ടൊയോട്ടയുടെ ലാഭം കുറയും

നടപ്പ് സാമ്പത്തിക വര്‍ഷം 280 ബില്യണ്‍ യെന്‍ മാത്രമേ വരുമാനമുണ്ടാകൂ എന്നാണ് കമ്പനി വ്യക്തമാക്കുന്നത്.കഴിഞ്ഞ സാമ്പത്തിക വര്‍ഷം 408 ബിലണ്‍ യെന്നിന്റെ വരുമാനമുണ്ടായിരുന്ന സ്ഥാനത്താണിത്. വടക്കന്‍ ജപ്പാനിലെ വിതരണ സംരംഭങ്ങള്‍ക്ക് ഭൂകമ്പം മൂലം സംഭവിച്ച കനത്ത നഷ്ടമാണ് ലാഭശതമാനം ഇത്രയും കുറയാന്‍ കാരണമായത്.

സാമ്പത്തിക വര്‍ഷത്തിന്റെ രണ്ടാം പകുതിയിലാണ് കമ്പനി ഏറ്റവുമധികം വില്‍പ്പന പ്രതീക്ഷിച്ചിരുന്നത്.

ഘടകഭാഗങ്ങളുടെ ലഭ്യതക്കുറവ് ഉല്‍പ്പാദനത്തെ കാര്യമായി ബാധിക്കുന്നുണ്ട്.

അതേസമയം ആഗോളവിപണിയില്‍ സംഭവിക്കാവുന്ന മാറ്റങ്ങളില്‍ ടൊയോട്ടയ്ക്ക് പ്രതീക്ഷയുണ്ട്. അനുകൂലമായ മാറ്റം വിപണിയില്‍ സംഭവിച്ചാല്‍ നിലവിലെ കണക്കുകള്‍ തകര്‍ത്ത് വിപണിയില്‍ മുന്നേറാന്‍ കഴിയുമെന്നാണ് പ്രതീക്ഷയെന്ന് ടൊയോട്ട പറയുന്നു.