Click it and Unblock the Notifications
ആദ്യമായി കാര് കീ ലഭിക്കുമ്പോള്
എന്നിരിക്കിലും ആദ്യമായി റോഡിലേക്കിറങ്ങുമ്പോള് ചില കാര്യങ്ങള് ശ്രദ്ധിക്കേണ്ടതുണ്ട്. നിങ്ങള് ഭാവിഭാരതത്തിന്റെ ഭരണചക്രം തിരിക്കേണ്ടവനായതു കൊണ്ടല്ല ഇത് പറയുന്നത്. റോഡില് പരിചയക്കുറവ് നിമിത്തം ഒരുത്തന് കിടന്ന് വട്ടം കറങ്ങിയാല് നേരത്തിനും കാലത്തിലും കാര്യങ്ങള് ചെയ്തു തീര്ക്കാര് ഒരുങ്ങിപ്പുറപ്പെട്ട മറ്റുള്ളവര്ക്ക് അതൊരു ബുദ്ധിമുട്ടായിത്തീരും. അതിനാല് താഴെ നല്കുന്ന ടിപ്പുകള് വായിക്കുക. എന്നിട്ട് "നോക്കീം കണ്ടുമൊക്കെ" വണ്ടിയോടിക്കുക.
1) ആദ്യമായി വണ്ടി കൈയില് കിട്ടുന്നയാള്ക്ക് അത്യാഹ്ലാദമുണ്ടാവുക സ്വാഭാവികം. അതുമുഴുവന് റോഡില് പ്രകടിപ്പിച്ചാല് അസ്വാഭാവികമായ ചിലത് സംഭവിക്കും. ചേട്ടന് പറഞ്ഞ പോലെ എറച്ചീല് മണ്ണാവും. ഇക്കാരണത്താല് വളരെ ശ്രദ്ധിക്കുക. സീറ്റ് ബെല്റ്റുകള് മുറുക്കാന് ശ്രദ്ധിക്കുക. കണ്ണാടികള് ശരിയായ ദിശയിലേക്ക് തിരിച്ചു വെക്കുക. ഡ്രൈവര് സീറ്റും മറ്റ് ക്രമീകരണങ്ങളും നിങ്ങളുടെ ആവശ്യങ്ങള്ക്ക് അനുസൃതമായി ക്രമീകരിക്കുക.
2) എല്ലാ ട്രാഫിക് അടയാളങ്ങളും കണ്ടാല് തിരിച്ചറിയാന് നിങ്ങള്ക്ക് പ്രായമായിട്ടുണ്ട് എന്നത് ശരി. പക്ഷെ, പ്രസ്തുത അടയാളങ്ങള്ക്കനുസരിച്ച് പെരുമാറാന് പക്വത വരിക എന്നതാണ് പ്രധാനം.
3) ഇന്ഡിക്കേറ്ററുകള് ഉപയോഗിക്കാന് എന്തെന്നില്ലാത്ത മടിയാണ് ആദ്യമായി ഡ്രൈവ് ചെയ്യുന്ന യുവാക്കള്ക്ക്. അപ്രതീക്ഷിതമായി തിരിക്കുകയും ഒടിക്കുകയും പിന്നാലെ വരുന്ന കാറിനും തിരിവുകടന്നു വരുന്നയാളുടെ കാലിനും പണി കൊടുക്കുകയും ചെയ്യുന്നു. എല്ലാം ഇന്ഡിക്കേറ്റര് ഉപയോഗിക്കാത്തു മൂലം വന്നു ചേര്ന്ന വിന!
4) കാറിനുള്ളില് വലിയ ശബ്ദത്തില് പാട്ട് വെക്കുന്നത് സംഗീത പ്രേമികളായ യുവാക്കളുടെ ഒരു ഹോബിയാണ്. ഒരു സഞ്ചരിക്കുന്ന ഗാനമേള ട്രൂപ്പാണെന്നേ ആളുകള് കരുതൂ. ഈ സംഗീത പ്രേമം നിമിത്തം പിന്നാലെ കയറുപൊട്ടിച്ചു വരുന്ന വാഹനത്തിന്റെ ഹോണടി കേള്ക്കാന് പലര്ക്കും സാധിക്കാറില്ല. കാറിനുള്ളിലെ സംഗീത പ്രേമം ഒഴിവാക്കുന്നതാണ് ഉത്തമം. അതിന് കഴിയില്ല എന്നാണെങ്കില് നല്ല മെലഡി ഗാനങ്ങള് ശബ്ദം കുറച്ച് കേള്ക്കുക. എന്നിട്ടും ആക്സിഡന്റില് പെടുകയാണെങ്കില് ആളുകള് പറയും: ഓ, നല്ല പയ്യനായിരുന്നു. അവന് നല്ല സംഗീതത്തെ അളവറ്റ് സ്നേഹിച്ചിരുന്നു!
Continue with Google