Click it and Unblock the Notifications
കാര് വിപണിയില് വിലക്കുറവിന്റെ മഹാമേള
കഴിഞ്ഞ മാസം വിപണിയില് കണ്ടത് രണ്ട് വര്ഷത്തിനിടെയുണ്ടായ ഏറ്റവും വലിയ തിരിച്ചടിയാണ്. കാര് വിപണിയിലെ വമ്പന്മാരുടെയെല്ലാം അടപ്പ് ഊരിത്തെറിച്ചു. കാര് വില്പന കുത്തനെ ഇടിഞ്ഞു. ഒരേ കാര് നിരന്തരമായി തുടച്ച് വൃത്തിയാക്കി ഷോറൂം ബോയികള്ക്കു പോലും ബോറടിച്ചു തുടങ്ങി.
കാര് വില്പന മുറുകുന്നില്ലെങ്കിലും കാര് കമ്പനികളുടെ സമര തന്ത്രങ്ങള് മുറുകുകയാണ്. വിലകുറയ്ക്കുക എന്ന ലളിത സമവാക്യം തന്നെയാണ് കമ്പനികള് പയറ്റുന്നത്.
ജൂലായില് ഹോണ്ട സീല് തങ്ങളുടെ സുപ്രധാന മോഡലായ സിറ്റിക്ക് 66,000 കണ്ട് വില കുറച്ച് ഞെട്ടിച്ചിരുന്നു. ഇനിയങ്ങനെ അപ്രതീക്ഷിത ഞെട്ടിക്കല് നടപടിക്ക് ഹോണ്ട തയ്യാറല്ല. വില കുറച്ചതിനു ശേഷം വിപണിയിലിറക്കിയാല് എന്താ കുഴപ്പം എന്നാണ് കമ്പനി ചോദിക്കുന്നത്. ഈ മാസം 18-ന് നിരത്തിലിറങ്ങാനിരിക്കുന്ന പുതിയ ജാസ്സിന് ജന്മനാ തന്നെ ഒരു ലക്ഷം രൂപ കുറവായിരിക്കും. നിലവില് ഏഴ് ലക്ഷം രൂപ വിലയുള്ള ജാസ്സിന്റെ പുതുക്കിയ മോഡല് ആറ് ലക്ഷത്തിനാണ് ഇനി വില്ക്കുക.
നിരവധി പുതിയ സവിശേഷതകളുമായിട്ടാണ് സ്വിഫ്റ്റിന്റെ ഫേസ്ലിഫ്റ്റ് നിരത്തിലെത്താന് പോകുന്നത്. തുടക്കത്തില്, ഒരല്പം വിലക്കൂടുതല് പ്രതീക്ഷിച്ചിരുന്നെങ്കിലും വിലയില് കാര്യമായ മാറ്റം ഉണ്ടാകില്ലെന്നാണ് പുതിയ വാര്ത്ത. സമാനമായ സവിശേഷതകളോടെ വിപണിയിലുള്ള പോളോ, ഐ 20 തുടങ്ങിയ താരങ്ങളുമായി ഹാച്ച്ബാക്ക് വിപണിയില് ഏറ്റുമുട്ടണമെങ്കില് മാരുതിക്കു പോലും ഇച്ചിരി അഡ്ജസ്റ്റ് ചെയ്യാതെ തരമില്ല എന്നതാണ് സത്യം.
ഇനിവരും നാളുകളില് വില്പനയുടെ താളം ഭദ്രമായി നിലനിര്ത്തണമെങ്കില് കൂടുതല് ഡിസ്കൗണ്ടുകളുമായി കമ്പനികള് രംഗത്തു വരേണ്ടി വരും എന്ന് വിദഗ്ധര് ചൂണ്ടിക്കാട്ടുന്നു. സുസുക്കി, ഹോണ്ട, ടൊയോട്ട എന്നീ ജാപ്പനീസ് കമ്പനികള്ക്ക് നിലവിലെ ഡിസകൗണ്ട് മത്സരത്തില് കൂടുതല് ശക്തമായി ഇടപെടേണ്ടി വരുന്നതിന് മറ്റൊരു കാരണം കുടിയുണ്ട്. സുനാമിയും ഭൂകമ്പവും മുലം തകര്ന്നു പോയ തങ്ങളുടെ വിപണിയെ പിടിച്ചുനിര്ത്തുക എന്ന ലക്ഷ്യം കൂടി അവര്ക്കുണ്ട്.
Continue with Google