Click it and Unblock the Notifications
ദീപാവലിയോടെ ശരിയാകുമെന്ന് മാരുതി
മനെസര് പ്ലാന്റിലെ സമരം സമ്മാനിച്ചത് 16,000 യൂണിറ്റിന്റെ ഉല്പാദന നഷ്ടമാണ്. ഇത് നിസ്സാരമാണെന്ന് സുസുക്കി അവകാശപ്പെടുന്നുണ്ടെങ്കിലും വണ്ടി ബുക്ക് ചെയ്ത് കാത്തിരിക്കുന്നവര്ക്ക് അതത്ര നിസ്സാരമാണെന്ന് തോന്നുന്നില്ല എന്നതാണ് സത്യം. ഇങ്ങനെ സൃഷ്ടിക്കപ്പെട്ട വാക്വം ഏരിയയിലേക്ക് മറ്റ് ചില കമ്പനികള് തങ്ങളുടെ മോഡലുകള് അടിച്ചുകയറ്റി തീക്കൊടുക്കുകയും ചെയ്യുന്നു.
കഴിഞ്ഞ മാസത്തെ കണക്കുകള് വ്യക്തമാക്കുന്നത് മാരുതിയുടെ വില്പനയില് 8,000 യൂണിറ്റിന്റെ കുറവ് ഉണ്ടായെന്നാണ്. 80,298 മോഡലുകളാണ് ജൂണില് വിറ്റഴിച്ചത്. കഴിഞ്ഞ വര്ഷം ജൂണില് അത് 86,298 മോഡലുകള് ആയിരുന്നു.
എന്നാല് ഇത് മാരുതിക്ക് മാത്രം സംഭവിച്ചതല്ലെന്നും എണ്ണവില ഉയര്ന്നതിനാല് എല്ലാ കാര് കമ്പനികളും പ്രതിസന്ധിയിലാണെന്നുമാണ് മാരുതിയുടെ ആര് സി ഭാര്ഗ്ഗവ അവകാശപ്പെടുന്നത്. ഉയര്ന്ന പലിശ നിരക്കും പ്രശ്നമുണ്ടാക്കുന്നു.
ഇതിനിടെ മാരുതി സുസുക്കിയുടെ നിലവിലെ സ്വിഫ്റ്റ് മോഡല് നിര്മാണം നിറുത്തി വെച്ചിരിക്കുകയാണ്. പുതിയ സ്വിഫ്റ്റ് നിര്മാണം പൂര്ത്തിയാക്കി ആഗസ്റ്റ് മാസത്തില് വിപണിയിലെത്തും.
എല്ലാം ദീപാവലിയോടെ ശരിയാകും എന്നാണ് മാരുതി നല്കുന്ന വാഗ്ദാനം. മാരുതിയുടെ കാര് തന്നെ വേണം എന്ന് വാശിയുള്ളവര് ദീപാവലിയോളം കാത്തിരിക്കണം എന്നും ഇതിനെ വായിച്ചെടുക്കാം.
Continue with Google