Click it and Unblock the Notifications
ഓടിക്കാന് എളുപ്പം വിലയും കുറവ്; പെമ്പിളേളര്ക്ക് പറ്റിയ ന്യൂമെറോസ് എന്-ഫസ്റ്റ് ഇ-സ്കൂട്ടര് റിവ്യൂ
ന്യൂമെറോസ് മോട്ടോര്സ് പുതിയ എന്-ഫസ്റ്റ് ഇലക്ട്രിക് സ്കൂട്ടര് ഇന്ത്യന് വിപണിയില് അവതരിപ്പിച്ചിരിക്കുകയാണ്. നഗര യാത്രികര്ക്ക് വളരെ സൗകര്യപ്രദവും, കാര്യക്ഷമവുമായ സവാരി സമ്മാനിക്കുകയാണ് ഈ സ്കൂട്ടറിന്റെ ലക്ഷ്യം. കുറഞ്ഞ വിലയും, ഭാരം കുറഞ്ഞ രൂപകല്പ്പനയും, സിറ്റി റൈഡുകള്ക്ക് അനുയോജ്യമായ ഫീച്ചറുകളും ഈ സ്കൂട്ടറിന്റെ പ്രധാന ആകര്ഷണങ്ങളാണ്. പ്രധാനമായും വനിതകളെയും, താങ്ങാനാവുന്ന വിലയില് ഇലക്ട്രിക് വാഹനം സ്വന്തമാക്കാന് ആഗ്രഹിക്കുന്നവരെയും ലക്ഷ്യമിട്ടാണ് ഈ സ്കൂട്ടര് എത്തിയിരിക്കുന്നത്. ഇതിന്റെ ലളിതമായ ഹാന്ഡ്ലിംഗും, സുഖകരമായ യാത്രയും നിലവിലെ ഇലക്ട്രിക് സ്കൂട്ടര് സെഗ്മെന്റില് ഇതിനെ ഒരു ശക്തനായ പോരാളിയാക്കുന്നു.
ആധുനിക രൂപകല്പ്പനയും, അത്യാധുനിക ഫീച്ചറുകളുമുള്ള ന്യൂമെറോസ് എന്-ഫസ്റ്റ് യുവതലമുറയെയും, ആകര്ഷിക്കും. ഇന്ത്യന് നഗരങ്ങളിലെ ദൈനംദിന യാത്രകള്ക്ക് അനുയോജ്യമായ രീതിയിലാണ് ന്യൂമെറോസ് എന്-ഫസ്റ്റിന്റെ രൂപകല്പ്പനയും, പെര്ഫോമന്സും. ന്യൂമെൃറാസ് എന്-ഫസ്റ്റ് ഇലക്ട്രിക് സ്കൂട്ടറിന്റെ ഡിസൈന്, പെര്ഫോമന്സ്, ഫീച്ചറുകള്, വില എന്നിവയെ കുറിച്ച് വിശദമായി വായിക്കാം.
ഡിസൈനും സ്റ്റൈലും
ന്യൂമെറോസ് എന്-ഫസ്റ്റിന് മികച്ചതും, ഒതുക്കമുള്ളതുമായ ഒരു ബോഡിയാണ് നല്കിയിരിക്കുന്നത്. ഇത് നഗരത്തിലെ തിരക്കേറിയ റോഡുകളില് എളുപ്പത്തില് കൈകാര്യം ചെയ്യാന് സഹായിക്കുന്നു. ലൈറ്റ്വെയിറ്റ് രൂപകല്പ്പന സ്കൂട്ടര് തിരക്കുള്ള സ്ഥലങ്ങളില് പാര്ക്ക് ചെയ്യാനും, ഓടിക്കാനും സഹായകമാണ്. നഗരത്തിന് അനുയോജ്യമായ ഒരു രൂപം നല്കുന്നതിനായി ഇതില് മികച്ച ലൈനുകളും ഗ്രാഫിക്സും നല്കിയിട്ടുണ്ട്.
മുന്വശത്ത്, സ്റ്റൈലിഷ് എല്ഇഡി ഹെഡ്ലാമ്പും, ഇന്ഡിക്കേറ്ററുകളും നല്കിയിട്ടുണ്ട്. ഇത് റോഡിലേക്കുള്ള കാഴ്ചയും സേഫ്റ്റിയും വര്ധിപ്പിക്കുന്നു. ഉപഭോക്താക്കള്ക്ക് അവരുടെ അഭിരുചിക്ക് അനുസരിച്ചുള്ള നിറങ്ങള് തിരഞ്ഞെടുക്കാനുള്ള അവസരം നല്കുന്നു. മൊത്തത്തില് ഇന്നത്തെ നാഗരിക ജീവിതത്തിന് അനുയോജ്യമായ രീതിയില് യൂത്ത്ഫുള് ആയ ഡിസൈനും പ്രായോഗികതയുമെല്ലാം അടങ്ങിയിരിക്കുന്ന ഇലക്ട്രിക് സ്കൂട്ടര് ആണ് ഇത്.
റൈഡര്ക്കും പില്യണ് സീറ്റ് റൈഡര്ക്കും സുഖകരമായി യാത്ര ചെയ്യാന് സാധിക്കുന്ന രീതിയിലാണ് സീറ്റ് രൂപകല്പ്പന ചെയ്തിരിക്കുന്നത്. കൂടാതെ, കാല്മുട്ടുകള്ക്ക് ആവശ്യത്തിന് സ്ഥലം ലഭിക്കുന്നുണ്ട്. സീറ്റിനടിയില് ആവശ്യ സാധനങ്ങള് സൂക്ഷിക്കാനുള്ള സ്ഥലവും ഉണ്ട്. യാത്രക്കാര്ക്ക് കൂടുതല് നേരം സുഖകരമായി യാത്ര ചെയ്യാന് സഹായിക്കുന്ന തരത്തിലാണ് ഹാന്ഡില്ബാറിന്റെ ഉയരം ക്രമീകരിച്ചിരിക്കുന്നത്.
പവര്ട്രെയിന്
ന്യൂമെറോസ് എന്-ഫസ്റ്റ് ഇലക്ട്രിക് സ്കൂട്ടറിന് 2.5 kW ഇലക്ട്രിക് മോട്ടോറാണ് നല്കിയിരിക്കുന്നത്. ഇത് സുഗമമായ യാത്രയും, കുറഞ്ഞ ശബ്ദവും ഉറപ്പാക്കുന്നു. നഗരത്തിലെ സാഹചര്യങ്ങള്ക്കനുസരിച്ച് ട്യൂണ് ചെയ്തിട്ടുള്ള ഇതിന്റെ പരമാവധി വേഗത മണിക്കൂറില് 70 കിലോമീറ്റര് വരെയാണ്. റൈഡിംഗ് മോഡിനെയും, റോഡ് സാഹചര്യങ്ങളെയും ആശ്രയിച്ച് ഫുള് ചാര്ജില് 109 കിലോമീറ്റര് വരെ സഞ്ചരിക്കാന് കഴിയുന്ന ഒരു ഹൈ-എഫിഷ്യന്സി ബാറ്ററിയാണ് ഇതില് ഉപയോഗിച്ചിരിക്കുന്നത്.
6 മുതല് 8 മണിക്കൂറിനുള്ളില് ബാറ്ററി പൂര്ണമായി ചാര്ജ് ചെയ്യാന് കഴിയും. ഇത് മിക്ക ഉപയോക്താക്കള്ക്കും രാത്രിയില് ചാര്ജ് ചെയ്യാന് വളരെ സൗകര്യപ്രദമാണ്. ന്യൂമെറോസ് എന്-ഫസ്റ്റ് ഒന്നിലധികം റൈഡിംഗ് മോഡുകള് ഉള്ളതുകൊണ്ട്, ആവശ്യാനുസരണം പെര്ഫോമന്സസോ, റേഞ്ചോ വേണ്ടതെന്ന് തീരുമാനിക്കാന് ഉപയോക്താക്കള്ക്ക് പറ്റും.
ഫീച്ചറുകളും സുരക്ഷയും
ന്യൂമെറോസ് എന്-ഫസ്റ്റില് സ്പീഡ്, ബാറ്ററി നില, റേഞ്ച്, ട്രിപ്പ് വിവരങ്ങള് എന്നിവ പ്രദര്ശിപ്പിക്കുന്ന ഒരു ഡിജിറ്റല് ഇന്സ്ട്രുമെന്റ് ക്ലസ്റ്റര് ഉണ്ട്. യുഎസ്ബി ചാര്ജിംഗ്, കീലെസ് സ്റ്റാര്ട്ട് തുടങ്ങിയ ഫീച്ചറുകള് അധിക സൗകര്യം നല്കുന്നു. വാഹനത്തിന്റെ നിലവിലെ വിവരങ്ങള് അറിയാനും, നോട്ടിഫിക്കേഷനുകള് ലഭിക്കാനും സഹായിക്കുന്ന ഒരു മൊബൈല് ആപ്പുമായി ഈ സ്കൂട്ടര് ഇന്റഗ്രേറ്റ് ചെയ്യുന്നു.
കോമ്പിനേഷന് ബ്രക്കിംഗ് സിസ്റ്റം (CBS), ട്യൂബ്ലെസ് ടയറുകള് എന്നിവ ന്യൂമെറോസ് എന്-ഫസ്റ്റ് ഇലക്ട്രിക് സ്കൂട്ടറിൽ സുരക്ഷയ്ക്കായുണ്ട്. ഇത് മികച്ച റോഡ് ഗ്രിപ്പും സ്റ്റബിലിറ്റിയും നല്കുന്നു. രാത്രിയിലും, മോശം കാലാവസ്ഥയിലും മികച്ച കാഴ്ച നല്കുന്ന എല്ഇഡി ലൈറ്റിംഗും, സൈഡ്-സ്റ്റാന്ഡ് സെന്സറും, ആന്റി-തെഫ്റ്റ് അലാറവും സുരക്ഷാ ഫീച്ചറുകളാണ്.
റൈഡിംഗ് ഇംപ്രഷന്
16 ഇഞ്ച് വീലുകള് ഈ സ്കൂട്ടറിന്റെ ഒരു പ്ലസ് ആണ്. ചെറിയ വീല് സ്കൂട്ടറുകളെ അപേക്ഷിച്ച് വേഗത്തില് പോകുമ്പോഴും പരുക്കന് റോഡുകളിലും നിങ്ങള്ക്ക് കൂടുതല് സ്ഥിരത അനുഭവപ്പെടും. പിന് സീറ്റില് ഒരാളെ ഇരുത്തി പോകുമ്പോള് സാധാരണ 12 അല്ലെങ്കില് 14 ഇഞ്ച് വീല് സ്കൂട്ടറുകളേക്കാള് സുഖകരമായി സവാരി ചെയ്യാം. അള്ട്രാ സ്പോര്ട്ടി അല്ലെങ്കിലും മണിക്കൂറില് 70 കിലോമീറ്റര് എന്നത് മാന്യമായ ടോപ് സ്പീഡ് ആണ്. ഇടയ്ക്കിടെ ഹൈവേ സ്ട്രെച്ചുകള്, ഓവര്ടേക്കിംഗ് മുതലായവ ആസൂത്രണം ചെയ്യുകയാണെങ്കില് അത് പരിമിതമാണെന്ന് നിങ്ങള്ക്ക് തോന്നിയേക്കാം.
ട്രൂ റേഞ്ച് എല്ലായ്പ്പോഴും ഐഡിസി ക്ലെയിംഡ് റേഞ്ചിനേക്കാള് കുറവായിരിക്കും, പ്രത്യേകിച്ച് പില്യണ് + ഹെവിയര് ലോഡ് ഉള്ളപ്പോള്. സസ്പെന്ഷന് ട്യൂണിംഗിനെയും ഭാരത്തെയും ആശ്രയിച്ചിരിക്കും റൈഡ് കംഫര്ട്ട്. വേഗതയെയും ലോഡിനെയും ആശ്രയിച്ച് നിങ്ങള്ക്ക് ദൃഢതയോ ബൗണ്സോ അനുഭവപ്പെടാം.
നഗരത്തിലൂടെയുള്ള ദൈനംദിന യാത്രകള്ക്ക് ഇതിന്റെ റേഞ്ചും വീല് സൈസും പ്ലസ് ആണ്. പല പ്രീമിയം സ്കൂട്ടറുകളുമായി താരതമ്യപ്പെടുത്തുമ്പോള് മത്സരാധിഷ്ഠിത വിലയില് ഇത് ലഭ്യമാകുന്നു.
വേരിയന്റുകളും വിലയും
ന്യൂമെറോസ് എന്-ഫസ്റ്റ് രണ്ട് പ്രധാന വേരിയന്റുകളില് ലഭ്യമാണ്: 2.5 kW മോട്ടോറും, 3 kW മോട്ടോറും. ഉപയോക്താക്കളുടെ ആവശ്യാനുസരണം വ്യത്യസ്ത പെര്ഫോമന്സും, റേഞ്ചും ഈ വേരിയന്റുകള് വാഗ്ദാനം ചെയ്യുന്നു.
| വേരിയന്റ് | മോട്ടോർ പവർ | റേഞ്ച് (ക്ലെയിംഡ്) | വില (എക്സ്-ഷോറൂം) |
|---|---|---|---|
| എന്-ഫസ്റ്റ് 2.5 kW | 2.5 kW | 90 KM വരെ | ₹85,000 |
| എന്-ഫസ്റ്റ് 3 kW | 3 kW | 109 KM വരെ | ₹95,000 |
ലഭ്യതയും എതിരാളികളും
ന്യൂമെറോസ് എന്-ഫസ്റ്റ് ഇന്ത്യയിലെ പ്രധാന നഗരങ്ങളിലെ അംഗീകൃത ഡീലര്ഷിപ്പുകളില് ഇപ്പോള് ലഭ്യമാണ്. ബുക്കിംഗ് ആരംഭിച്ചു കഴിഞ്ഞു. ബുക്ക് ചെയ്ത് 2-3 ആഴ്ചകള്ക്കുള്ളില് ഡെലിവറി ലഭിക്കും. ഓല S1 എയര്, ഹീറോ ഇലക്ട്രിക് ഒപ്റ്റിമ, ടിവിഎസ് ഐക്യൂബ് തുടങ്ങിയ മോഡലുകളുമായി ഇത് മത്സരിക്കുന്നു. സ്റ്റൈല്, സുഖസൗകര്യങ്ങള്, പ്രായോഗികമായ ഫീച്ചറുകള് എന്നിവയുടെ സംയോജനത്തിലൂടെ ന്യൂമെറോസ് എന്-ഫസ്റ്റ് ദൈനംദിന യാത്രകള്ക്കായി ഒരു ഇലക്ട്രിക് സ്കൂട്ടര് ആഗ്രഹിക്കുന്ന നഗര യാത്രികരെ ആകര്ഷിക്കാന് ലക്ഷ്യമിടുന്നു.
Continue with Google