നാനോയുടെ മുഖം മിനുക്കുന്നു

കഴിഞ്ഞ വര്‍ഷത്തെ ദില്ലി ഓട്ടോ എക്സ്പോയില്‍ ഒരു മൈക്രോ-ഹൈബ്രിഡ് നാനോ പ്രദര്‍ശിപ്പിച്ചിരുന്നു. നാനോയുടെ ഈ വേരിയന്‍റ് ഉടന്‍ തന്നെ നിരത്തിലിറക്കുമെന്നും റിപ്പോര്‍ട്ടുകള്‍ വ്യക്തമാക്കുന്നു.

ബ്രിട്ടിഷ് കമ്പനിയായ ബോഷ് തങ്ങളുടെ പുതിയ സാങ്കേതികത ഉപയോഗിച്ച് വികസിപ്പിക്കുന്ന നാനോ ഡീസല്‍ എന്‍ജിന് 40 കിലോമീറ്റര്‍ മൈലേജ് ലഭിക്കുമെന്നാണ് അനൗദ്യോഗികമായി ലഭിക്കുന്ന വിവരം. ഇത് ഇന്ത്യന്‍ കാര്‍ മേഖലയില്‍ ഒരു വിപ്ലവം തന്നെ തീര്‍ക്കാന്‍ പോന്ന ഒന്നാണ്. സാര്‍ക്ക് രാജ്യങ്ങളില്‍ മുഴുവന്‍ നാനോയുടെ വിജയഗാഥ ആവര്‍ത്തിക്കാനുള്ള ടാറ്റയുടെ ശ്രമങ്ങള്‍ക്ക് ഈ എന്‍ജിന്‍ ഒരു തുറുപ്പുചീട്ടായി മാറും എന്നുറപ്പ്.