Click it and Unblock the Notifications
ആംബി ബംഗ്ലാദേശിലേക്ക്
ബ്രിട്ടന്, ജപ്പാന് എന്നിവിടങ്ങളിലേക്ക് അംബാസ്സഡര് കാര് കയറ്റി അയയ്ക്കുന്നുണ്ട്. ഇവിടങ്ങളില് നിന്നുള്ള പ്രതികരണം വളരെ അനുകൂലമാണെന്ന് തിരിച്ചറിഞ്ഞതോടെ ഏഷ്യന് വിപണികളില് കൂടുതല് പരീക്ഷണങ്ങള്ക്ക് മുതിരുകയാണ്. ബംഗ്ലാദേശില് ഇതിനകം തന്നെ ലോഞ്ച് ചെയ്തു കഴിഞ്ഞ അംബാസ്സഡര് കാര് അധികം താമസിക്കാതെ കയറ്റുമതി തുടങ്ങും. ധാക്കയില് അംബാസ്സഡറിന്റെ ലോഞ്ച് സംഭവമായിരുന്നുവെന്നാണ് റിപ്പോര്ട്ടുകളില് നിന്ന് മനസ്സിലാക്കുന്നത്. ഇന്ത്യന് കാര് എന്നതിനേക്കാളുപരി ഇന്ത്യയുടെ പ്രതീകം തന്നെയായിട്ടാണ് അംബാസ്സഡറിനെ മനസ്സിലാക്കുന്നത്. ഇന്ത്യയുമായി ബംഗ്ലാദേശിനുള്ള വൈകാരിക ബന്ധം വില്പനയെ സഹായിക്കുമെന്നാണ് ഹിന്ദുസ്ഥാന് മോട്ടോഴ്സ്.
ഉയര്ന്ന നികുതി നിരക്കാണ് ബംഗ്ലാദേശ് ഇറക്കുമതിക്കായി ഈടാക്കുന്നത്. അംബാസ്സഡര് കാറിന്റെ പെട്രോള്, ഡീസല്, സി എന്ജി പതിപ്പുകള് ബംഗ്ലാദേശി വിപണിയിലെത്തിക്കും. ബംഗ്ലാദേശിലെ ഇന്ട്രാക്കോ മോട്ടോഴ്സുമായി ചേര്ന്നാണ് വിപണിപിടിത്തം നടത്തുക. ബംഗ്ലാദേശിലെ ചൂടേറിയ കാലാവസ്ഥ പരിഗണിച്ച് എല്ലാ പതിപ്പുകളിലും എ സി നല്കിയിട്ടുണ്ട്.
ബംഗ്ലാദേശില് പ്ലാന്റ് നിര്മാണത്തിനും ഹിന്ദുസ്ഥാന് മോട്ടോഴ്സിന് പരിപാടിയുണ്ട്.
Continue with Google