Click it and Unblock the Notifications
ടൊയോട്ടയുടെ സ്മാര്ട്ഫോണ് കാര്
ടൊയോട്ടയാണ് ഉയര്ന്ന സാങ്കേതിക വിദ്യകളുടെ സഹായത്തോടെ ഈ കാര് വികസിപ്പിച്ചെടുത്തിരിക്കുന്നത്. ഭാവിയുടെ കാര് എന്ന വിശേഷണം എന്തുകൊണ്ടും ചേരുന്ന ഈ വാഹനത്തിന് പേര് ടൊയോട്ട ഫണ് വീ എന്നാണ്.
ഇന്റീരിയറില് ഒരു സ്മാര്ട്ട് ഫോണിനോട് എങ്ങനെയാണോ പെരുമാറേണ്ടത് അങ്ങനെ പെരുമാറണം ഡ്രൈവറും യാത്രക്കാരും. എല്ലാം ഭാഗങ്ങളും സംവേദകങ്ങളാല് നിറച്ചിരിക്കുന്നു. ടച്ച് സ്ക്രീന് സംവിധാനമാണ് ഫ്രണ്ട് വിന്ഡ് ഷീല്ഡ് അടക്കമുള്ള ഇടങ്ങള് പേറുന്നത്. കാര്യങ്ങള് 'തൊട്ടറിയാനും' അറിയിക്കാനും ഇതുവഴി സാധിക്കുന്നു.
ഫണ് വീ ആദ്യമായി അവതരിപ്പിക്കപ്പെട്ടത് ടോക്കിയോ മോട്ടോര് ഷോയിലാണ്. ഈ ഉല്പന്നം വിപണിയിലിറക്കുക എന്ന ഉദ്ദേശ്യം ടൊയോട്ടയ്ക്കില്ല. എന്നാല് വളരെ അകലെയല്ലാത്ത ഭാവിയില് ഇത്തരം വാഹനങ്ങള് വിപണി കീഴടക്കും എന്ന് ടൊയോട്ട പറയുന്നു. 'വഴികാട്ടി'യാവാനാണ് ടൊയോട്ടയുടെ ശ്രമം. നടക്കട്ടെ.
Continue with Google