപി YZR-M1-ല് നിന്ന് പ്രചോദനം ഉള്ക്കൊണ്ട് 2022 R3-ന് എത്തുന്നതെന്നാണ് നിര്മാതാക്കള് പറയുന്നത്. സുഗമമായ എയറോഡൈനാമിക് ഡിസൈനും നവീകരിച്ച കോസ്മെറ്റിക് മാറ്റങ്ങളും പുതിയ മോഡലില് ഉണ്ടാകും.
ഡ്യുവല് എല്ഇഡി ഹെഡ്ലാമ്പ് സജ്ജീകരണം, ഫാസ്റ്റ് എഞ്ചിന് കൂളിംഗിനുള്ള സെന്ട്രല് എയര്ഡക്ട്, കോംപാക്റ്റ് വിന്ഡ്സ്ക്രീന്, ഫ്രണ്ട് കൗള് മൗണ്ടഡ് സ്പോര്ട്ടി റിയര് വ്യൂ മിററുകള്, സൈഡ് ഫെയറിംഗ് മൗണ്ടഡ് ടേണ് ഇന്ഡിക്കേറ്ററുകള്, സ്കല്പ്റ്റഡ് ഫ്യുവല് ടാങ്ക്, സ്പ്ലിറ്റ് സീറ്റ് ഡിസൈന്, അപ്സ്വെപ്പ് എക്സ്ഹോസ്റ്റ് എന്നിവ ചില പ്രധാന സവിശേഷതകളാണ്.
ട്രാക്കുകള്ക്കായി നിര്മ്മിച്ച യമഹ R3, പിന്-സെറ്റ് ഫുട്പെഗുകളും ലോ-സെറ്റ് ഹാന്ഡില്ബാറും സഹിതം പ്രതിബദ്ധതയുള്ള റൈഡിംഗ് സ്റ്റാന്സാണ്. ഇന്ധന ശേഷി, ഗിയര് പൊസിഷന്, ജലത്തിന്റെ താപനില, തത്സമയ ശരാശരി ഇന്ധനക്ഷമത, ട്രിപ്പ് മീറ്റര്, ക്ലോക്ക് എന്നിങ്ങനെയുള്ള വിവരങ്ങള് പ്രദര്ശിപ്പിക്കുന്ന പൂര്ണ്ണ ഡിജിറ്റല് ഇന്സ്ട്രുമെന്റ് പാനല് ബൈക്കിലുണ്ട്.
വര്ഷങ്ങളായി, യമഹ അതിന്റെ പവര്-ടു-വെയ്റ്റ് അനുപാതം വര്ദ്ധിപ്പിക്കുന്നതിനായി R3-യുടെ ഭാരം കുറയ്ക്കാന് ശ്രമിച്ചു. ഭാരം കുറഞ്ഞ പ്രൊഫൈല് റേസ്ട്രാക്കുകളിലും തിരക്കേറിയ നഗര, ഹൈവേകളിലും പ്രകടനം മെച്ചപ്പെടുത്തുന്നുവെന്നും പറയുന്നു.
വരുത്തിയ മാറ്റങ്ങളില് ഷാസിയിലെ മാറ്റങ്ങളും ഭാരം കുറഞ്ഞതും എന്നാല് ശക്തവുമായ പിസ്റ്റണുകളുടെ ഉപയോഗവും ഉള്പ്പെടുന്നു. 2022 R3-ന് 170 കിലോഗ്രാം ഭാരം ഉണ്ട്, ഇത് RC 390, RR310 എന്നിവയേക്കാള് കുറവാണ്. 780 mm കുറഞ്ഞ സീറ്റ് ഉയരമാണ് മറ്റൊരു നേട്ടം, ഇത് ബാലന്സ് മെച്ചപ്പെടുത്താനും കൈകാര്യം ചെയ്യാനും സഹായിക്കുന്നു.
യമഹ R3-ന് മുന്നില് USD ഫോര്ക്കുകളും പ്രീലോഡ് ക്രമീകരിക്കാവുന്ന മോണോക്രോസ് പിന് സസ്പെന്ഷനുമുണ്ട്. മുന്നിലും പിന്നിലും 298 mm, 220 mm ഡിസ്ക് ബ്രേക്കിംഗ് ഡ്യൂട്ടി നിര്വഹിക്കുന്നു. ഡ്യുവല്-ചാനല് എബിഎസ് സ്റ്റാന്ഡേര്ഡായി വാഗ്ദാനം ചെയ്യുന്നു. ബൈക്കിന് രണ്ടറ്റത്തും 17 ഇഞ്ച് ടയറുകളുമുണ്ട്, 110/70 മുന് ടയറുകളും 140/70 പിന് ടയറുകളും ഉണ്ട്.
എഞ്ചിന് സവിശേഷതകളിലേക്ക് വന്നാല്, 10,750 rpm-ല് 40.4 bhp പരമാവധി കരുത്തും 9,000 rpm-ല് 29.4 Nm പീക്ക് ടോര്ക്കും ഉല്പ്പാദിപ്പിക്കുന്ന 321 സിസി, ലിക്വിഡ് കൂള്ഡ്, DOHC മോട്ടോറാണ് ബൈക്കിന് കരുത്ത് പകരുന്നത്.
സ്ലിപ്പര് ക്ലച്ച് ഉള്ള 6-സ്പീഡ് ഗിയര്ബോക്സുമായി ഇത് ജോടിയാക്കുകയും ചെയ്തിരിക്കുന്നു. ഉയര്ന്ന വേഗതയില് പോലും സുഗമവും വൈബ്രേഷന് രഹിതവുമായ റൈഡുകള് ഉറപ്പാക്കാന് പ്രവര്ത്തിക്കുന്ന ഉയര്ന്ന റെവ് ആര്ക്കിടെക്ചറും നൂതന സിലിണ്ടര് നിര്മ്മാണവും എഞ്ചിനുണ്ട്.
അതേസമയം ഇരുചക്ര വാഹന പ്രേമികള് നെഞ്ചിലേറ്റിയ RX100-ഉം നിരത്തിലേക്ക് തിരികെയെത്തിക്കാനുള്ള ഒരുക്കത്തിലാണ് യമഹ ഇപ്പോള്. കമ്പനി തന്നെ ഇക്കാര്യം ഔദ്യോഗികമായി വെളിപ്പെടുത്തുകയും ചെയ്തു. ജാപ്പനീസ് ബ്രാന്ഡിന് രാജ്യത്ത് മികച്ച ഒരു അടിത്തറ സമ്മാനിച്ചൊരു മോഡല് കൂടിയായിരുന്നു ഈ RX100.