Click it and Unblock the Notifications
പള്സ് പെട്രോള് ഉടന്!
പള്സിന്റെ പെട്രോള് പതിപ്പ് ഉടന് തന്നെ വിപണിയിലെത്തിക്കാനുള്ള ശ്രമത്തിലാണ് റിനോ. മൈക്രയുടെ 1.2 ലിറ്റര് എന്ജിന് തന്നെയായിരിക്കും പള്സിലും ഉപയോഗിക്കുക. 80 കതിരകളുടെ കരുത്താണ് ഈ 3 സിലിണ്ടര് എന്ജിനിനുള്ളത്.
2012 അവസാനത്തോടെ ഇന്ത്യന് വിപണയില് അഞ്ച് കാറുകള് എത്തിക്കുക എന്നതാണ് റിനോയുടെ പ്രഖ്യാപിത ലക്ഷ്യം. എന്നാല് ഇതില് പെടാത്ത മറ്റൊരു കാറിനെക്കുറിച്ച് റിനോ ഇന്ത്യ മാനേജിംഗ് ഡയറക്ടര് മാര്ക്ക് നസ്സിഫ് പറയുന്നു. നാല് ലക്ഷത്തിന്റെ ചുറ്റുപാടില് വില കാണാവുന്ന ഒരു ഹാച്ച്ബാക്ക് വിപണിയിലെത്തിക്കാന് റിനോയ്ക്ക് പദ്ധതിയുണ്ട്. ഇത് 2013ലോ 2014ലോ സംഭവിക്കുമെന്ന് ഊഹിക്കാം. ഇതെക്കുറിച്ച് റിനോ ഒന്നും തന്നെ വിട്ടുപറയുന്നില്ല.
വിദേശവിപണിയിലും പുതിയ ഹാച്ച്ബാക്ക് എത്തിക്കുമെന്നാണ് വിവരം. ഇന്ത്യയില് മാരുതിയും ഹ്യൂണ്ടായിയുമാണ് നിലവില് ഈ വിപണിയില് ശക്തമായ സാന്നിധ്യം ഉറപ്പിച്ചിട്ടുള്ളത്. വിപണിയിലെ 50 ശതമാനം വില്പനയും ഈ വിലനിലവാരത്തിനകത്താണ് നടക്കുന്നത്.
Continue with Google