Click it and Unblock the Notifications
ഗള്ഫില് ആഡംബരക്കാറുകള്ക്ക് റെക്കോര്ഡ് വില്പന
ആഡംബരക്കാറുകള് വാങ്ങുന്നതില് ഈ വര്ഷം റെക്കോര്ഡ് മുന്നേറ്റമാണ് ഗള്ഫ് മേഖല നടത്തുന്നത്. നടപ്പ് വര്ഷം 20 ശതമാനത്തിലധികം വളര്ച്ച ഗള്ഫ് രേഖപ്പെടുത്തുമെന്ന് ഇപ്പോഴത്തെ കണക്കുകള് കാണിക്കുന്നു. കഴിഞ്ഞ വര്ഷം 9.7 ശതമാനമായിരുന്നു ഗള്ഫ് ആഡംബരക്കാര് വിപണിയുടെ വളര്ച്ച.
2010 മുതല് 2015 വരെയുള്ള വര്ഷങ്ങളില് ഗള്ഫ് മേഖലയുടെ ആഡംബരക്കാര് ഭ്രമത്തിന്റെ സൂചിക കുത്തനെ ഉയരുമെന്നു തന്നെയാണ് കാര് നിര്മാതാക്കള് കണക്കാക്കുന്നത്. ഗള്ഫിന്റെ ഈ ഭ്രാന്തമായ ആവേശത്തിനു പിന്നില് ഒരു ഈഗോ വിഷയമുണ്ടെന്ന് വെസ്റ്റ് ഏഷ്യ റിസര്ച്ചിന്റെ ഡയറക്ടര് പ്യൂര്ല്യുഗി ബെല്ലിനി ചൂണ്ടിക്കാട്ടുന്നു. യൂറോപ്യന്മാരെയും അമേരിക്കയെയും എല്ലാത്തരത്തിലും കടത്തിവെട്ടുക എന്ന അറബിയുടെ ആവേശമാണ് ഈ കാര് ഭ്രമത്തിനു പിന്നില്.
സാമ്പത്തികക്കുഴപ്പങ്ങള്ക്കിടയിലും തങ്ങളെ പിടിച്ചുനില്ക്കാന് സഹായിച്ചത് യു എ ഇയുടെ സഹായമാണെന്ന് മസെരാട്ടിയുടെ മിഡില് ഈസ്റ്റ് ഡയറക്ടര് ഉംബര്ട്ടോ മരിയ സിനി പറയുന്നു. നടപ്പ് വര്ഷത്തിന്റെ ബാക്കി തങ്ങള്ക്ക് 10 ശതമാനത്തിന്റെ വളര്ച്ച നല്കുമെന്നാണ് ഫിയറ്റ് പ്രവചിക്കുന്നത്.
പോഷെയുടെ കായേന് എസ് യു വിക്കായി ഒരു മൂന്നു മാസം കൂടി കാത്തിരിക്കാന് കമ്പനി ആവശ്യപ്പെടുന്നു. ഇതു കൂടാതെ 911 സ്പോര്ട്സ് കാറും ഗള്ഫ് വിപണിയില് അടുത്ത ആറേഴു മാസങ്ങള്ക്കുള്ളില് എത്തിച്ചേരും.
Continue with Google