Click it and Unblock the Notifications
ആള്ട്ടോയ്ക്ക് പകരം ആര് വരും?
വിപണിയില് നേരത്തെയുണ്ടായിരുന്ന മാരുതി 800-ന് പകരക്കാരിയായാണ് ആള്ട്ടോ നിരത്തിലെത്തിയത്. ലോകത്തില് ഏറ്റവുമധികം വിറ്റഴിക്കപ്പെടുന്ന ഹാച്ച്ബാക്ക് മോഡലാണ് മാരുതി ആള്ട്ടോ ഇന്ന്. ഈ സ്ഥാനത്തിന് പകരക്കാരിയായി സുസുക്കി സെര്വോയാണ് ചൂണ്ടിക്കാണിക്കപ്പെട്ടിരുന്നത്. ചില പടിഞ്ഞാറന് രാഷ്ട്രങ്ങളില് ഇവള് സജീവമാണ്.
ഹ്യൂണ്ടായ് ഇയോണ് പോലുള്ള പുതുമുറക്കാര് ആള്ട്ടോയ്ക്ക് വലിയ ഭീഷണിയായിട്ടുണ്ട്. ആള്ട്ടോയുടെ ആ പഴക്കം ചെന്ന ഡിസൈനില് തൃപ്തിയടയേണ്ട കാര്യം ഇന്നത്തെ ഉപഭോക്താവിനില്ല എന്ന അവസ്ഥ വന്നിരിക്കുന്നു. ഈ പ്രശ്നത്തെയാണ് മാരുതിയുടെ പുതിയ പ്രഖ്യാപനം അഭിസംബോധന ചെയ്യുന്നതെന്നു പറയാം.
അതേസമയം പകരക്കാരിയുടെ 'നിര്മാണം' പുരോഗമിച്ചു വരികയാണെന്നൊക്കെയാണ് നകാനിഷി പറയുന്നുണ്ട്. എന്നുവെച്ചാല് എല്ലാംകൊണ്ടും പുതിയ ഒരു മോഡല് വിപണിയിലെത്തും എന്ന് ധ്വനി. ഈ ധ്വനിപ്പിക്കലും കാര്യമായെടുക്കേണ്ടതുണ്ട്. മാസത്തില് 30,000 യൂണിറ്റ് വിറ്റുപോകുന്ന ഒരു സാധനത്തിന് എവിടെയുമിറക്കിയിട്ടില്ലാത്ത ഒരു സാധനം കൊണ്ട് പകരം വെക്കുന്നതില് തെറ്റൊന്നുമില്ല.
800 സിസി എന്ജിനായിരിക്കും എന്ന, എല്ലാവര്ക്കും അറിയുന്ന വസ്തുത മാത്രമാണ് മാരുതി ഈ വാഹനത്തെക്കുറിച്ച് പുറത്തുപറയുന്നത്. കൂടുതല് ഉയര്ന്ന ഇന്ധനക്ഷതയ്ക്ക് ഊന്നല് നല്കുമെന്ന് പറയുന്നുണ്ട്.
ഇന്ത്യന് വിപണിയില് മാത്രമാണ് ആള്ട്ടോ വിറ്റഴിക്കപ്പെടുന്നത്. ഇന്ത്യയുടെ പ്രത്യേക വിപണി സാഹചര്യങ്ങളെ മുന്നിര്ത്തിയുള്ള ഡിസൈനാണിത്. പുറംനാടുകളിലേക്ക് ഏറ്റവുമധികം കയറ്റി അയയ്ക്കപ്പെടുന്ന മാരുതി വാഹനം എ-സ്റ്റാറാണ്. ഈ കാര് പല വിപണികളിലും വിറ്റഴിക്കപ്പെടുന്നത് ആള്ട്ടോ എന്ന പേരിലാണ്.
ആള്ട്ടോ 800 സിസിക്ക് മാത്രമാണ് പകരം ആള് വരിക. 1000 സിസിയുള്ള ആള്ട്ടോ കെ10-ന്റെ കഥ ഇനിയും തുടരും.
Continue with Google