സുസുക്കി സ്വിഫ്റ്റ് സ്പോര്‍ട് ഫ്രാങ്ക്ഫര്‍ട്ടില്‍

17 ഇഞ്ച് ലൈറ്റ്വെയ്റ്റ് വീലുകള്‍, മെറ്റാലിക് ഗ്രേ പൂശിയ ഹെഡ്‍ലാമ്പുകള്‍, വലിപ്പമേറിയ ഫോഗ് ലാമ്പ് എന്നിവ പുറത്തുവന്നിട്ടുള്ള ചിത്രങ്ങളില്‍ നിന്ന് മനസ്സിലാക്കാവുന്ന മാറ്റങ്ങളാണ്. കൂടുതല്‍ വലിപ്പമുള്ള ഗ്രില്‍ ഡിസൈനിന് ഇത്തിരി രോഷത്തിന്‍റെ ചൂട് പകരുന്നു. അഞ്ച് ഡയലുകളുള്ള ഇന്‍സ്ട്രുമെന്‍റ് ക്ലസ്റ്റര്‍, പുതിയ സ്പോര്‍ട്സ് സീറ്റുകള്‍ എന്നിവ ഉള്ളിലടങ്ങിയിരിക്കുന്നു.

കാറിന്‍റെ മൊത്തം നീളം 3,890 എം എം ആകുന്നു. വീതി 1,695. 134 കുതിരശക്തിയാണ് എന്‍ജിനുള്ളത്. 160 എന്‍ എം ടോര്‍ക്കും ലഭിക്കും. 6 സ്പീഡ് ഗയര്‍ബോക്സാണ് കാറിനുള്ളത്. മുന്‍ പതിപ്പ് 5 സ്പീഡ് ട്രാന്‍സ്മിഷനായിരുന്നു. മുന്‍ പതിപ്പിന്‍റെ കുതിരശക്തിയും ടോര്‍ക്കും യഥാക്രമം 123, 147 എന്നിങ്ങനെയായിരുന്നു.

കരിമ്പുക നിര്‍ഗ്ഗമനത്തിന്‍റെ കാര്യത്തിലും മുന്‍ പതിപ്പിനെ അപേക്ഷിച്ച് ചെറിയ മുന്നേറ്റം നടത്തിയിട്ടുണ്ട്. മുന്‍ പതിപ്പില്‍ 165 ഗ്രാം പെര്‍ കിമി. ആയിരുന്നത് 147 ഗ്രാം പെര്‍ കിമി ആയി കുറഞ്ഞിട്ടുണ്ട്.ട്രാക്ഷന്‍ കണ്‍ട്രോള്‍. എബിഎസ്, 7 എയര്‍ബാഗുകള്‍ എന്നീ സുരക്ഷാ സംവിധാനങ്ങളുമുണ്ട്.