മെഴ്സിസിഡസ് പുതിയ സി ക്ലാസ് വിപണിയില്‍

ഇന്ത്യന്‍ വിപണിയില്‍ ലഭ്യമായ ഏറ്റവും വിലകുറഞ്ഞ മെഴ്സിഡന്‍മാരാണ് സി ക്ലാസ്സുകാര്‍. പ്രസ്തുത സെഗ്മെന്‍റില്‍ തങ്ങള്‍ തന്നെയാണ് വിപണി നയിക്കുന്നചതെന്ന് മെഴ്സിഡസ് ബെന്‍സ് ഇന്ത്യ ഡയറക്ടര്‍ ദേബാശിസ് മിത്ര അവകാശം പറയുന്നു. മുന്‍ പതിപ്പ് മാസം തോറും 200 എണ്ണം വെച്ച് വിറ്റു പോയിരുന്നു. ഇത് 250-300 എന്ന നിലയിലേക്കെത്തിക്കാന്‍ പുതിയ സി ക്ലാസ് മെഴ്സിഡന്‍ സഹായിക്കുമെന്ന് കമ്പനിക്ക് പ്രതീക്ഷയുണ്ട്.

ഇന്ത്യയില്‍ ഏറ്റവുമധികം വിറ്റുപോകുന്ന മെഴ്സിഡസ് മോഡല്‍, സി ക്ലാസ്സാണ്. മെഴ്സിഡസ്സിന്‍റെ വിപണി പിടിത്തത്തിന്‍റെ 40-45 ശതമാനവും സി ക്ലാസ്സിന്‍റെ സംഭാവനയാണ്. ആഡംബരക്കാറുകളുടെ വിപണി അസാധ്യമായി വളരുന്നത് മെഴ്സിഡസ് സി ക്ലാസ്സിന്‍റെ വില്‍പന ഇരട്ടിയിലധികമാക്കി മാറ്റിയിട്ടുണ്ട്. 3,991 യൂണിറ്റുകളാണ് ഈ വര്‍ഷം ഇതേവരെ വിറ്റഴിഞ്ഞത്. കഴിഞ്ഞ വര്‍ഷമിത് 1,639 യൂണിറ്റുകളായിരുന്നു.

25-30 വയസ്സിനുള്ളില്‍ പ്രായമുള്ള യുവാക്കളെയാണ് മെഴ്സിഡസ് സി ക്ലാസ് ലക്ഷ്യം വെയ്ക്കുന്നത്.