Click it and Unblock the Notifications
സൗരോര്ജ്ജ കാറുമായി ഫോര്ഡ്
ഈ പ്രശ്നത്തിനുള്ള ഒരു പരിഹാരമാണ് സോളാര് കാറുകളെന്നു പറയാം. നമ്മള് കാറില് യാത്ര പോകുമ്പോള് സൈക്കിളും ചട്ടിയും കലവുമെല്ലാം കയറ്റി വെക്കാന് ഉപയോഗിക്കുന്ന ആ സ്ഥലമില്ലേ? കാറിന്റെ മുകള്ഭാഗം? അത് ഒഴിച്ചിടേണ്ടി വരും എന്നുമാത്രം.
ഫോര്ഡ് മോട്ടോഴ്സ് തങ്ങളുടെ പുതിയ ഹൈബ്രിഡ് കാറിന്റെ പ്രഖ്യാപനം നടത്തിക്കഴിഞ്ഞു. അമേരിക്കയിലാണ് ഫോര്ഡ് ഈ വാഹനം ആദ്യമായി ഇറക്കുക. പരീക്ഷണാര്ത്ഥമാണ് സംഗതി. ഹൈബ്രിഡ്, എമിഷന് ഫ്രീ എന്നെല്ലാം കേട്ടാല് അമേരിക്കക്കാരന് ഉടന് പോയി വാങ്ങിക്കോളും. പരീക്ഷണങ്ങളേറ്റു വാങ്ങാന് അമേരിക്കക്കാരന്റെ ജീവിതം ഇനിയും ബാക്കി!
സോളാര് പാനല് ഉപയോഗിച്ച് ലഭ്യമാക്കുന്ന ഊര്ജ്ജം കൊണ്ട് മാസത്തില് 1600 കിമി ഓടാം എന്നാണ് അറിയാന് കഴിയുന്നത്. നഗരങ്ങളിലെ ചെറിയ ദൂരങ്ങള്ക്ക് എന്തുകൊണ്ടും യോജിച്ച വണ്ടിയാണിതെന്നത് കട്ടായം. ഭാസ്കരകിരണങ്ങള് നിങ്ങളുടെ പ്രദേശത്തെ അനുഗ്രഹിക്കാത്ത ആ ശാപം പിടിച്ച കറുത്ത ദിനങ്ങളെ ഓര്ത്ത് വിലപിക്കേണ്ട കാര്യമില്ല. അത്തരം സമയങ്ങളില് ഇലക്ട്രിസിറ്റി മോഷ്ടിച്ച് വണ്ടിയില് കയറ്റാന് ഫോര്ഡ് അനുവദിക്കുന്നു.
2009-ല് ഇത്തരമൊരു വാഹനം ടൊയോട്ട അവതരിപ്പിച്ചിരുന്നു. പ്രയസ് എന്നു പേര്. എന്നാലിത് എന്ജിന് പ്രവര്ത്തനങ്ങളെ നേരിട്ട് സഹായിക്കുന്നില്ല. എന്ജിനെ പിന്തുണയ്ക്കുന്ന മറ്റ് പ്രവര്ത്തനങ്ങള്ക്കായി മാത്രമാണ് സൗരോര്ജ്ജം ഉപയോഗിക്കുന്നത്. ഫോര്ഡിന്റെ കാര് മുഴുവനായും സൗരോര്ജ്ജത്തില് പ്രവര്ത്തിപ്പിക്കാം. 1990-കളില് മസ്ദയാണ് സോളാര് ആശയം ആദ്യമായി വിപണിയില് അവതരിപ്പിക്കുന്നത്.
Continue with Google