Click it and Unblock the Notifications
കാര്പ്രണയി ആഗ്രഹിക്കുന്നത് കരുത്തും പ്രകടനവും
ഡ്രൈവ്സ്പാര്ക്ക് ഡോട് കോം ഈയിടെ നടത്തിയ പോള് തെളിയിക്കുന്നത് വില-മൈലേജ്-സ്ഥല സൗകര്യം എന്ന മന്ത്രം ഇനിയധികം കാലം വിപണിയെ ഭരിക്കില്ലെന്നാണ്. സര്വേയില് പങ്കെടുത്ത ഭൂരിഭാഗം പേരും കരുത്തിനും പ്രകടനത്തിനുമാണ് മുന്തൂക്കം നല്കിയത്.
കാര് വാങ്ങുന്നതിന് പ്രധാനമായും പരിഗണിക്കുന്ന ഘടകങ്ങള് ഏതെല്ലാം എന്നതായിരുന്നു ചോദ്യം. വിലയും മൈലേജും, ഡിസൈന് സൗന്ദര്യം, കരുത്തും പ്രകടനവും, ഇന്റീരിയര് സ്പേസ് എന്നിവയായിരുന്നു തെരഞ്ഞെടുക്കാവുന്ന ഓപ്ഷനുകള്. പോളില് പ്രതികരിച്ച 51 ശതമാനം പേര് കരുത്തിനും പ്രകടനത്തിനുമാണ് പ്രാധാന്യം നല്കിയത്.
വിലയും മൈലേജും പുതിയ കാര് മോഹികളുടെ പരിഗണനയില് രണ്ടാം സ്ഥാനത്തുപോലും വരുന്നില്ലെന്നതാണ് രസകരമായ സംഗതി. രണ്ടാമതായി ആളുകള് തെരഞ്ഞെടുക്കുന്നത് ഡിസൈന് സൗന്ദര്യത്തെയാണ്. 23 ശതമാനം പേര് ഡിസൈന് സൗന്ദര്യത്തിന് വോട്ടുചെയ്തു.
21 ശതമാനം വോട്ടുകളാണ് മൈലേജ്-വില ഘടകത്തിന് ലഭിച്ചത്.
വിപണിയില് പെട്രോള് വില അന്തം വിട്ടുകയറുമ്പോള് മൈലേജ് ഒരു പ്രധാന ആശങ്ക തന്നെയാണ് കാര് വാങ്ങുന്നയാള്ക്ക്. എന്നിരിക്കിലും എന്ജിന് പ്രകടനം, കരുത്ത്, ഡിസൈന് സൗന്ദര്യം എന്നിവയില് വിട്ടുവീഴ്ച ചെയ്യുവാന് അവര് ഒരുക്കവുമല്ല. ഇതിനായി കൂടുതല് വില നല്കുവാന് പുതിയ കാലത്തെ കാര് പ്രണയി തയ്യാറാകുന്നു.
Continue with Google