Click it and Unblock the Notifications
ബാര്ബര് ബാബുവിന്റെ റോള്സ് റോയ്സ്
ഒരു മുടിവെട്ടിന് 65 രൂപയാണ് രമേഷ് ബാബു ഈടാക്കുന്നത്. ബങ്കളുരുവിലാണ് രമേഷിന്റെ മുടിവെട്ടുകടയുള്ളത്.
അങ്ങനെയിരിക്കെ ബാബുവിനുള്ളില് ഒരു മോഹമുദിച്ചു. ഒരു റോള്സ് റോയ്സ് സ്വന്തമാക്കണം! പണ്ടാണെങ്കില് 'മുടിവെട്ടുകാരന്റെ ദിവാസ്വപ്നം' എന്ന് ഇതിനെ തള്ളിക്കളയാമായിരുന്നു. ബാബുവിന്റെ സ്വപ്നം അധികം താമസിക്കാതെ തന്നെ യാഥാര്ത്ഥ്യംമായി. മൂന്ന് കോടി രൂപ വിലയുള്ള റോള്സ് റോയ്സ് ഗോസ്റ്റ് ബാര്ബറുടെ ഗാരേജിലെത്തി.
ഇനി ബാബുവിനെക്കുറിച്ചു കുറച്ചു വിവരങ്ങള് കൂടി തരാം. കാര് വാടകയ്ക്ക് നല്കുന്ന ഒരു കമ്പനി ഇങ്ങോര്ക്ക് സ്വന്തമായുണ്ട്. 60ളം കാറുകള് അദ്ദേഹത്തിന്റെ തൊഴുത്തില് അയവെട്ടിക്കിടക്കുന്നു. ലോണെടുത്താണ് ബാബു റോള്സ് റോയ്സ് സ്വന്തമാക്കിയത്. മാസത്തില് ഏഴ് ലക്ഷമാണ് അടവ്. ഈ തുക കണ്ടെത്തുന്നത് റോള്സ് റോയ്സിന് നിന്നു തന്നെ. ബംങ്കളുരുവിലെത്തുന്ന പ്രമുഖ വ്യക്തികള്ക്ക് കാര് വാടകയ്ക്ക് നല്കുന്നു. 60,000 മുതല് ഒരു ലക്ഷം വരെയാണ് കാറിന് ദിവസ വാടക. രാഷ്ട്രീയക്കാര്, സിനിമാ താരങ്ങള് തുടങ്ങിയ വിവിധ മേഖലയിലെ പ്രമുഖര് ബൈബുവിന്റെ കാര് തേടിയെത്തുന്നു.
പത്താം ക്ലാസ് പഠനത്തിനു ശേഷമാണ് ബാബു മുടിവെട്ട് പഠിക്കാനിറങ്ങിയത്. അച്ഛന്റെ അകാലമരണമാണ് ബാബുവിനെ പഛനം തുടരാന് അനുവദിക്കാതിരുന്നത്. കുറച്ചു വര്ഷങ്ങള്ക്കകം ബങ്കളുരുവിലെ അറിയപ്പെടുന്ന ബ്യൂട്ടീഷ്യനായി ബാബു മാറി. ഇടക്കാലത്ത് കാര് റെന്റല് ബിസിനസ്സും തുടങ്ങി. മാരുതി ഓമ്നിയാണ് രമേഷ് ബാബു ആദ്യമായി വാടകയ്ക്ക് നല്കിയ കാര്.
Continue with Google