Click it and Unblock the Notifications
മാരുതി മനെസര് പ്ലാന്റ് വീണ്ടും പുകയുന്നു
കഴിഞ്ഞ മാസം മനെസര് പ്ലാന്റില് നടന്ന സമരം 13 ദിവത്തോളം നീണ്ടു നിന്നിരുന്നു. പുറത്താക്കിയ തൊഴിലാളികളെ തിരിച്ചെടുക്കാമെന്ന വ്യവസ്ഥയില് തൊഴിലാളികള്ക്ക് അന്ന് സമരം അവസാനിപ്പിക്കേണ്ടി വരികയായിരുന്നു. മാരുതിയില് ഒരു തൊഴിലാളി യൂണിയന് മാത്രമേ അംഗീകരിക്കൂ എന്ന പിടിവാശിയിലാണ് കമ്പനി. എന്നാല് മാരുതി കാംകര് സംഘടന മനെസര് പ്ലാന്റിലെ തൊഴിലാളികളെ യഥാര്ത്ഥത്തില് പ്രതിനിധീകരിക്കുന്നില്ലെന്നതാണ് തൊഴിലാളികളുടെ നിലപാട്.
മനെസര് പ്ലാന്റിലെ തൊഴിലാളികളുടെ സംഘടനയായ എം എസ് ഇ യു നിലവിലുള്ളപ്പോള് മറ്റൊരു തൊഴിലാളി യൂണിയന് തെരഞ്ഞെടുപ്പില് പങ്കെടുക്കേണ്ട ആവശ്യകത ഇല്ലെന്നും അവര് വാദിക്കുന്നു.
കഴിഞ്ഞ മാസം നടന്ന സമരം മാരുതി സുസുക്കിയെ കാര്യമായി ബാധിച്ചിട്ടുണ്ട്. ഏതാണ്ട് 16,000 യൂണിറ്റിന്റെ ഉല്പാദന നഷ്ടം സംഭവിച്ചത് ഇപ്പോഴും കമ്പനിയുടെ വിതരണ ശൃംഖലയെ അലട്ടുകയാണ്. ചില മോഡലുകളുടെ കാത്തിരിപ്പുസമയം ഇപ്പോള് നാലുമാസത്തില് കൂടുതലാണ്.
എന്നാല് മാരുതിയുടെ മനെസര്, ഗുഡ്ഗാവ് പ്ലാന്റുകള് ഒരേ കമ്പനിയുടേതാണെന്നും അതില് രണ്ട് യൂണിയനുകള് അനുവദിക്കേണ്ട കാര്യമില്ലെന്നും മാരുതി സുസുക്കി ചെയര്മാന് ആര് സി ഭാര്ഗ്ഗവ അറിയിച്ചു. കൂടാതെ യൂണിയന് തെരഞ്ഞെടുപ്പില് കമ്പനിയിക്ക് യാതൊരു പങ്കാളിത്തവുമില്ലെന്നും അദ്ദേഹം പറഞ്ഞു.
Continue with Google