Click it and Unblock the Notifications
റിനോ 4 ലക്ഷത്തില് താഴെയ്ക്ക്
ഇതില് പണി കിട്ടിയത് റിനോയ്ക്കാണ്. ബജാജ് "ഇപ്പശ്ശര്യാക്കിത്തരാം" എന്ന് ഉറപ്പുപറഞ്ഞ് പരിപാടി നീട്ടിക്കൊണ്ടുപോയത് മൂന്ന് വര്ഷത്തോളമാണ്. പക്ഷെ നിരാശയ്ക്ക് യാതൊരു സ്ഥാനവും വിപണിയിലില്ല. അതിനാല് റിനോ പുതിയ കരുനീക്കങ്ങള് തുടങ്ങിയിരിക്കുന്നു. ഒറ്റയ്ക്ക്!
അള്ട്രാ ചെറുകാര് എന്ന സ്വപ്നം തല്ക്കാലം വേണ്ടെന്നു വെച്ചിരിക്കുകയാണ് റിനോ. പകരം നാല് ലക്ഷത്തിനകത്ത് നിലപാടെടുക്കുന്ന പുതിയ കാറാണ് നിരത്തിലിറക്കാന് ഉദ്ദേശിക്കുന്നത്. ഈ കാര് എപ്പ വരും എന്നു ചോദിച്ചാല് കൃത്യമായ ഉത്തരം പറയാന് വയ്യ. പക്ഷെ ഒട്ടും വൈകില്ല. ഒന്നുകില് ഈ വര്ഷം അല്ലെങ്കില് അടുത്ത വര്ഷം.
"നിലവില് റിനോ കളിക്കുന്നയിടം നാല് ലക്ഷത്തിന് മുകളിലാണ്" കമ്പനിയുടെ ഇന്ത്യന് തലവനായ മാര്ക്ക് നസ്സിഫ് പറയുന്നു: "രണ്ട് ലക്ഷത്തിനും നാല് ലക്ഷത്തിനും ഇടയിലാണ് ഇന്ത്യയുടെ വോള്യം വിപണി നിലനില്ക്കുന്നത്. ഇവിടം ലക്ഷ്യമാക്കിയാണ് റിനോ ഇനി മുന്നേറുക". ഇന്ത്യയില് വിറ്റഴിക്കപ്പെടുന്ന കാറുകളുടെ 50 ശതമാനത്തിലധികം ചെറു ഹാച്ച്ബാക്കുകളാണ്.
Continue with Google