സ്വിഫ്റ്റ് കാത്തിരിപ്പ് കൂടും?

ഈ മാസം 24-നാണ് രണ്ടാമത്തെ പ്രശ്നം ഉടലെടുത്തത്. ദിവസം 1230 കാറുകളുടെ ടാര്‍ഗറ്റ് കണ്ടിരുന്നെങ്കിലും ഗുണനിലവാര പരിശോധന പാസ്സായത് 96 യൂണിറ്റുകള്‍ മാത്രമാണ്. ഇത് തൊഴിലാളികള്‍ മനപ്പൂര്‍വം ചെയ്തതാണെന്ന് മാനേജ്‍മെന്‍റും അതല്ല, മാനേജ്മെന്‍റ് ചില സൂപ്പര്‍വൈസര്‍മാരുമായി ഒത്തുകളിച്ചതാണെന്ന് തൊഴിലാളികളും പറയുന്നു. ചുരുക്കിപ്പറഞ്ഞാല്‍ നിരത്തിലിറങ്ങേണ്ട വണ്ടികള്‍ പ്ലാന്‍റില്‍ നിന്ന് പുറത്തുവരുന്നില്ല എന്ന്.

പുതിയ സ്വിഫ്റ്റ്, സ്വിഫ്റ്റ് ഡിസൈര്‍, എസ് എക്സ് ഫോര്‍ എ സ്റ്റാര്‍ എന്നീ കാറുകളാണ് നിലവില്‍ പ്ലാന്‍റില്‍ നിന്ന് പുറത്തിറങ്ങുന്നത്. സ്വിഫ്റ്റിന് നിരത്തിലിറങ്ങുന്നതിനു മുമ്പുതന്നെ 40,000-ത്തിലധികം ബുക്കിംഗുണ്ടായിരുന്നു. പുതിയ സംഭവവികാസങ്ങളില്‍ നിന്ന് അനുമാനിക്കാവുന്നത് സ്വിഫ്റ്റിന്‍റെ കാത്തിരിപ്പുസമയം ഇനിയും വൈകുമെന്നാണ്.

സ്വിഫ്റ്റ് ഡിസൈര്‍ ഒരു മുഖം മിനുക്കലിന് അടുത്തുതന്നെ വിധേയമാകും. ഇക്കാരണത്താല്‍ ഡിസൈറിനെ ലിസ്റ്റില്‍ നിന്ന് തല്‍ക്കാലം മാറ്റിനിര്‍ത്താനാകും. എ സ്റ്റാര്‍ നിര്‍മാണം ഗുഡ്ഗാവ് പ്ലാന്‍റിലേക്ക് മാറ്റാനുള്ള പ്രവര്‍ത്തനങ്ങള്‍ നടന്നിരുന്നു. ഇത് സ്വിഫ്റ്റിന് ഇടമൊരുക്കുക എന്ന ഉദ്ദേശ്യത്തോടെയാണ്.