Click it and Unblock the Notifications
സ്ത്രീകള്ക്ക് ഹെല്മെറ്റ്: പൊതുതാല്പര്യ ഹരജി
ഉല്ലാസ് പിആര് എന്ന സിനിമാസംവിധായകനാണ് പ്രസ്തുത നിയമത്തെ ചോദ്യം ചെയ്ത് കോടതിയെ സമീപിച്ചിരിക്കുന്നത്. കേന്ദ്ര നിയമത്തെ ആസ്പദിച്ചാണ് സംസ്ഥാനം പ്രസ്തുത ചട്ടം രൂപപ്പെടുത്തിയതെന്ന് ദില്ലി സര്ക്കാര് കോടതിയില് ബോധിപ്പിച്ചു. സംസ്ഥാനത്തിന്റെ സത്യവാങ്മൂലം പഠിച്ച് എതിര്വാദം അവതരിപ്പിക്കാന് ഏപ്രില് 25 വരെ സമയം നല്കിയിരിക്കുകയാണ് കോടതി.
മുടികൊഴിച്ചിലിന് പരിഹാരമായാണ് സ്ത്രീകള് ഹെല്മെറ്റ് ധരിക്കേണ്ടെന്ന ചട്ടം ചേര്ത്തതെന്നാണ് പറയപ്പെടുന്നത്. ഹെല്മെറ്റ് ധരിക്കുന്നത് മുടികൊഴിച്ചില് വര്ധിപ്പിക്കുമെന്ന് ചില പഠനങ്ങള് ചൂണ്ടിക്കാട്ടുന്നുണ്ട്. സിഖ് സ്ത്രീകള്ക്ക് ഹെല്മെറ്റ് ധരിക്കുന്നതില് മതപരമായിത്തന്നെ തടസ്സങ്ങളുണ്ടെന്ന് സിഖ്മതക്കാര് ചൂണ്ടിക്കാട്ടുന്നുണ്ട്. ഹെല്മെറ്റ് ധരിച്ചാല് ഒരുതരം 'ആണത്തം' തോന്നിക്കുമെന്നതാണ് മറ്റൊരു പരാതി. കുട്ടികളുമായി യാത്ര ചെയ്യുമ്പോള് ഹെല്മെറ്റ് ഒരു ശല്യമാണ്. കുട്ടി കരഞ്ഞാല് ഉമ്മകൊടുത്ത് ആശ്വസിപ്പിക്കാന് കഴിയില്ല.
അതേസമയം ഈ വിഷയത്തിനു പിന്നില് വളരെ സങ്കീര്ണമായ പ്രശ്നങ്ങള് ഒളിച്ചിരിക്കുന്നുണ്ട്. സിഖ്കാര്ക്ക് വണ്ടിയോടിക്കുമ്പോള് തലപ്പാവ് ധരിച്ചിരുന്നാല് മതി. ഹെല്മെറ്റ് നിയമത്തെ മറികടക്കാം. ജാതി, മതം, ലിംഗം തുടങ്ങിയ വേര്തിരിവ് ഈ നിയമത്തിന്റെ കാര്യത്തില് പാടില്ലെന്നാണ് ഉല്ലാസിന്റെ വാദം. സ്ത്രീകളുടെ കാര്യത്തില് നിലവിലുള്ള ഇളവ് കോടതി ഒഴിവാക്കാനാവശ്യപ്പെടുകയാണെങ്കില് അതിനടിസ്ഥാനം മേല്വിവരിച്ച ജാതി-മത-ലിംഗ വേര്തിരിവില്ലായ്മ എന്നതായിരിക്കും. ഇത് സിഖ്കാര്ക്ക് നിലവില് ലഭിക്കുന്ന ഇളവിനെ സ്വാഭാവികമായി ചോദ്യം ചെയ്യും.
കണക്കുകള് പ്രകാരം 2010ല് റോഡ് ആക്സിഡന്റില് പെട്ട് 64 സ്ത്രീകള് കൊല്ലപ്പെട്ടതായി പരാതിക്കാരന് ചൂണ്ടിക്കാട്ടുന്നു.
Continue with Google