Click it and Unblock the Notifications
റോള്സ് റോയ്സ് ഫാന്റത്തില് വ്യാളി
ഫാന്റത്തിന്റെ ഈ പതിപ്പിന് 'റോള്സ് റോയ്സ് ഫാന്റം ഡ്രാഗണ് എഡിഷന്' എന്ന പേരും നല്കിക്കഴിഞ്ഞു റോള്സ് റോയ്സ്. ഇത് ലിമിറ്റഡ് എഡിഷനാണ്. അടുത്ത "എലി വര്ഷ"മോ "പന്നി വര്ഷ"മോ വരുമ്പോള് വ്യാളീപതിപ്പ് വേണം എന്നും പറഞ്ഞ് ആരും ചെല്ലരുത്!
വ്യാളീപ്പതിപ്പ് തീര്ച്ചയായും സൗഭാഗ്യങ്ങള് കൊണ്ടു വരും എന്ന കാര്യത്തില് സംശയമില്ലല്ലോ? ഇക്കാരണത്താലും കൂടുതല് സവിശേഷതകള് കൂട്ടിച്ചേര്ക്കുകയാലും വിലകൂടുതലാണ് ഈ പതിപ്പിന്. സാധാരണ ഫാന്റത്തിന് രണ്ട് കോടി രൂപ വിലമതിക്കുമ്പോള് വ്യാളീ ഫാന്റത്തിന് 6 കോടിയാണ് വില. എക്സ്റ്റീരിയര് ഡിസൈനില് കൂടുതലായി അടച്ച പണം സ്വര്ണ വ്യാളികളായി പ്രത്യക്ഷപ്പെടും. അകത്ത് പിന്സീറ്റില് വ്യാളികളെ അതിമനോഹരമായി എംബ്രോയ്ഡറി ചെയ്ത് വെക്കും.
ഇത്രയധികം വിലകൂടുതലായിട്ടും സാധനം അസാമാന്യമായി വിറ്റുപോകുന്നുണ്ടെന്നാണ് അറിവ്. ആഡംബരത്തിന് എത്ര വിലകൂടുന്നോ അത്രയും ഡിമാന്റും കൂടും എന്നാണല്ലോ തിയറി. ആഡംബര കാറുകളുടെ വില്പനയില് അമേരിക്കയെ പിന്തള്ളി ചൈന പറക്കാന് തുടങ്ങിയിട്ട് കുറച്ചു കാലമായി എന്നും അറിയുക.
Continue with Google