Click it and Unblock the Notifications
ഇന്ത്യന് സൂപ്പര്കാര് ഷോറും ചെന്നൈയില്
ചെന്നൈയില് ഷോറൂം എന്ന വാര്ത്ത പുറത്തു വന്നയുടനെ മികച്ച പ്രതികരണമാണ് ഡിസിക്ക് ലഭിച്ചിട്ടുള്ളത്. അവാന്തി വാങ്ങുവാനായി എട്ട് ഉപഭോക്താക്കള് ഇതിനകം തന്നെ വന്നുചേര്ന്നതായി കമ്പനി അറിയിച്ചു. ഇന്ത്യന് കാര് വിപണിയുടെ മാറിവരുന്ന മുഖച്ഛായയ്ക്ക് ഈ പ്രതികരണങ്ങള് മികച്ച ഉദാഹരണമായി ചൂണ്ടിക്കാണിക്കാവുന്നതാണ്.
എന്ജിന് ശേഷിയില് മാത്രമാണ് ഡിസി അവാന്തി സൂപ്പര്കാര് ഭീമന്മാരായ ലംബോര്ഗിനിയോടും ഫെരാരിയോടും കുറഞ്ഞുനില്ക്കുന്നതെന്ന് ഡിസി ഡിസൈന് പറയുമ്പോള് നെറ്റി ചുളിക്കേണ്ടതില്ല. മറ്റെല്ലാ സവിശേഷതകളും നല്കാന് ദീര്ഘകാലത്തെ ഡിസൈന് അനുഭവപരിചയമുള്ള, പോര്ഷെ അടക്കമുള്ള കമ്പനികള്ക്കുവേണ്ടി ഡിസൈന് നിര്വഹിച്ചിട്ടുള്ള, ഡിസൈന് രംഗത്ത് അന്തര്ദ്ദേശീയ പ്രസിദ്ധിയുള്ള ഡിസി ഡിസൈനിന് സാധിച്ചിട്ടുണ്ട്.
ഇന്ത്യന് റോഡുകളില് ഫെരാരിക്കും ലംബോര്ഗിനിക്കും ലഭിക്കുന്ന എന്ജിന് ശേഷി കൊണ്ട് ഒന്നും ചെയ്യാനില്ല എന്നതാണ് സത്യം. കാര് വിപണി വളരുകയാണെങ്കിലും റോഡുകള് ആ അളവില് വളരുന്നില്ല. ഇന്ത്യന് റോഡുകളില് സുഖകരമായി ഓടിക്കാവുന്ന ഏകവാഹനം ഓട്ടോറിക്ഷയാണ്. ഇക്കാരണത്താല് അവാന്തിയുടെ സാധ്യതയും പ്രസക്തിയും വലുതാണ്.
Continue with Google