Click it and Unblock the Notifications
വിട്ടെന്ന് സുസുക്കി വിട്ടില്ലെന്ന് ഫോക്സ്വാഗണ്
സുസുക്കിയുടെ പക്കലുള്ള ഫോക്സ്വാഗണ് ഓഹരികള് തിരിച്ചുനല്കാന് നിയമപരമായ മാര്ഗങ്ങള് സുസുക്കി ആരായും. അതേസമയം ആട്ടിയിറക്കിയാലും പോകില്ല എന്നതാണ് ഫോക്സ്വാഗണിന്റെ നിലപാട്. ഫോക്സ്വാഗണിന്റെ പക്കലുള്ള 19 ശതമാനത്തോളം വരുന്ന സുസുക്കിയുടെ ഓഹരികള് തിരിച്ചുവാങ്ങാന് സുസുക്കി തയ്യാറെടുക്കുകയാണ്. കൊടുക്കാതിരിക്കാന് ഫോക്സ്വാഗണും തയ്യാറെടുക്കുന്നു. ഇതി ഇവിടം കൊണ്ടൊന്നും തീരുന്ന പ്രശ്നമല്ല.
സുസുക്കിയെ മൊത്തമങ്ങ് വാങ്ങുന്ന കാര്യം ഫോക്സ്വാഗണിന്റെ അജണ്ടയിലുണ്ടെന്ന് ഈയിടെ കേട്ടിരുന്നു. ലോകത്തിലെ ഏറ്റവും വലിയ കാര് നിര്മാതാവാകാനുള്ള മണ്ടിപ്പാച്ചിലിലാണ് ഫോക്സ്വാഗണ് ഇപ്പോള്. ടൊയോട്ടയെ പിന്തള്ളി നിലവില് രണ്ടാം സ്ഥാനം വരെ എത്തിയിട്ടുണ്ട്.
സുസുക്കിയുടെ പക്കലുള്ള ചെറുകാര് സാങ്കേതികതയില് കണ്ണുനട്ടായിരുന്നു ഫോക്സ്വാഗണ് രണ്ടു വര്ഷം മുന്പ് സുസുക്കിയുമായി പങ്കാളിത്തക്കരാര് ഉണ്ടാക്കിയത്. ഫോക്സ്വാഗണിന്റെ പക്കലുള്ള ആഡംബര സാങ്കേതികതകളില് സുസുക്കിക്കുമുണ്ടായിരുന്നു കണ്ണ്. രണ്ടുപേരുടെയും കണ്ണിടല് മാത്രം ബാക്കിയായി എന്നതാണ് നമുക്ക് മനസ്സിലാക്കാവുന്നത്.
Continue with Google