എ സ്റ്റാര്‍ സെഡാന്‍ വരുന്നു!

എസ്റ്റാര്‍ ഹാച്ച്ബാക്കിന്‍റെ പ്ലാറ്റ്ഫോമില്‍ ഒരു സെഡാന്‍ വിപണിയിലെത്തിക്കാന്‍ കമ്പനിക്ക് പദ്ധിയുണ്ടെന്ന് കേള്‍ക്കുന്നു.എന്‍ട്രി ലെവല്‍ സെഡാനായ സ്വിഫ്റ്റ് ‍ഡിസൈറിനും മധ്യനിര സെഡാനായ എസ് എക്സ്4നും ഇടയിലായി സ്ഥാനം പിടിക്കുന്ന ഒരു കാറിനെക്കുറിച്ച് മാരുതി ചിന്തിക്കുന്നതായി നേരത്തെ വാര്‍ത്തകളുണ്ടായിരുന്നു. ആ ചിന്തയായിരിക്കണം ഒരു പക്ഷെ എ സ്റ്റാര്‍ വഴി നീങ്ങുന്നത്.

സ്കോഡ റാപിഡ് നിലയുറപ്പിച്ചിരിക്കുന്ന ഇടത്തിലേക്കാണ് എ സ്റ്റാര്‍ സെഡാന്‍ വന്നിറങ്ങുക. വലിയ വെല്ലുവിളി തന്നെയാണ് റാപിഡിന് ഇത് നല്‍കുക എന്നുറപ്പ്.

മറ്റൊരു വാര്‍ത്ത റിറ്റ്സ് ഹാച്ച്ബാക്കിന്‍റെ പുതിയ പതിപ്പിനെക്കുറിച്ചാണ്. ഇന്ത്യയില്‍ ഏറ്റവുമധികം വിറ്റഴിക്കപ്പെടുന്ന കാറുകളുടെ ഗണത്തില്‍ പെട്ട ഈ വാഹനത്തിന്‍റെ പുതിയ പതിപ്പ് കുറച്ചായി കേട്ടുവരുന്നതാണ്.

പുതിയ റിറ്റ്സിന് 10,000 രൂപയോളം വില കൂടുമെന്നാണ് വിവരം. നിലവില്‍ റിറ്റ്സിന്‍റെ തുടക്കവില 4.71 ലക്ഷം രൂപയാണ്.