മാരുതി എര്‍റ്റിഗ ബജറ്റ് കാക്കുന്നു

Published: Friday, March 2, 2012, 14:54 [IST]

ഓട്ടോ ഉലകം ഏറെ പ്രതീക്ഷയോടെ കാത്തിരിക്കുന്ന വാഹനമായ മാരുതി എര്‍റ്റിഗ എം പി വി കേന്ദ്ര ബജറ്റിന് ശേഷം പുറത്തിറങ്ങുമെന്ന് റിപ്പോര്‍ട്ടുകള്‍. മാര്‍ച്ച് 16നാണ് ബജറ്റ്. അതിനടുത്ത ദിവസങ്ങളിലൊന്നില്‍ എര്‍റ്റിഗ സംഭവിക്കും. ഡീസല്‍ കാറുകള്‍ക്കുമേല്‍ ഉയര്‍ന്ന എക്സൈസ് ഡ്യൂട്ടി ഏര്‍പ്പെടുത്തുന്നത് സംബന്ധിച്ചും സെന്‍ട്രല്‍ വാറ്റ് സംബന്ധിച്ചുമുള്ള സര്‍ക്കാര്‍ നയം മനസ്സിലാക്കിയതിനു ശേഷം വിപണിയിലേക്കു കടക്കാം എന്നതാണ് മാരുതി ലക്ഷ്യമിടുന്നത്.

സെന്‍ട്രല്‍ വാറ്റ് ഇന്ത്യന്‍ കാറുകളുടെ വിലയില്‍ 2 ശതമാനം കണ്ട് വര്‍ധനയുണ്ടാക്കും. ഡീസല്‍ എന്‍ജിന്‍ കാറുകളുടെ നികുതി നിരക്ക് വര്‍ധിപ്പിക്കുകയാണെങ്കില്‍ അതും വിലയെ സാരമായി ബാധിക്കുന്ന ഘടകമാണ്. മാരുതി എര്‍റ്റിഗ പെട്രോളിലും ഡീസലിലും ലഭ്യമാക്കാന്‍ മാരുതി ഉദ്ദേശിക്കുന്നുണ്ട്.

2012 ദില്ലി ഓട്ടോ എക്സ്പോയില്‍ മാരുതി എര്‍റ്റിഗ പ്രദര്‍ശിപ്പിച്ചിരുന്നു. നിലവില്‍ എം പി വി വിപണിയില്‍ മാരുതിയുടെ സാന്നിധ്യമില്ല. ടൊയോട്ട ഇന്നോവയ്ക്ക് ഒരു മികച്ച എതിരാളിയായി എര്‍റ്റിഗയെ മനസ്സിലാക്കാവുന്നതാണ്.

Article Published On: Friday, March 2, 2012, 14:54 [IST]

English summary

Maruti Suzuki's foray in to the MPV segment has been slightly delayed. The Indian carmaker which was expected to launch its Ertiga MPV in the market during the first week of March has decided to delay the launch by a few weeks as it feels it needs to get a clear idea of the government's policy towards diesel engine cars.