മനെസര്‍ പ്ലാന്‍റില്‍ മിന്നല്‍ പണിമുടക്ക്

ഒരു സൂപ്പര്‍വൈസറെ കഴിഞ്ഞ ദിവസം നാല് തൊഴിലാളികല്‍ ചേര്‍ന്ന് ആക്രമിച്ചതിന്‍റെ ശിക്ഷാ നടപടിയായിട്ടാണ് അവരെ സസ്പെന്‍ഡ് ചെയ്തതെന്ന് കമ്പനി പ്രതിനിധികള്‍ അറിയിച്ചു. ഇത്തവണ സമരത്തിലേര്‍പ്പെട്ട തൊഴിലാളികളുടെ എണ്ണം വളരെ കുറവായിരുന്നെന്നും മാരുതി അവകാശപ്പെട്ടു.

കഴിഞ്ഞ മാസം മനെസര്‍ പ്ലാന്‍റില്‍ നടന്ന 13 ദിവസത്തെ തൊഴിലാളി സമരം ദേശീയ ശ്രദ്ധ പിടിട്ടു പറ്റിയിരുന്നു. ഏതാണ് 16,000 യൂണിറ്റിന്‍റെ ഉല്‍പാദന നഷ്ടമാണ് അന്ന് കമ്പനിക്കുണ്ടായത്. ഇതിന്‍റെ പ്രത്യാഘാതങ്ങളില്‍ നിന്ന് കമ്പനി ഇനിയും മോചിക്കപ്പെട്ടിട്ടില്ല. മനെസര്‍ പ്ലാ‍ന്‍റിന് പ്രത്യേകമായി ഒരു തൊഴിലാളി യൂണിയന്‍ അനുവദിക്കണമെന്നായിരുന്നു അന്ന് തൊഴിലാളികള്‍ ആവശ്യപ്പെട്ടത്. അത് അനുവദിക്കുകയുണ്ടായില്ല.

മാരുതിയുടെ അംഗീകൃത തൊഴിലാളി യൂണിയന്‍ നടത്തുന്ന തെരഞ്ഞെടുപ്പില്‍ നിന്ന് മനെസര്‍ പ്ലാന്‍റിലെ തൊഴിലാളികള്‍ മാറിനില്‍ക്കുമെന്ന് കമ്പനിയെ തൊഴിലാളികള്‍ അറിയിച്ചിരുന്നു.