Click it and Unblock the Notifications
കാറ്റില്ലാത്ത ടയറുമായി ബ്രിഡ്ജ് സ്റ്റോണ്
പരമ്പരാഗത ടയറുകളെപ്പോലെ കാറ്റടിക്കുന്ന പരിപാടിയില്ലാത്തതിനാല് പഞ്ചറാവുന്ന പ്രശ്നം ഉദിക്കുന്നില്ല. കാറ്റ് നല്കുന്ന കുഷ്യന് ഇഫക്ട് ഈ ടയറിനും ലഭിക്കും. ഇത് ലഭിക്കുന്നത് ടയറിന്റെ ഉള്ളിലെ ആരങ്ങളുടെ (സ്പോക്കുകളുടെ) പ്രത്യേക ക്രമീകരണം വഴിയാണ്. ശക്തിയേറിയതും വഴക്കമുള്ളതുമായ വസ്തുക്കള് കൊണ്ടാണ് ഈ ആരങ്ങളുടെ നിര്മിതി. ടയറിനകം നിറയെ ഈ ആരങ്ങള് മാത്രമേയുള്ളൂ, കാറ്റില്ല!
ട്രഡ് പ്രതലം നിര്മിച്ചിരിക്കുന്നത് റബ്ബര് ഉപയോഗിച്ചാണ്. ഉള്ളിലെ ആരങ്ങള് തെര്മോപ്ലാസ്റ്റിക് റെസിന് ഉപയോഗിച്ചും. ഈ അസംസ്കൃത വസ്തുക്കളെല്ലാം നൂറു ശതമാനവും പുനസ്സംസ്കരണത്തിന് വഴങ്ങുന്നവയാണ്. അതായത് പാരിസ്ഥിതിക ആഘാതഭീതി ആര്ക്കെങ്കിലുമുണ്ടെങ്കില് മാറ്റിവെച്ചോളൂ എന്ന്.
ഭാവിയുടെ ടയര് എന്നാണ് കമ്പനി ഇതിനെ വിശേഷിപ്പിക്കുന്നത്. ഈ ആശയത്തെ വിപണിക്കുവേണ്ടി കൂടുതല് പ്രായോഗികമാക്കാനുള്ള ശ്രമത്തിലാണ് ബ്രിഡ്ജ് സ്റ്റോണ് ഇപ്പോഴുള്ളത്.
Continue with Google