Click it and Unblock the Notifications
ഡ്രൈവിംഗ് ലൈസന്സ് കോളജ് നല്കും!
ഇതുവഴി ജില്ലാ ഭരണാധികാരികള് ചിലത് ലക്ഷ്യം വെക്കുന്നുണ്ട്. ഒന്നാമതായി ആര് ടി ഒ ഓഫീസിലെ തിരക്ക് കുറയ്ക്കുക എന്നതു തന്നെ. രണ്ടാമത്തെ കാര്യം കൈക്കൂലിയാണ്. കൈക്കൂലി കണ്ടുപിടിച്ചത് രാജ്യത്തെ ആര് ടി ഒ ഓഫീസുകളാണെന്നത് എല്ലാവര്ക്കും അറിവുള്ള കാര്യമാണല്ലോ. ഇതില് ഒരു ചുരുങ്ങിയ ശതമാനമെങ്കിലും കുറവു വരുത്താന് പുതിയ നടപടിക്കാവും എന്നാണ് പ്രതീക്ഷ. അത് രാജ്യത്തിന്റെ സാമ്പത്തിക വളര്ച്ച ഇരട്ട സംഖ്യയിലെത്തിക്കുന്ന പ്രക്രിയയ്ക്ക് ആക്കം കൂട്ടുകയും ചെയ്യും! ആര് ടി ഒ നന്നായാല് നാട് നന്നായി എന്നാണല്ലോ.
കോളജുകളില് ലൈസന്സ് നല്കാനുള്ള ഓഫീസ് ജോലികള് മിക്കതും നടക്കും. ടെസ്റ്റ് നടത്തലും മറ്റും ആര് ടി ഒ ഓഫീസുകള് നേരിട്ടുതന്നെ നടത്തുകയാണ് ചെയ്യുക. സര്ക്കാര് കോളജുകളില് പ്രിന്സിപ്പല്മാര്ക്ക് നേരിട്ട് കാര്യങ്ങള് ചെയ്യാനുള്ള അധികാരം ഉണ്ടായിരിക്കും. സ്വകാര്യ കോളജ് പ്രിന്സിപ്പല്മാര് അപേക്ഷയും ഫീസുമെല്ലാം ശേഖരിച്ച് ആര് ടി ഒ ഓഫീസിലെത്തിക്കണം. 30 രൂപയാണ് ഇരുചക്ര ലൈസന്സിന് വിദ്യാര്ത്ഥികള് ഒടുക്കേണ്ട ഫീസ്. നാലുചക്രമാവുമ്പോള് 60 രൂപയും.
"പോയി നാലക്ഷരം പഠിച്ച് ഒരു ഡ്രൈവിംഗ് ലൈസന്സെങ്കിലും സമ്പാദിച്ചു വാടാ" എന്ന് ലുധിയാനയിലെ പിതാക്കന്മാര്ക്ക് ഇനി മക്കളോട് പറയാം.
Continue with Google