Click it and Unblock the Notifications
മാരുതി വിപണി ഓഹരിയില് തകര്ച്ച
കടുത്ത മത്സരം നടക്കുന്ന കോംപാക്ട് സെഗ്മെന്റില് ഏഴ് കാറുകളാണ് മാരുതിക്കുള്ളത്. ഇവയില് ആള്ട്ടോ മാത്രമാണ് സ്ഥിരതയുള്ള പ്രകടനം കാഴ്ച വെച്ചത്. മാരുതിയുടെ വാഗണ്ആര് 2010-11ല് 10.55 ശതമാനം വിപണിയാണ് പിടിച്ചത്. 2009-10ല് 12.15 ശതമാനമുണ്ടായിരുന്നതില് നിന്നാണ് വിപണി ഓഹരി ഈ നിലയിലേക്ക് കുറഞ്ഞതെന്ന് കണക്കുകള് കാണിക്കുന്നു.
കോംപാക്ട് സെഗ്മെന്റില് മാരുതിയുടെ ആള്ട്ടോ, വാഗണ്ആര്, സ്വിഫ്റ്റ് ഹ്യൂണ്ടായിയുടെ സാന്ട്രോ, ഐ10, ഐ20 ടാറ്റയുടെ ഇന്ഡിക, ജനറല് മോട്ടോഴ്സിന്റെ ഇന്ഡിക എന്നിവ ചേര്ന്ന് മൊത്തം വിപണിയുടെ 73 ശതമാനം പങ്കിടുന്നുണ്ട്.
2009-10ല് മാരുതി എ സ്റ്റാറിന്റെ വിപണി ഓഹരിയായിരുന്ന 2.70 തൊട്ടടുത്ത സാമ്പത്തികവര്ഷം 2.39 ശതമാനമായി കുറഞ്ഞു. സെന് എസ്റ്റില്ലോയുടേത് 3.49 ശതമാനത്തില് നിന്ന് 3.38 ശതമാനത്തിലേക്ക് താഴ്ന്നു. സ്വിഫ്റ്റ് 9.74 എന്ന നിലയില് നിന്ന് 9.11 എന്ന നിലയിലേക്കാണ് 2010-11ല് എത്തിച്ചേര്ന്നത്. 5.29 ശതമാനത്തില് നിന്ന് 4.45 ശതമാനത്തിലേക്ക് എന്നതാണ് റിറ്റ്സിന്റെ മാര്ക്കറ്റ് നില.
Continue with Google