Click it and Unblock the Notifications
മാരുതിയെ കാത്തിരിക്കുന്നവര്ക്ക് നിരാശ
മാരുതിയുടെ വാഹനങ്ങള്ക്കായി ബുക്ക് ചെയ്ത് കാത്തിരിക്കുന്നവര്ക്ക് നിരാശയുണ്ടാക്കുന്നതാണ് ഈ വാര്ത്ത. പത്തു മാസം കാത്തിരുന്നാലും ഈയിടെ വിപണിയില് എത്തിയ പുതിയ സ്വിഫ്റ്റ് കൈയിലെത്തില്ല എന്ന നിലയിലേക്ക് കാര്യങ്ങള് എത്തിയിരിക്കുകയാണ്. മനെസര് പ്ലാന്റില് തന്നെ ഉല്പാദിപ്പിക്കുന്ന എ സ്റ്റാര്, ഡിസൈര് എന്നീ കാറുകളും ക്ഷാമകാലം അനുഭവിക്കുകയാണ്.
മനെസര് പ്ലാന്റ് അടക്കം പ്രദേശത്ത് മൂന്ന് പ്ലാന്റുകളാണ് മാരുതിക്കുള്ളത്. സാഹചര്യങ്ങളില് മാറ്റം വരുന്നതുവരെ മനെസറിലെയും ഗുഡ്ഗാവിലെയും പ്ലാന്റുകള് അടച്ചിടാന് ആലോചിക്കുന്ന കാര്യം മാരുതി സുസുക്കി വക്താവ് സ്ഥിരീകരിച്ചിട്ടുണ്ട്.
കഴിഞ്ഞ ഒരാഴ്ചയ്ക്കിടെ വെടിവെപ്പ് അടക്കമുള്ള അനിഷ്ട സംഭവങ്ങള് പ്ലാന്റില് അരങ്ങേറുകയുണ്ടായി. തൊഴിലാളികള് പ്ലാന്റ് പിടിച്ചെടുത്തുവെന്ന ആരോപണവുമായി മനെസര് പ്ലാന്റ് മാനേജ്മെന്റ് രംഗത്തു വന്നിട്ടുണ്ട്. എന്നാല് സംസ്ഥാന പൊലീസ് സേനയെ നേരിട്ട് ഇടപെടുവിക്കാനുള്ള മാനേജ്മെന്റിന്റെ തന്ത്രമാണിതെന്നാണ് ചില നിരീക്ഷകര് അഭിപ്രായപ്പെടുന്നത്.
Continue with Google