Click it and Unblock the Notifications
കരിമ്പുകയില്ലാത്ത ലങ്ക
ഈ തീരുമാനം വന്നതോടെ ശ്രീലങ്കയില് ഹൈബ്രിഡ് കാറുകളുടെ ഇറക്കുമതി കൂടി. ശ്രീലങ്കയ്ക്ക് നേട്ടം 5.36 കോടി ലിറ്റര് ഇന്ധനമാണ് )പെട്രോളും ഡീസലും). ഇന്ത്യയില് ഫോസില് ഇന്ധന കാറുകള് ഇറക്കുമതി ചെയ്യുന്നതിനേക്കാള് നികുതിയാണ് ഹൈബ്രിഡ് കാറുകള്ക്ക് ചുമത്തി വരുന്നത്. 70 ശതമാനം മുതല് 100 ശതമാനം വരെ അധിക നികുതി ഈടാക്കുന്നു ഇത്തരം വാഹനങ്ങള്ക്ക് നമ്മുടെ സര്ക്കാര്. ഇക്കാരണത്താല് ഹൈബ്രിഡ് കാര് പദ്ധതികള് ഇന്ത്യയില് കൂടുതല് ശക്തമാക്കാന് രാജ്യത്ത് സാന്നിധ്യമുള്ള ആഗോള കാര് കമ്പനികള്ക്ക് കഴിയുന്നില്ല. ഇന്ത്യന് നിരത്തുകള്ക്കും മറ്റ് സാഹചര്യങ്ങള്ക്കും ഇണങ്ങുന്ന രീതിയില് മാറ്റങ്ങള് വരുത്തി കാറുകള് വിപണിയിലെത്തിച്ചാല് അവ വിറ്റുപോകുന്ന കാര്യം കഷ്ടമാണ്.
ശ്രീലങ്കയുടെ സാഹചര്യങ്ങല് ഇന്ത്യയുടേതില് നിന്ന് ഏറെ വ്യത്യസ്തമാണ്. ശ്രീലങ്കയുടെ വാഹന ആവശ്യങ്ങല് മിക്കതും നിറവേറപ്പെടുന്നത് ഇറക്കുമതിയിലൂടെയാണ്.
യൂറോപ്പ്, അമേരിക്ക തുടങ്ങിയ ഇടങ്ങളിലേതു പോലുള്ള കര്ശനമായ ഇന്ധന ചട്ടങ്ങള് കൊണ്ടുവരാന് ഇന്ത്യക്കുള്ള പ്രയാസം ഒന്നു മാത്രമാണ്. ഓട്ടോമൊബൈല് കമ്പനികളുടെ എതിര്പ്പ്. കഴിഞ്ഞ മെയ്മാസത്തില് ഫ്യൂവല് ഇക്കണോമി ചട്ടങ്ങള് സംബന്ധിച്ച് സര്ക്കാര് ചില മാര്ഗ്ഗനിര്ദ്ദേശങ്ങള് പുറപ്പെടുവിക്കാന് ശ്രമിച്ചുവെങ്കിലും അവ ഓട്ടോലോബിയുടെ ശക്തമായ എതിര്പ്പില് മുങ്ങിപ്പോകുകയായിരുന്നു.
ഇന്ത്യന് വിപണിയില് നിലവില് കൂടുതല് വിറ്റുപോകുന്ന ഡീസല് കാറുകള്ക്ക് കൂടിയ നികുതി ഏര്പ്പെടുത്താനും സര്ക്കാര് ആലോചിച്ചിരുന്നതാണ്. ഇതും ഓട്ടോ ലോബിയുടെ ശക്തമായ എതിര്പ്പുകളില് കുരുങ്ങിപ്പോയി. ദില്ലി സര്ക്കാര് ഡീസല് കാറുകള്ക്ക് ഉയര്ന്ന റോഡ് ടാക്സ് ഏര്പെടുത്താന് ഏപ്രിലില് എടുത്ത തീരുമാനം കഴിഞ്ഞയാഴ്ചയാണ് പ്രാവര്ത്തികമായത്.
Continue with Google