ബജറ്റ് വിലയില്‍ ട്രാക്കില്‍ അത്ഭുതങ്ങള്‍ തീര്‍ക്കാം; ടിവിഎസ് യൂറോഗ്രിപ്പ് റോഡ്ഹൗണ്ട് ടയര്‍ റിവ്യു

ടിവിഎസ് ടയേഴ്സ് ഇന്ത്യന്‍ വാഹനങ്ങള്‍ക്കായി ടയറുകള്‍ നിര്‍മിക്കാന്‍ തുടങ്ങിയിട്ട് 40 വര്‍ഷത്തോളമായി. നിരവധി ബൈക്കുകള്‍ക്കും സ്‌കൂട്ടറുകള്‍ക്കും അലങ്കാരമായി ടിവിഎസ് ടയറുകള്‍ ഇക്കാലം കൊണ്ട് മാറിയിരുന്നു. ടൂവീലര്‍ ടയര്‍ മാര്‍ക്കറ്റ് പിടിച്ചടക്കാന്‍ ലക്ഷ്യമിട്ട് 2019-ല്‍ ടിവിഎസ് യൂറോഗ്രിപ്പ് എന്ന പേരില്‍ അവര്‍ റീബ്രാന്‍ഡ് ചെയ്യുകയും ചെയ്തു.

റീബ്രാന്‍ഡിംഗിനൊപ്പം പുതുതായി വരുത്തിയ പരിഷ്‌കാരങ്ങളും വലിയ മാറ്റങ്ങള്‍ സൃഷ്ടിച്ചതായി നമുക്ക് കാണാന്‍ സാധിക്കും. റോഡിലും ട്രാക്കിലുമുള്ള റൈഡിംഗ് എക്സ്പീരിയന്‍സ് കുറച്ച് കൂടി ഉയര്‍ത്താന്‍ ആഗ്രഹിക്കുന്നവര്‍ക്കായി ടിവിഎസ് യൂറോഗ്രിപ്പ് റോഡ്ഹൗണ്ട് ടയറുകള്‍ കൊണ്ടുവന്നതാണ് അതില്‍ എടുത്തുപറയേണ്ട ഒന്ന്. പുതിയ റോഡ്ഹൗണ്ട് ടയറിന്റെ നിര്‍മാണവും കണ്ടറിയാനും കോയമ്പത്തൂരിലെ കാരി മോട്ടോര്‍ സ്പീഡ്‌വേയില്‍ അവ പരീക്ഷിച്ചുനോക്കാനും ടിവിഎസ് യൂറോഗ്രിപ്പ് ഞങ്ങള്‍ അവസരം നല്‍കുകയുണ്ടായി.

കോര്‍ണറിംഗ് ഗ്രിപ്പിനും കംഫര്‍ട്ടിനും ഏറെ നാള്‍ ഈട് നില്‍ക്കുന്ന തരത്തിലും രൂപകല്‍പ്പന ചെയ്ത ക്വാഡ് കോമ്പൗണ്ട് റേഡിയല്‍ ടയറാണ് റോഡ്ഹൗണ്ട്. നനുത്ത പ്രതലത്തിലും റോഡ്ഹൗണ്ട് മികച്ച ഗ്രിപ്പ് വാഗ്ദാനം ചെയ്യുന്നതായാണ് ടിവിഎസ് യൂറോഗ്രിപ്പ് അവകാശപ്പെടുന്നത്. കോണ്‍ടാക്റ്റ് പാച്ചിലെ ഗ്രോവുകള്‍ വെള്ളം വേഗത്തില്‍ നീക്കുകയും അക്വാപ്ലാനിംഗ് സാധ്യത കുറയ്ക്കുകയും ചെയ്യുന്നു.

റോഡ്ഹൗണ്ടിലെ ഒരു കോമ്പൗണ്ട് സ്ഥിരതയും ഈടും ഉറപ്പാക്കുന്നു. അതേസമയം വൃത്താകൃതിയിലുള്ള വിപുലീകൃതമായ ഷോള്‍ഡര്‍ പ്രൊഫൈല്‍ നിര്‍മ്മിക്കാന്‍ മറ്റ് രണ്ടുള്ളവ സഹായിക്കുന്നു. കോര്‍ണറിംഗ് ഗ്രിപ്പിനൊപ്പം കൂടുതല്‍ സ്റ്റിഫ്നെസ്സും വാഗ്ദാനം ചെയ്യുന്നു. ബേസ് ലെയര്‍ കോമ്പൗണ്ടാണ് യാത്രസുഖം വര്‍ധിപ്പിക്കാന്‍ സഹായിക്കുന്നത്. റോഡ്ഹൗണ്ട് ടയര്‍ ഫ്രണ്ടില്‍ ഒരു സിംഗിള്‍ സൈസിലും പിന്നില്‍ രണ്ട് ഓപ്ഷനുകളിലും വരുന്നു.

മുന്‍വശത്തെ 120/70 യൂണിറ്റിന് 12,999 രൂപയാണ് വില. പിന്നിലെ 160/60 സൈസിന് 14,999 രൂപയും 180/55 സൈസിന് 16,999 രൂപയുമാണ് വില. ടിവിഎസ് യൂറോഗ്രിപ്പിന്റെ മധുരയിലെ അത്യാധുനിക ഫാക്ടറിയിലാണ് റോഡ്ഹൗണ്ട് പെര്‍ഫോമന്‍സ് ടയറുകള്‍ നിര്‍മിക്കുന്നത്. റബ്ബറിന്റെ മെല്‍ട്ടിംഗ് മുതല്‍ അവ ട്രെഡോട് കൂടിയ ടയര്‍ രൂപത്തിലാകുന്നത് വരെയുള്ള മുഴുവന്‍ ഉല്‍പാദന പ്രക്രിയയും ഞങ്ങള്‍ക്ക് കാണാന്‍ കഴിഞ്ഞു.

തൊട്ടടുത്ത ദിവസം പുതിയ റോഡ്ഹൗണ്ട് ടയറുകള്‍ സജ്ജീകരിച്ച ബൈക്കുകളുടെ ഒരു നിരയുമായി ഞങ്ങള്‍ കോയമ്പത്തൂരിലെ കാരി മോട്ടോര്‍ സ്പീഡ്‌വേയില്‍ എത്തി. ബെനെല്ലിയുടെ ലിയോണ്‍സിനോ, TRK 502, കവസാക്കി നിഞ്ച 650, Z650, ഹോണ്ട CBR 650F, ഹാര്‍ലി ഡേവിഡ്‌സണ്‍ സ്ട്രീറ്റ്‌റോഡ് എന്നീ ബൈക്കുകളായിരുന്നു ട്രാക്കിലെത്തിച്ചത്. ബൈക്കുകള്‍ മാറി ഓടിച്ചെങ്കിലും റോഡ്ഹൗണ്ട്‌സ് ടയറുകളുടെ പെര്‍ഫോമന്‍സില്‍ ഒരു മാറ്റവുമുണ്ടായില്ല.

ടയറുകള്‍ വേഗത്തില്‍ താപം ആഗിരണം ചെയ്യുകയുമ ഓരോ ബൈക്കിലും ഞങ്ങള്‍ ട്രാക്കിലുണ്ടായിരുന്ന സമയമത്രയും ഒപ്റ്റിമല്‍ സോണില്‍ തുടരുകയും ചെയ്തു. റോഡ്ഹൗണ്ട്‌സ് തുടക്കം മുതല്‍ തന്നെ മികച്ച ഗ്രിപ്പ് നല്‍കി. സൂപ്പര്‍-സ്റ്റിക്കി കോമ്പൗണ്ട് മിക്‌സ് ആത്മവിശ്വാസത്തോടെ കോര്‍ണറിംഗ് ചെയ്യാന്‍ അനുവദിച്ചു. കോര്‍ണറിംഗ് ചെയ്യുമ്പോള്‍ സ്ലിപ്പിംഗോ കാര്യങ്ങളോ ഒന്നും അനുഭവപ്പെടുന്നുണ്ടായിരുന്നില്ല. കോര്‍ണുകള്‍ക്കിടയിലെ പരിവര്‍ത്തനം എളുപ്പമായിരുന്നു.

ടയറുകളുടെ എക്സ്റ്റന്റഡ് ഷോര്‍ഡറുകള്‍ വശങ്ങളിലേക്കുള്ള മാറ്റം സുഗമമാക്കി. റോഡ്ഹൗണ്ട് ഘടിപ്പിച്ച മോട്ടോര്‍സൈക്കിളുകള്‍ ബ്രേക്കിംഗിലും മികച്ച് നില്‍ക്കുന്നു. ട്രെയില്‍ ബ്രേക്കിംഗ് സമയത്ത് പോലും റോഡ്ഹൗണ്ട് പരാതികള്‍ക്ക് ഇടനല്‍കാതെ ലോഡ് എടുത്തു. ചെരിക്കുന്ന വേളയില്‍ പോലും അഗ്രസീവ് ത്രോട്ട്ലിംഗ് റോഡ്ഹൗണ്ട് സാധ്യമാക്കി. സ്ലോ-സ്പീഡ് കോര്‍ണറുകളില്‍ ത്രോട്ടില്‍ തൊടുത്തപ്പോള്‍ പോലും ടയറുകള്‍ ടാര്‍മാക്കില്‍ ഒട്ടിനിന്നു.

നിരന്ന ട്രാക്കില്‍ വേഗത കൈവരിക്കുമ്പോള്‍ റോഡ്ഹൗണ്ട്‌സ് സ്ഥിരത നിലനിര്‍ത്താന്‍ മതിയായ ഗ്രിപ്പ് നല്‍കി. ടിവിഎസ് യൂറോഗ്രിപ്പില്‍ നിന്നുള്ള റോഡ്ഹൗണ്ട് ടയറുകള്‍ പെര്‍ഫോമന്‍സ് ടയറുകളിലേക്കുള്ള മാറ്റത്തിലേക്കുള്ള മാറ്റം എളുപ്പത്തില്‍ സാധ്യമാക്കുന്നു. പരിമിതമായ സമയത്തിനുള്ളിലും റോഡ്ഹൗണ്ട് ടയറുകള്‍ ഘടിപ്പിച്ച ഒന്നിലധികം മോട്ടോര്‍സൈക്കിളുകള്‍ ഞങ്ങള്‍ കാരി മോട്ടോര്‍ സ്പീഡ്‌വേയില്‍ ഓടിച്ചപ്പോഴും അവ ട്രാക്കില്‍ വളരെ മികച്ച പ്രകടനം നടത്തിയതായി ഞങ്ങള്‍ക്ക് പറയാന്‍ സാധിക്കും.

റോഡ്ഹൗണ്ട്‌സ് വേഗത്തില്‍ ചൂട് ആഗിരണം ചെയ്യുകയും മതിയായ ഗ്രിപ്പ് നല്‍കുകയും ചെയ്തതിനാല്‍ ട്രാക്ക് നന്നായി ആസ്വദിക്കാന്‍ സാധിച്ചു. എന്നിരുന്നാലും ടിവിഎസ് യൂറോഗ്രിപ്പില്‍ നിന്നുള്ള പുതിയ റോഡ്ഹൗണ്ട് ടയറുകളുടെ ഈടിനെ കുറിച്ചും സാധാരണ റോഡുകളിലെ പെര്‍ഫോമന്‍സിനെ കുറിച്ചും പറയാന്‍ ഞങ്ങള്‍ക്ക് അല്‍പ്പം കൂടി സമയം ആവശ്യമാണ്.