Click it and Unblock the Notifications
ലീല ഗ്രൂപ്പ് ബിഎംഡബ്ലിയുവിലേക്ക്
കെംപിന്സ്കിയും ലോകപ്രശസ്തമായ ഒരു ഹോട്ടല് ബ്രാന്ഡാണ്. ലോകത്തെമ്പാടും ഇവര്ക്ക് ബിസിനസ്സുണ്ട്. തദ്ദേശത്തുള്ള മികച്ച ഹോട്ടല് ബ്രാന്ഡിനെ കൂട്ടുപിടിക്കുന്നത് ഇവരുടെ ഒരു ബിസിനസ് രീതിയാണ്. ഇന്ത്യയില് ലീല ഗ്രൂപ്പുമായി ചേര്ന്നാണ് ഇവരുടെ പ്രവര്ത്തനം. ലീല കെംപിന്സ്കി എന്ന് പേര്.
കഥ പറഞ്ഞ് കാടുകയറി. വാര്ത്ത ഇതൊന്നുമല്ല. ഇന്ത്യയില് എട്ട് ഹോട്ടല് സമുച്ചയങ്ങളാണ് ലീലാ കെംപിന്സ്കിക്കുള്ളത്. ഇവിടങ്ങളിലെ അതിഥികള്ക്കായി ഇനി ബി എം ഡബ്ലിയു കാറുകളാണ് ഒരുക്കുക. ബി എം ഡബ്ലിയു 5 സീരീസ്, എക്സ് 5 എസ് യു വി, 7 സീരീസ് എന്നിവയാണ് ലീലാ ഗ്രൂപ് ഉപയോഗിക്കുക.
ഇന്ത്യന് ഓട്ടോ വിപണിയിലെ ആഡംബരക്കാറുകളുടെ വില്പനയില് ഈയടുത്ത കാലത്ത് വന് വളര്ച്ചയാണ് ഉണ്ടായിട്ടുള്ളത്. ഇതില് ഹോട്ടല് ശൃംഖലകള്ക്കുള്ള പങ്ക് ചെറുതല്ലെന്നാണ് വാര്ത്തകള് സൂചിപ്പിക്കുന്നത്. ഇന്ത്യയില് ഹോട്ടല് മേഖലയില് കൂടുതലായി ഉപയോഗിക്കുന്നത് ഓഡി, മെഴ്സിഡസ്, ബി എം ഡബ്ലിയു എന്നീ ആഡംബര ഭീമന്മാരുടെ വാഹനങ്ങളാണ്. വളരെയധികം കസ്റ്റമൈസ് ചെയ്താണ് ഈ മേഖലകളില് വാഹനങ്ങള് എത്തുന്നത്.
Continue with Google