മൂന്നാം പാദത്തില്‍ മാരുതി ഇടിഞ്ഞു

അറ്റാദായത്തില്‍ 63.6 ശതമാനത്തിന്‍റെ വന്‍ ഇടിവാണ് സംഭവിച്ചിരിക്കുന്നത്. ആഭ്യന്തര വിപണിയില്‍ മാരുതി 211, 803 യൂണിറ്റ് കാറുകള്‍ വിറ്റഴിച്ചു. കഴിഞ്ഞ വര്‍ഷം ഇതേ കാലയളവില്‍ ഇത് 299, 527 യൂണിറ്റായിരുന്നു.

27, 725 യൂണിറ്റാണ് ഈ പാദത്തില്‍ കയറ്റുമതി ചെയ്തത്. കഴിഞ്‍ വര്‍ഷത്തെ ഇതേ കാലയളവിലെ കയറ്റുമതി 31,160 യൂണിറ്റായിരുന്നു.

ഈ തളര്‍ച്ചയുടെ കാരണങ്ങളായി മാരുതിയും മറ്റ് വിദഗ്ധരും ചൂണ്ടിക്കാണിക്കുന്നത് പുതിയ കാര്യങ്ങളൊന്നുമല്ല. മനെസര്‍ പ്ലാന്‍റ് സമരം, ഇന്ധന വിലക്കയറ്റം, ഇന്‍ററസ്റ്റ് നിരക്ക് വര്‍ധന തുടങ്ങിയ പ്രശ്നങ്ങള്‍ കഴിഞ്ഞ കുറെ മാസങ്ങളായി എല്ലാ കാര്‍ നിര്‍മാതാക്കളെയും വലച്ചുകൊണ്ടിരിക്കുകയാണ്. ഈയടുത്ത് സമയങ്ങളില്‍ സംഭവിച്ച രാപയുടെ വിലയിടിവ് മൂലം ഘടകഭാഗങ്ങളുടെ ഇറക്കുമതിയിലും റോയല്‍റ്റി ഇനത്തിലും വന്‍ തുക കാര്‍ കമ്പനികള്‍ക്ക് അടയ്ക്കേണ്ടതായി വരുന്നുണ്ട്. മാരുതിയുടെ മിക്ക കാറുകള്‍ക്കും ജപ്പാന്‍ കമ്പനിയായ സുസുക്കി മോട്ടോഴ്സിന് റോയല്‍റ്റി നല്‍കേണ്ടി വരുന്നുണ്ട്.