സ്വര്‍ണമുരുക്കിയോഴിച്ച് നാനോ

നാനോ മുഴുവനും സ്വര്‍ണം പൂശി പുറത്തെത്തിയപ്പോള്‍ അത്ഭുതമേ, ലക്ഷം രൂപയുടെ നാനോ 22 കോടിയുടെ മതിപ്പുള്ളതായി മാറി. ഇതിന് 80 കിലോയിലധികം സ്വര്‍ണം വേണ്ടി വന്നു. 15 കിലോയോളം വെള്ളിയും ഉരുക്കിയൊഴിച്ചു.

നാനോയുടെ എക്സ്റ്റീരിയര്‍ ഡിസൈനിനനുസരിച്ച് പാളികള്‍ തീര്‍ക്കുകയായിരുന്നു സ്വര്‍ണപ്പണിക്കാര്‍ ആദ്യം ചെയ്തത്. പിന്നീടവ ഓരോന്നായി വിളക്കിച്ചേര്‍ത്തു.

സ്വര്‍ണ നാനോ വില്‍ക്കാനുദ്ദേശിച്ച് നിര്‍മിച്ചതല്ല. ഇത് ടാറ്റ കമ്പനി സ്വന്തമാക്കും. നാനോയുടെ വില്‍പന വര്‍ധിപ്പിക്കുന്നതിനുള്ള പരിപാടികളില്‍ സ്വര്‍ണ നാനോയെക്കൂടി ഉള്‍പ്പെടുത്താനാണ് ടാറ്റയ്ക്ക് പരിപാടി.

സ്വര്‍ണക്കാര്‍ എന്നത് ഇതാദ്യത്തെ സംഭവമല്ല. അറേബ്യയിലെ ദുബായ് നഗരത്തില്‍ പണ്ടൊരു ഷെയ്ക്ക് മെഴ്സിഡസ് ബെന്‍സിന്‍റെ എസ് ക്ലാസ് ശുദ്ധമായ സ്വര്‍ണം പൂശിയെടുത്തിരുന്നു.